|
تعالوا اعطوا رايكم في نواف التمياط يا شباب اش رايكم اليوم في مستوي الكابتن نواف التمياط اتمني طرح وجهه رايكم وبدون تعصب فالجميع يعرف اخلاق نواف ولكن الى متي ونحن نجامل على حساب النادي واخيرا اتمني من المدرب اعطاء الفرصة للاعب احمد الحربي ويارب يوفق الزعيم في القادم وخصوصا كاس اسيا واحب ابارك للهلاليين التعاقد مع المدرب عبداللطيف الحسيني |
والله اخوي انا من وجهة نظري ان ابو بندر ماقصر الشوط الاول وتمنيت ان المدرب لم يخرجه بالشوط الثاني |
ما شاء الله عليه ما قصر ابو بندر |
ما قصر أبو بندر ماشاء اللـــه تبارك اللـــه واللــه يعطيه القوه |
والله ابو بندر مستواه اليوم روعه بس المثل يقول اكل العنب حبه حبه بس شوي عليه اليوم والله ماقصر الشوط الاول |
والله نواف اليوم كان النجم الاول في المباراه واعجبني في باصاته كانت رائعه وانشالله يواصل ابداعه |
اليوم نواف ابدع ابداع لو المدرب ماطلعه |
يا اخوان وش فيكم على الكابتن نواف وربي كل الانديه تتمناه اولا نواف ما يلعب بخانته الاساسيه وشفتوه اليوم كم كوره حطها للمهاجمين (انت وضميرك ) لانه لعب صانع العاب حر وثانيا نواف محارب منا كجمهور الهلال من يوم ما رضى يوقع الا بسته مليون وهذا من حقه ولا تنسوا انه فضل الهلال الي دفع 6 مليون على الاتحاد الي دفع 15 مليون وشوفوا التضحيه وبعدين الرجال يحاول يرضينا بقدر المستطاع لكن صياح الجمهور عليه والحرب النفسيه هو سبب تراجع مستواه اتمنى ما نقسى على كابتن بحجم نواف التمياط الي قدم الكثير للهلال وبرضوا مو راضين عليه اتذكر سنه من السنوات الكابتن سامي الجابر طول الموسم ما سجل ولا هدف ونفس الشي قسينا عليه وحاربناه وفي النهائي سجل هدفين ورجع لمستواه اخواني اللاعب لازم يمر بمرحله انعدام وزن واذا احنا ما صبرنا على لاعبينا ووقفنا معهم صدقوني رح نخسرهم اتمنى من كل الزعماء الالتفاف حول كل نجم هلالي وعدم القسوه عليه ولكم تحياتي |
في النهاية انخفاض مستوى نواف او محمد او ياسر هو بسبب الارهاق والا شوفوهم قبل اقل من عام كيف كانوا ملتهبين لكن كثرة المشاركات يا جماعة الخير ارهقت اللاعبين كاس عالم وارجع للدوري ويجيك واحد زي بيسيرو يعصرك ويلعب بنفس التشكيلة لاكثر من 11 مباراة في الدوري وطبلناها بكاس الخليج , خلاص تشبعوا اللاعبين انا من وجهة نظري ان التحدي القادم لكل من سيريزو والمدرب عبداللطيف الحسيني كمدرب لياقة هي كيف اشرك البدائل الجاهزة واريح الاسماء الكبيرة لكي استثمرهم في وقت الحسم شفتوا اليوم كيف الحربي يبي ياكل الكورة لانه فسقان كورة من زمان ما لعب وانا ارى ان الوقت مناسب الان لاعطاء الفرصة لهؤلاء النجوم احمد الحربي وفهد سرور وسلطان السعود وغيرهم من اللاعبين الذين يستحقون الفرصة الجادة وفي ذلك كما قلنا اراحة للنجوم المرهقة تحياتي |
| الوقت المعتمد في المنتدى بتوقيت جرينتش +3.
الوقت الان » 02:33 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd