10/03/2007, 06:57 PM
|
| زعيــم مميــز | | تاريخ التسجيل: 16/10/2005
مشاركات: 15,355
| |
السلام عليكم و رحمة الله و بركاته ,,
يعطيتس العافيه اختي ؛؛
آهـ آهـ يا يوسف  ,,
[[ على فكره ترى يوسف كان جايب قصيده عن صدام لكن السعيد لا بارك الله بعدوه هو المريخي صار بينهم و بين يوسف مشاده كلاميه و قالوا ما تقول قصيده عن صدام ]] ..
رُغم انه مالهم دخل ما يقولون هم نبي المضمون و ما علينا من الكلام ؟!!
" على فكره زعـلان انا عالنسبه المتدنيه و لا هو ما يستاهل التأهل " ,,
@@@@
ودي اتكلم عن ابن فطيس المري  ..
يا ناس هالشاعر حبيته و ربي شــاعر كبير , و يستاهل المليون !! ..
و انه اشوف انه هو الاحق بالتأهل , لكنه مظلوم نسبيا بالاصوات ,,
<<-------- قاعد يحمل ابياته بس عشان البيتين حقت ودي بك و ابيك و ابغاك ..... و ربي بيتين خرافيه ,, [[ و انا اكتب كلمة خرافيه انتهى التحميل  ]] ..
@@@@
بن مريبد العازمي ما قصـر و شرفنا و الله يعطيه العافيه ,,
و لو ان اللجنه ما تستاهل هالمدح  !
ما فيهم غير الدكتور غسان و العميمي و علي المسعودي , و لا السعيد و المريخي زي قلتهم .. و ترانا نعرف نقول ما فيك حيله او فالك المليون !! ..
@@@@
خلف بن هذال العتيبي ,,
هلا بهالطله نورت ابو ظبي يا هـرم الشعر النبطي  ,
بس اثرك راعي غزل و حنا ما ندري , انا قلت ان كتب قصيده غزل فيبي يكتبها بوحده من نياقه ,,
يا حبي لك بس .. ابوي قاعد يناظر شاعر المليون و هو مكشر لانه يبي يشوف العربيه و انا مستقعد له  ,,
عاد يوم شاف وجهك انقلبت التكشيره الى ابتسامه واسعه لترى سنون ابوي التي عبرت عن ميولها النصراويه !! ..
@@@@
صالح الشادي رفع ضغطي مدري وش يبي هو و قصايدهـ ,,
مير قصيده النبض بالذات مدري وش تبي .. نصها راحت و هو يقول المشكله ماهي بالارض المشكله بالنبض !! ..
طيب يا ابوي فهمنا الحمد لله انك منتب مدرس ابتدائي و لا كان تنادي طلاب الثانوي تراجع لهم الجمع ,,
@@@@
نهاية رساله لك اختي ,,
اخر موضوع شفته لك قلتي العين يبي يفوز على الشباب ..
و الشباب صككم 2 , هذا الليت ما تلعبون معه .. <<------- من اللي قال اتوقع العين يفوز ؟!!
سلام عليكم ..
التسناري
اخر تعديل كان بواسطة » الكناري الأزرق في يوم » 10/03/2007 عند الساعة » 07:23 PM |
شاعر المليون .. وقصائد جميع الشعراء بالفيديو 
شاعر المليون .. وقصائد جميع الشعراء بالفيديو 
الوضع العادي
