|
عااااجل للجميع وأتمنى الكل يدخل..وأتمنى يوصل للاداره بسم الله الرحمن الرحيم الصراحه كتبت الموضوع عشان مشكله ياما ضيعت من نقاط الهلال ودايم نواجهها بالهلال بالذات وهي أنه دااايم الهلال يتقدم بفرق هدف وحيد ونبقى كل المباراة على أعصابنا واذا جاء هدف باخر الوقت نندم على ضياع الفرص اللي قبل يعني مهب أول مره ولا آخر مره ضد النصر لولا الله ثم خطأ المساعد كان متعادلين وهذانا تعادلنا ضد الكويت وصار أمل الكويت أكبر من أملنا بالتأهل وبكل المباراتين اللاعبين يستهترون ويضيعون فرص ما تضيع والسبب الأساسي هو عقلية اللاعبين شفت قبل فتره مباراة لمانشستر يونايتد جابوا هدف واستمر الضغط كأنهم مهزومين باخر الوقت والمعلق يقول ليت اللاعبين العرب يستفيدون أن هدف واحد ما يعني الفوز والله أنه صادق ولكن ما أدري هل تثقيف اللاعبين والارتقاء بعقلياتهم مسئولية المدرب أو مدير الكره أو الاداره أو من بالضبط؟؟ وهذي المشكله الصراحه من بد المشاكل كلها هي اللي نحتاج حل لها لأنها دايم بأكثر مباريات الهلال تصير إذا سجلوا هدف يبدا الاستهتار وضياع الفرص وبصراحه نبغى حلول وأنا عندي اقتراحين لحل المشكله وهن مكافئات الفوز مثلا يقولون مكافئة الفوز خمس الاف واذا فازوا بأكثر من هدف تصير سبعة الاف وأتوقع هالاقتراح لو صار بيحل مشاكل كثيره وحتى لو كان فيه تكلفه ينقصون من مكافئات الفوز بفرق هدف يعني المكافئة تصير 4000 والفوز بأكثر من هدف تصير 5000 وفيه اقتراح ثاني وهو احضار خبراء من أوروبا من المان وتشلسي يلقون محاضرات للاعبين وش ترشحون أي الاقتراحين ؟؟؟؟؟؟؟؟؟؟؟ وأتمنى اللي يقدر يوصل هالاقتراح للاداره يوصله والاعضاء ما أدري توافقونني ولا عندكم اقتراحات ثانيه؟؟ وهارد لك مره ثانيه وبالتوفيق بالمباريات القادمه |
صح لا تروح بعيد شف الاتحاد وش سوا بنجران نبي فريق ما فيه يمه ارحميني !! |
والله لاعب الهلال إذا سجل هدف يميل للإستعراض أكثر من الجدية أتمنى يتركون الإستعراض ويلعبون بجد أكثر |
شباب ما فيه تفاعل أتمنى نشوف اقتراحاتكم وأبغى واحد يتكفل يوصلها للاداره |
من عرفت الهلال وهو اذا جاااب هدف اول الدقائق يخسراو يتعااادل بعدين امس اللعب ماادري وش فييه لا تمريراات ولا تمركز اخطااااء الدفااااع الي لولا الدعيع والا كانت النتيجة لا يحمد عقبااااها تقبل مني خاالص الشكر |
انا اللي يقهرني انهم اذاجات الدقايق الاخيره كأن مصبوب عليهم فليت ريد واحدهم مصروع والبارح سوو نفس الطريقه المرمى فاضي وهم يتفرجون لين جاء الهدف والله أحرقو اعصابنا في الدقايق الخمس الاخيره من كل مباراة؟؟؟؟؟؟ |
اللي أعرفه ان الهلال راح يتأهل وأذكركم |
والله تعادل يقهر |
| الوقت المعتمد في المنتدى بتوقيت جرينتش +3.
الوقت الان » 02:28 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd