|
هذا ماحصل معي مع الأسباني ( فرانسيس ) السلام عليكم يا زعماء هاردلك التعادل وان شاء الله انها تكون خيره ومعوضين دائما .. سامي يتلقى الاعجاب من خارج الوطن وليس من داخل وطنه دائما .. سامي الاسطوره نبحث عنه في المواقع العالميه وليس مواقعنا الالكترونيه سامي .. انت نجمنا السامي .. لله درّك باختصار امس رحت ألعب كوره في النادي حق الجامعه وجالسين نلعب 4 فرق لعبنا اول مباراه وفزنا وثاني مباراه انهزمنا بس مازعل الجمهور لان مدرب اللياقه كان تعبان :D وجلست بجانب شاب أسباني اسمه فرانسيس سالته من وين وقال لي من أسبانيا قلت له شفت كاس العالم الاخير قال ايه شفته قلت له وش رايك في المنتخب السعودي في مباريته كلها قال احسن من 2002 >> فيه تقدم :D قلت طيب وش رايك في مباراة السعوديه واسبانيا قال اسبانيا لعبو في الفريق الرديف :D ثم هو قطع اسألتي وقال انا اعرف لاعب واحد من السعوديه من زماان يلعب من 94 ثم قال الجابر قلت له ايه سامي الجابر وسألته وش رايك في سامي قال هو افضل لاعب سعودي لكنه كبير شوي الحين وقال ايضا فيه لاعب ثاني من 94 لكن ما ادري وش اسمه قلت له الدعيع الحارس قال ايه الحارس >> مانت هين يابو عبدالعزيز:D ثم قلت له شفت مباراة لسعوديه وتونس ؟ قال ايه قلت شفت من سجل الهدف الاول ؟ قال ايه قلت له تعرف هذا اللاعب مين قال لا قلت له .. هو من سجل هدف في مرمى فالنسيا عندما حظرو للرياض :D بالاخير قلت له .. بتشوف هذا اللاعب في احد ملاعب اسبانيا العالميه بإذن الله ثم علمته بأسمه وقلت له ياسر رقم 20 هذا الي صار معي والله يشهد على كلامي اسف على الاطاله يا اخوان |
مو غريبة على الذيب واسد الحراسة وياسر قوله مع اني برشلوني لكن بإذن الله بيسحب لهم بقلب دفاع منتخبهم بويول وان شاء الله قريب |
بالتوفيق لـ ياسر .. و الاحتراف الخارجـي و أنتـظر كأس أسيـا منتخبـات و أنديـة و بتـشوفـه محـترف .. الحين ياسر عمره 23 .. يعني صغير و المستقبل امامه |
مهيب غريبه على سامي :) ابوزرنوق |
يعطيكم العافيه على المرور تحياتي لكم كلكم |
ماهي غربية على ابو عبدالله وعلى ابو عبد العزيز مشكور اخوي |
كبــير يا ســــامي .. وكبــير يا محمــد .. وهذا شي مو غريبـ ابدا علــيهـم .. إقتباس:
على فكــرا انــا عرفــت انـ كثــير من الاســبـانيـين ما دروا عـن المــباراة .. مثلـ الحكـم الاسباني اللي حكـم في نـهائي الموسـم اللي فاتـ .. سألوهـ عــن المباراة و وش رايكـ في الفريق الهلالي ؟ قالـ انه ما عنده علم ابدا بالمباراة !!! .. ومشكـــــــــــــــــــــــــــور .. |
إقتباس:
حياك الله اخوي هو ماشاف المباراه لكن انه سمع عن فالنسيا انه حظر للسعوديه وتكلمنا عن فيجو انه بيجي للاتحاد وسأل عن اسم النادي الي بيجيب فيجو:) |
كان سألتة عن الخير والسلامة يعرفهم ولا لا |
إقتباس:
|
إنت ماتدري إنه في أسباني يحضر مباريات الهلال |
طيب ماسألته يعرف إسحاق كواكي بعد |
ماسالته عني |
شي اكيد ابو عبدالله وابو عبد العزيز واصلين للعالمية |
كبير يا زعيم |
| الوقت المعتمد في المنتدى بتوقيت جرينتش +3.
الوقت الان » 02:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd