[COLOR="Blue"]السلام عليكم ورحمة الله وبركاته

اخواني هذا الموضوع للاخوان اللذين ذكروا بأن الأرهاق اثر على لاعبي الهلال في الفتره الأخيره

حقيقه من كثر ما اسمع بكلمة ارهااااااااااااااق صرت اكره هالكلمه

نسمعها بالجرايد

نسمعها من محللين الغفله

حتى صرنا نسمعها هنا في شبكة الزعيم

كثير من الأعضاء ذكروا بأن لاعبي الهلال يعانون من الأرهاق ومن ظغط المبارايات وخصوا بالذكر

ياسر القحطاني !!

طيب السؤال اللي يطرح نفسه الآن !!

هل فعلا لاعبي الهلال يعانون من الأرهاق وخصوصا ياسر القحطاني ؟؟؟


سؤال يحتاج الى اجابه شافيه ووافيه

انا ماراح اتكلم بكلام من راسي او كلام انشائي

هنا الأرقام هي اللتي تتكلم

<< هات ارقامك يابو ارقام

في البدايه احب ان اذكر هنا المسابقات اللي خاضها الهلال حتى هذه اللحظه

مسابقة كأس الخليج _____________ خاضها الهلال بالصف الثاني

مسابقة كأس فيصل بن فهد ______________ خاضها الهلال بالصف الثاني

مسابقة الدوري .............................. ولعب الهلال فيها 16 مباراة فقط

مسابقة كأس ولى العهد ......................... ولعب الهلال فيها مبارتين فقط

كأس الانديه الأسيويه ................................ ولعب الهلال فيها مباراة

طبعا بيطلع لي واحد وينبرش علي مثل النتشري

ويقول وين يابو الشباب نسيت كأس الخليج للمنتخبات

طيب ولايهمكم

كأس الخليج للمنتخبات ....................... ولعب المنتخب فيها 4 مباريات

( على اعتبار ان هناك بعض لاعبي الهلال الدوليين مثلوا المنتخب في هذه البطوله )

الحين كل واحد يحسب معي هالحسبه البسيطه

16 + 2 + 1 + 4 = 23 مباراة

اذا مجموع المباريات 23 مباراة حتى الآن

طيب لو رجعنا للوراء قليلا وتذكرنا اول مباراة لعبها الهلال بصفه الأساسي هذا الموسم

كانت امام فريق الخليج

وكانت يوم الخميس 14 / 9 / 2006

طيب الحين حنا يوم الخميس 8 / 3 / 2007

يعني بين هالتاريخين 175 يوم

175 / 23 = 7.6 يوم

بمعنى ان لاعبي الهلال الدوليين لعبوا بمعدل مباراة كل اسبوع

قبل ما اسأل اي سؤال !!

هل شاهدتم الدوري الانقليزي !!!!!

طبعا بيقول لي واحد ياخي ياسر كان يلعب من ايام كاس العالم ولاتوقف الحين

كأس العالم كانت المباراة النهائيه ببداية شهر 7 على ما اتذكر كانت يوم 9 / 7 / 2006

طبعا حنا ماكنا طرف بالمباراة النهائيه للأسف لان التحكيم كان متحيز للبرازيل على حسابنا

طبعا المنتخب ودع البطول قبل هذا التاريخ بكثير

ومن بعدها ولاعبونا ينعموا براحه واستجمام لمدة تقريبا شهر

يعني مافيه ارهاق ولا يحزنون

بالله عليكم شاهدوا البطولات الانقليزيه

كأس الكارلينق + كأس رابطة المحترفين + الدوري الانقليزي + بالأضافه للشامبيونز ليق

بالأضافه لمباريات المنتخب ويوم الفيفا المخصص للمباريات

ناهيك عن ان عدد الفرق الانقليزيه في الدوري 20 فريق يعني الفريق يعلب 38 مباراة

مو مثلنا 22 مباراة ونقول ارهاق

ما احب ان اوضحه هنا

لاتتعذرون بالأرهاق مره ثانيه ولاتضحكون على انفسكم

ترانا نفهم كوره زين

ولمحللين الغفله الشرهه مهيب عليكم الشرهه على اللي جابكم تحللون في التلفزيون


كلمه اخير لجماهير الزعيم

مباراة الأمس اعتبروها كبوة جواد

وبأذن الله تكون هي بداية التصحيح للقادم

وشكرا للجميع

واسف على الاطاله [/COLO]