خلاص نبي نسامحكم000بس لاعاد تعودون لها مره ثانيه فاهمين
 

من يوم ماخلصت المباراة البارح ومحاكيكم ماغير يفتح موضوع جديد ويرجع ويقفل الصفحه ويهون..:mad:
كل ماجيت ابفضفض عن اللي في قلبي واطلع حرتي على لوحة هالمفاتيح تعوذت من ابليس وقلت ياولد ترفق واصبر شوي لين تهدى اعصابك لاتقعد تجيب العيد..:rolleyes:

بس بيني وبينكم وبعد تفكير طويييييييل00 عيت تهدى اعصابي
وكل ماقريت مشاركة جديده لأحد الاعضاء تقفل معي زياده.

الحين وش السالفه اللي لعب البارح مين..

اتحداكم تثبتون ان اللي كان يلعب البارح هو الهلال..

بدون مجامله رغم ضعف المستوى الهلال كان الاقرب للفوز..

والكويت الكويتي لم يتجرأ على الهجوم وتكثيف الهجوم الا يوم شاف لاعبينا ماودهم يفوزون..

صحيح ماكان ودهم يفوزون..:eek:

هجمه لياسر والاخرى للشلهوب والثالثه للتمياط واللي رفع ضغطي التايب آخر المباراة
((هجمه مرتده والحارس في النص ووالباب فاضي يعني مايبي لها الا عقليه واحد في ثاني ابتدائي معطيه الله نشاط ويمزع ام الكوره ""ظفر"" وهدفs13s )) يقعد يفرفر لي في النص:upset: ..

صراحه هذي مالها اي داعي حتى لو كنا فايزين بعشره.

تخيلوا لو ان الحكم ماحسب هدف رودريغو كان مهزومين..

والجماهير 0000 آآآآآه يالجماهير جايين من كل مكان ومخلين اهلهم واشغالهم عشان يشوفون مباراة تفتح النفس او على الاقل نتيجة ترفع الراس لو بدون مستوى وهذي آخرتها..

جوال الزعيم له اسبوع ماله شغلة الا احضروا تكفون احضروا نبي نفوز نبي نصمخهم نبي نحوسهم حوس الله يعين الحارس على تطليع الكور من الشبكه وهذي آخرتها..

مافيه اي مبرر للي صار البارح :upset:

لاتقولون لي اصابة عزيز ولا غلطة مدرب ولا اخطاء تحكيميه..

لو الهلال لاعب بــ 20% بس من روحه اللي حنا خابرينها كان فاز بهدفين وثلاثه ويمكن اكثر..

لكن ارجع واقول كلمه اوجهها لجمهور الهلال ..
0
0
0
0
مافيه احد بالدنيا كلها يقدر يتنبأ باللي نبي نسويه..
0
0
انا من رأيي المباراة الجايه قدام الفيصلي في الاستاد في نفس الملعب:yes:
0
انادي كل الجماهير الهلاليه انها تحضر المباراة حتى لو ماتشجع
حضورها يكون لتسجيل موقف للاعبي الهلال لانهم مهما كان رجال والرجال مايحرجه الا فعل الطيب.
0
ولا فيه اطيب من جمهور الهلال
0
0
اما عاد اللاعبين فاذا انتهت المباراة بالفوز وكان المستوى مشرف نقدر ذيك الساعه نقول لهم..
خلاص00
نبي 00
نسامحكم00
بس 00
لاعاد00
تعودون00
لها00
مرة00
ثانيه00
0
0
0
0
وكان الله في عون الجميع واللي يعرف دكتور نفسي كويس يعطيني رقمه ابجلس معه كم جلسه يمكن يلقى لي طريقه يمسح فيها المباراة من راسي..

آسف للاطاله
ومع السلامه

خذ نواف معك لانه بصراحة عصبني

الحل: نقول للاعبين لاعاد تعودن لها مره ثانيه فاااااهمين

والله انك راااااااايق



مشكور يالغالي وان شاء الله القادم بيكون اجمل للزعيم ونحقق الثلاثيه

اخوي هلالي جامعة البترول وش اسوي00
ماباليد حيلة وانا اخوك..
هذي قرصة اذن والعاقل خصيم نفسه

بإذن اللّه تكون خيرهـ

وترتيب أوراق

:(

يعطيك العافية