|
الحملــــة لمقاطعـــة قنوات الـART السلام عليكم ورحمة اللـــــه وبركــــاتة شبــــــاب الى متي الاستخفاف بالعقوووول الى متي الضحك والاستهتار بالنـــــــــاس قنوات الـART جالســـــة تلعب علينـــــا والله العظيـــــم اجبرتنااا ان احنا نشترك في ثلاث قنوات للدوري السعودي واغلب الوقت تلقي قناة الـ9والـ8 مغلقــــة قبلهــــا لعبت على المشتركيــــن قبل كــــاس العالم بانهم سوف تكون هناك قناتين هم من سوف تنقل مباريات كاس العالم وعلى المشتركين ان يدفعوا زيادة علشان نضيف لهم القنوات انا عن نفسي الحمد لله اخذت عرض كاس العالم بس طبعاااا بسعر عاالــــي لاني مشترك جديد في وقتهاااا,,, نجي للعاملين في هذي القنوات كلنــــا لدينــــا كلام على اشخاص في هذي القناة وانتم تعرفونهم .... من فودة وطقته ..... وهم من يشعلون العنصرية والتعصب الريــــاضي وخلق المشاكل اللي مالها داعي واخرها امس يوم اتهموا النصر بالمؤمرة مع النادي الكويتي بانهم يشترون المبارة انا لا اعلم الغيب ولاكن المفروض الشي اللي ماله دليل ماتقوله .,,, ماعلينا من هذي اليوم صارت مشكلــــة في نقل مبــــارة السعودية الاولمبي وايران الاولمبي..وعلى العكس تماااام نقل ارضيا على القناة السعودية بدون اي مشـــــاكل.... قبل كذ1 مبارة الهلال والاتحاد والاخراج الاستهتاري وتفويت على المشاهد اقوى مبارة في الدور السعودي بتصوير استهزائي ولعب في عقول المشتركين وكان العكس تمااام على القناة الرياضة تصوير جدا ممتاز وتصوير اعتدنا عليه,,, نجي للخصوصية والتخصيص شعب عن شعب احنـــــا فقط في كل الدول العربية الى يلزم علينا ان ندفع لكي نشاهد مباريات منتخبنـــــا؟؟؟ والله يسامح من وقع على هذي الاتفاقيـــــة من مسؤليـــن في الاتحاد السعودي,,, اخيــــراً سوالـ..؟؟ ماذا تريد من قناة الـ ART في الموسم القادم ؟؟؟ الدوري الانجليزي وبيروح...... الدوري الاسباني ورايح...... الدوري الايطالي نفس الكلام راح... لم يتبقي الا اضعف الدوريات في اوروبا البرتغال والفرنسي تابعهااا وهي تنقل على قنوات مفتوحة.... هل لابد ان نشترك علشان نشوف الدوري السعودي؟؟؟ هنا لكم حق تقولون نبي نشاهد مباريات الهلال ,,,وانا والله معكم لاكن اذا ماوقفنــــــا الباكستاني عند حده وربي بيلعب علينــــــا اكثر واكثـــــر,,, خلونـــــا نقاطع هذي القنــــاة لمده موسم واحد بس وبتشوفون الخسائــر كيف بتصيـــــر ,,كلنا قلوبنا مع الزعيــــــم وودنا ماتفوتنا ولا مبارة ولاكن دعونـــــا نحضرها في الملعب... ونزهق قلب هذا الباكستاني الى بدا يكسب من ورى جيوب الشعب السعودي بشكل كبيـــــــر!!! اسف على الاطالــــــه وسامحوني اذا غلطت في شي (اللي عنده زياده في الموضوع مافية اي مشكله احنا نبحث عن الحقيقــــة) |
:) :) :) |
يارجال عيـّن خير .. بصـراحه معك حق بــس ..! إذا قاطعنا إي ار تي .. وش يبقـى لنا نتابـع الدوري السعودي ؟ تبي تتابـعه على الرياضيـه ،، تبي تتـابع مـُحللين القناة السعوديه ولا المعلقيـن !! للاســف الدوري السعودي لا يـُعطى للقنـوات الاخـرى مادام الـ Art موجوده ! بعدين أبشــرك أن السنـه الجايـه الدوري مشــفـر كلــه على ما اعتقد . ، تحياتي |
مشكورين على المروور وعلى التعليقات لاكن اخوي وش نسوي نخلي ذا الزلابة يلعب علينـــــا ؟؟؟ اذا قاطعنا هذي القناه بس احنا الشعب السعودي وربي بتفلس ذي القناة .... |
والله انك صاااادق وانا اخوووك وازيد على كلامك انهم قالو بيغطون مبارايات دوري الدرجه الاولى ونص الفرق مانقلولهم الا مباراه وحده فقط الفتح والشعله وسدوس واكثر من فريق لاتحضرني اسمائهم وماينقلون الا الرائد كل ما افتح قناه لسبورت لقيت الرائد وهم درجه ثانيه على العموم قنااااه فاشله بكل المقاييس اما من ناحيه نقاطعها صعبه شوي فيه ناس سكنها بعيد ومايقدر يحضر كل مباراه مثلي ولازم يشترك وشكرا على موضوعك |
تبي رايي art اشترك فيها بس كاس العالم وبعدها الغي الاشتراك ... مدام بيروح عنها الدوري الانجليزي والاسباني والايطالي جالس اقلب قنوات سبورت الرياضيه توقع وش جايبين من الفضاوه سباق صيد السمك والقناة سبورت الثانية جايبين فيها التزلج مع رقص الباليه...والي بعدها جايبين سباق اقوى رجل واحد يجر سياره وراه والقناه الي بعدها كراتيه بالله فيه احد عاقل بيدفع فلوس علشان يتابع هالاشياء |
انا أؤيدك بكل كلمه قلتها اخوي alashq وفعلاً الباكستاني ذا من زمان وهو مستخف بعقول الشعب السعودي وانا من زمان قايل انه بيخرب الرياضه في السعوديه ومن صار الدوري السعودي على قنواته الفاشله والتحليل بين ايدي فوده وطقته من هنا انتشر التعصب |
بصراحه الموسم القادم سيكون كارثه على الارتي بحكم خروج الدوري الايطالي من يدها خروج الدوري الانجليزي خروج الدوري الاسباني من قبل سنه يعني ماعندهم الاالدوري السوري والدوري اليمني |
وقاحة من جد من قناة هالافغاني ... والشرهة ع سرطان بن فهد الي يشوف هالمهازل وساكت .!! |
مشكورين اخوانني على مرووركم وتعقيباتكم بصراحة لازم نضع حد لهذي المهزلـــــة |
كلام صحيح 100% |
المقاطعه جايه الدوري الانجليزي وطار منهم الدور الايطالي وبعيد عن شواربهم(اذاكان عندهم شوارب) الدوري الاسباني يحلمون به هههههههه |
اخوي العاشق انا ما اقلك انا رحنا وطي مع هالتشفير مو بس من ناحية المشاهديين حتى من ناحية اللاعبين والدوري فكيف نريد ان يكون لاعبنا ودورينا مشهور وتعرفه اقاصي الدنيا ولكن منا نقول ما ينفع له الا المصراية اشتراك واحد للحي كله( قدعان:D ) |
يا شيخ الناس ما قاطعت المنتجات الدنماركية تبيها تقاطع ART ما لنا الا الصبر و الشرهة موب على صالح كامل الشرهة على سلطان ,, !! |
كلامك صحيح 100% |
| الوقت المعتمد في المنتدى بتوقيت جرينتش +3.
الوقت الان » 12:03 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd