&:: (( كل الرياضة )) (( كل الفشل )) (( كل التعصب )) .. وش الفرق بينها ؟؟ - نادي الهلال السعودي - شبكة الزعيم

أبوشمس · #1 14/03/2007, 01:33 PM

السلام عليكم ورحمة الله وبركاته

مساكم الله بالخير ،،

البارحة كنت أشاهد التلفزيون وبالتحديد القناة (العظيمة والخطيرة) القناة الذهبية الرياضية السعودية ..

وكان يعرض البرنامج (العظيم والخطير) برنامج ( كل الرياضة ) ..

بتقديم الإعلامي المتألق و(العظيم والخطير) الأستاذ د.محمد العرفج ..

يعني أنا أقول (( وش يبغون بالضبط )) .. بفهمكم السالفة ..

الأخ جالس يتكلم عن فوز الأهلي والنصر بالبطولة العربية ..

وبعدين جايبين لقطات للأهلي ثم لقطات للنصر لكن مو هذي المشكلة .. المشكلة اللقطات ما لها دخل بالبطولة العربية ولا بتمثيل الوطن خارجيا ..

اللقطات كانت أهداف للأهلي على الهلال وأهداف للنصر على الهلال ..

يعني (( وش معنى قضت الأهداف واللقطات ما لقيت إلا تجيب أهداف الفريقين على الهلال )) وغير كذا وش دخل ذا الأهداف بالمشاركة الخارجية أو العربية يعني الهلال مو من أندية الوطن ..

لا واللي (يزيد الطين بله) على ما يقولون بعد ذا اللقطات قال نستقبل اتصالات للتهنئة من جماهير الفريقين ..

وتتصل وحده قالت أهنئ الأهلي بالتأهل وأتمنى للنصر التوفيق والتأهل وأتمنى لممثلنا الآخر الهلال التوفيق في البطولة الآسيوية ..

حضرة الأستاذ ما أعجبه الكلام فقال :: خلي الهلال على جنب حنا الآن جالسين نتكلم عن النصر والأهلي .. مع إنها ما قالت شيء بس تتمنى التوفيق للهلال ..

يعني جايبين أهداف للفريقين على الهلال وما يبغون المتصل يجيب سيرة الهلال ..

يعني (( وش يبغون بالضبط ))

تــحــيــاتــي ،،،