![]() |
لا هلال بدون باكيتا ولا باكيتا بدون الهلال ( موضوع هام ) .. السلام عليكمـ موضوعيـ لهذا اليوم عن المدرب ماركوس باكيتا سمعنا انه اقيل من المنتخب والله خبر مفرح ورأيي عودة المدرب للهلال وصدقوني لا هلال بدونه ولا باكيتا دون الهلال اعذروني على الجمله السابقه واكيد ان الهلال اكبر من مدرب بس صدقوني الفرصه بالعمر ماتجي الى مره واحدهـ باكيتا اقيل او بيقالـ ويجب عودة هذا المدرب وفيه كم نقطه لازم تذكر : 1_ سيريزو اذا نجح مع الهلال صدقوني سيذهب للمنتخب 2- اذا عاد باكيتا للهلال فلن يعود للمنتخب مهما كان وذي ميزه :thumbup: ويقال ( اذا فات الفوت ماينفع الصوت ) يعني المدرب مو جالس ينتظر سيريزو يقال بتجيه عروض وذيك الساعه ماينفع الصوت وعلى امل اني وفقت بالموضوع وبنتظار ارائكمـ يازعماء واتمنى ان ياخذ الموضوع اهتمام كبير الى اللقاء s13s |
يا أخوي كل شوية نغير مدرب المرحلة القادمة لا تحتاج مغامرة حتى لو كان يوردانيسكو نفسه والاعبين بحاجة الآن إلى الإستقرارا أما كل شوية نجيب مدرب شهر ولا شهرين ونغيره هذه صعبة شوي |
باكيتا اذا حضر الى الهلال فبشرى للاندية الاخرى ، باكيتا يحارب النجوم امثال الدعيع ونواف . مدرب وصل من الغرور مافيه الكفاية . |
يااااا رجال الهلال ما يبي مدربين !!! الهلال يبي وقفه صادقه من الجماهير للاعبين وبس .. |
حماس الهلال مفقود وهذا الي يحتاجه . |
باكيتــــا ماراح ينفع الهلال في الفتره القادمه وسيـريزوا الافضل في الفتره هذه .. |
باكيتا اذا حضر الى الهلال فبشرى للاندية الاخرى ، باكيتا يحارب النجوم امثال الدعيع ونواف . مدرب وصل من الغرور مافيه الكفاية . |
اخوي لو عاد باكيتا الان فسلملي على الاحترافية اللي نعمل بها وين احترام النادي ؟؟؟ وين احترام تاريخنا ؟؟ وين احترام عقودنا مع العالم ؟؟ من قال بان لا هلال الا بباكيتا ؟؟ لا ينكر حق ومجهود باكيتا الا جاحد لا يفقه في كرة القدم شيء باكيتا بالارقام يعتبر من افضل المدربين وما جعله ينجح هو ان الفريق كان يحتاج مدرب من فئة باكيتا حيث كان الفريق يعاني من اسماء كبيرة من امثال عبدالله الشريدة , عبدالله سليمان , احمد خليل , بندر المطيري , محمد النزهان , محمد لطف , حسين العلي هذا غير اللاعبين اللي كانوا مصابين وموقوفين امثال الجمعان , ونواف ,الشيحان ,احمد الحربي وغيره من اللاعبين والمنتقلين واهمهم خميس العويران فكان على باكيتا ان يقدم جيل شاب للفريق وهذا كان هدف الامير محمد بن فيصل حين احضره خصوصاً وهو مدرب فئات سنية وهذا الامر هو مناسب له فأخرج لنا جيل شاب ومنهم محمد العنبر , احمد الصويلح , مازن الفرح , فهد سرور , سلطان البرقان , احمد الجري , المرشدي , مشعل الموري فان كان هناك مدرب لنا الان فهو يجب ان يكون مدرب بطولات وانجازات وهذا لا يعني ان اللاعبين اكتفوا من التوجيه والارشاد فلايزال هناك لاعبون بحاجة لمدرب خبير من امثال باكيتا وهذا يجب ان يكون مدرب اولومبي اما عوده باكيتا الان وبعد هذه الجواء وبعد هذه الضروف فهو امر مرفوض جمله وتفصيل الا في حالة واحدة هي ان يكون مدشرف على قطاع الفئات السنية فيكون مدرب للشباب والناشئين ويكون معه طاقم يختاره وانا اهنا احب ان اذكركم بالمدرب القدير بروشتش حين احضره النصر للفريق الاول فاخرج ماجد ولكن الهلال احضره كمدرب للناشئين واخرج لنا الاسطورة يوسف الثنيان ومن هنا نطال بامر واحد وهو ان يكون باكيتا مشرف للفئات السنية للهلال وسيخرج لنا اجيال قادمة وقوية للكرة الهلالية والسعودية تحياتي |
انا اقول ( اذا فات الفوت ماينفع الصوت) واذا انهزمنا من الاهلي بتشوفون انواع المطالبه باقالة المدرب وارجاع باكيتا |
مـــا نـــبـــيـــه |
إقتباس:
يا زينك بس !! :upset: |
الهلال هو من أبرز ( بــاكيــتا ) وليس العكـــس .. |
النادي له ادارة تديره وليس على طريقة ما يطلبه المشجعون يعني سواء طالبتم ام لم تطالبوا بباكيتا بعد الهزيمة امام الاهلي كما تقول فهذا امر شخصي راجع لقائليه لكن ما فيه ادارة تقيل مدرب بعد شهر لانه خسر امام خصم بقيمة الاهلي لا تعتبر الخسارة منه عيبا خاصة في ظل وجود مباراة اياب |
الوقت المعتمد في المنتدى بتوقيت جرينتش +3.
الوقت الان » 01:17 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd