احرااااج .. مع فنجال قهوة !!!!!!!!
 

السلام عليكم ,
كيفكم ؟ ان شاء الله دايما بخير :)
هاذي بعض المواقف المحرجة والطريفة بنفس الوقت , وصايرة لناس اعرفهم ومااعرفهم .. ويمكن تكون قد صارت لكم بعد ;) :D :D

راح اقولها لكم , واتمنى انها تحوز على القليل من رضاكم .. و تفضلوها :

@ هاذي وحدة سيرت على جارتها الضحى , يوم جلست معها وهي اللي تجيب القهوة .. وتقعد تسولف .. وتصب لعمرها وتشرب , وطول الوقت تخكر ... ليييين قحنت الدلة وخلصت القهوة , وهي اللي تقول : وش رايك يا ام فلان بقهوتنا ترى تونا مغيرينها :D

( سؤال محرج :( )
والضعيفة جارتها طوووول الوقت وهي ماصبت لها :(

قالت لها : والله اني ماذقتها:(
وتقول , ياويليييييه :eek: :eek: اي والله ماصبيت لتس خليني اقوم اسوي , وهي ماتدري وين تودي وجهها :D :D



@ اما هاذي حرمة كبيرة مسيّرة على ناس , وهم اللي يقهوونها .. وكل شوي ملزمين عليها بفنجال , وبآخر واحد .. قعدت تحلف عليها انها ماتصب لها , وذيك ملزمة .. و هي اللي تاخذ الفنجال وتحطه بمخباتها ( والله ماتصبين ) ..
اختنا بالله راحت لبيتها وهي اللي تلقى فنجال الناس ناسيته بمخباتها :rolleyes: :D :D

عاد ماتدري الضعيفة هي ترجعه ولا لا , ودها ترجعه بس مستحية منهم :( وأن خلته تخاف يقولون خذت فنجالنا :confused:

والله احرااااج :p




@ أما هذا الموقف فصاير لي شخصيا ( واكيد انه قد صار لمعظمكم ) :cool:
هذا سلمكم الله .. مرة من المرارير .. كنا معزموين .. المهم ..

جابو القهوة وحطوها .. وقامت الحرمة تصب القهوة لنا ومعنا ناس ,, المهم .. يوم جا دوري .. وجت بأمد يدي , وهي اللي تطمرني :eek: وتعطي الفنجال للي بعدي :confused:

قلت يمكن ترجع لي بعدين , لكنه مافيه رجاء .. صبت للعالم وخلتني ..

وقليبي بيتقطع يبي القهوة من جهة ومستحية من جهة ثانية .. الناس يتقهوون الا انا .. وبعض اللي جمبي مستغربين ليش ماصبت لي .. تسألني وحدة لييش ما صبت لك ؟
وأقول لها : لا انا اصلا ما ابي :)
وانا قليبي يففررررررك :(:(:(

شوي يوم خلصوا متقهوين , وهي اللي توها تنتبه لي انها ماصبت لي , وتقول : يالبييييه ماصبيت لك , وراك ماعلمتيني :(
كل ذا صار قدام العالم .. وكلهم يطالعووني , وانا احس بالضعف واني مسكيينه :(, والعبرة خانقتني :(:(

واقول لها بصوت متحشرج يتخالطه بعض الرغبة بالبكاء .. لا عادي انا اصلا مابي :(

وهي تقول : ايه اشوى :)




الا وتطلع لي وحدة من هالملقف تقول: هماتس تحبين القهوة :confused:

(والله الورطة ),,قلت : ايه احبها بس ابي اسوي ريجيم زايدة كيلو هاليومين :rolleyes:
وتقول :طيب وش دخل القهوة ؟

( وش لون اخلص منها ذي ) .. قلت : لاني ما احب اشربها الا مع حلى :rolleyes:


والحمد لله انتهى الموقف على خير .. وهو مابغى ينتهي :)

عاد ودي اسألكم لو صار لكم مثل اللي صار لي وش بتسوون ؟
يمكن انتم يالرجال عادي عندكم تعطونها بالوجه , ولا يهمكم احد .. لكن احنا يالبنات ضعيفات :(

ياليت اسمع رايكم .. إذا ودكم .. وانكان عندكم مواقف ياليت تقولونها , اذا ما عليكم كلافة :)



و تحياتي للجمييع ,

هلا بالاخت عنود الصيد ياهلا
 

بصراحة مواقف في غااااااااية الاحراج خاصة العجوز اللي اخذت فنجال جيرانهم ذكرتني بالحجازي اللي سكن جنب بدوي وراح له البدوي يعزمه قال له ترى فنجال قهوتك عندنا قصده يعزمه بس الحجازي فهم خطأ قال ايوا يابويا يمكن واحد من البزورة رماه عليكم ولاحاجة هههههه وهي عاد هالعجوز الله يحفظها يوم بلشت بالفنجال
بس بصراحة موقفك انتي ماتحسدين عليه نهائيا العالم تقهوا ومبسوطة وانتي محترة تبين تعرفين ليه طمرتك ولا صبت لك وبنفس الوقت مقهورة تبين قهوة بس عاد جلّ من لاينسى وبصراحة لو انا بمحلك ويصب لهم قهوة وينساني والله لااقول له : ياخوي تراك ماقهويتني وش دعوى ناقص عن الرجال انا ولا هم اخير مني يوم ماتصب لي وبس اجيبها باسلوب مزحة برزحة

مشكورة على هالمواقف الرائعة كروعتك بس ترى الحبحر يسألني عنك يقول شكلها زعلانة مني ليه عسى ماشر وش صاير تراي والله ما ادري وش السالفة

لكِ تحياتي اخت عنود الصيد

هاهاهاهاها.........
 

الحمد الله على العقل ...
الله لايحطنا بها المواقف :):)

الصراحه مواقف محرجه ..

وياشين الملاقيف .. والله ياانا مااداني واحد يتلقف

والله المواقف كثيييره ... لكن فيه موقف انه مرره كنت معزوم والصراحه العزيمه رسميه للغاية وجاء واحد وصب لي فنجان قهوه .. المهم مده لي وكان ماليه مررره أنا ماانتبهت انه ماليه لانه من المعروف ان فنجان القهوه مايمتلي المهم اللي ولله ينكب علي وهو ابعد عني جميع اللي كانوا يتكلموا سكتوا وكل الانظار توجهت علي والمشكله اي كنت من اللي بوسط المجلس فجاء واحد من اللي مايستحون ابببد وعمره كبير قال وش جاك قلت والله بالعاده ان الفنجان مايمتلي فاللي موجودين كلهم ضحكوا .. لكن هذا كله بجهه واللي يبي يجون بعد شوي بجهه وخاصه اني لازم اكون انا من الموجودين لاني من المعزومين ولاينفع لاتغسيل ولاشيء لانهم الله يهديهم مكثرين الزعفران :( :(

السلام عليكم ,

هلا اخوي الاسير الهلالي ,
مشكوور على الرد وقراءة الموضوع , اما بالنسبة لاخوك .. لا ان شاءالله ماهنا زعل ولا شيء , هو احنا ناقصين زعل بالمنتدى :(.. عشان نكملها ..
وتحياتي لك ,

هلا اخوي يوسف الرشود .. وش دخل العقل بهالمواقف .. هاذي تجي للصاحي والمهبول :p

وآآآآمين :)

بس لازم تذوقها :cool:

تحياتي ,

اهلين اخوي سعود279 ,
كله كوم .. وموقفك بكوم ثاني .. أجل عزيمة رسمية وناس وقهوة بالزعفران
:eek:

الحمدلله مواقفنا ارحم :)

الله لايعيدة عليك :(
بس ماقلت , وش سويت باللي كب عليك , الله يعينه :(


والف شكر لك , وتحياتي ,

أختي عنودالصيد20002

امييييييين الله لا يعيده علينا ابد

ابد والله .. وش اسوي اذا فات الفوت ماينفع الصوت

بس قلت عسى مايمر عليه نفس الموقف:rolleyes: :rolleyes:

ولا انت جميع

وتقبلي خالص تحياتي