مرحبا 1000 بكل من رحب


والله ياشباب ما تتخيلون كيف كانت سعادتي بجماهير النصر لما شفتها تساند الزعيم في البطولات الخارجية كذا ياشباب من زمان فريق النصر فريق كبييير والهلال فريق كبير ما نبي الحقد يكون بيننا نبي النفوس تكون طاهره هذي كورة قدم اليوم فوز وبكرى خسارة واليوم خسارة بكرى فوز صحيح




واللي يقهر أكثر ان ادارة منتديات النصر والهلال مليانه با لمواضيع اللي تولد الحقد والكراهية هذا يكره سامي هذا يكره ماجد هذا وهذا هذولا كلهم نجوم للكره السعودية وش بيصير لو كان هذا افضل من هذا



وتعال شوف فضايح النصر بلاويهم ومن هالكلام اللي ما منه فايده ما فيه فريق ماله فضايح في هالدنيا والفضايح اكبر واكبر لكن الجماهير ما تدري سواء في الهلال او النصر او الاهلي وجميع الفرق لكن الادارة دايما تحتفظ بمثل الاشياء اللي تسيء لنادي وانا ما الومهم هذي سياسة ادارية من أجل المحافضة على سمعة النادي



وأخيرا أرجو من ادارة منتدى الزعيم انها ما تعرض مواضيع تتعلق با لنصر الا بشيء جميل وحسن هذا منتدى الزعيم مو منتدى النصر وكل اللي فيه المفروض يكون يتعلق با الزعيم


وأكرر شكري لجماهير النصر على هذه البادرة الطيبة وفي النهاية هي كورة يلحقونها مجموعة شباب