نادي الهلال السعودي - شبكة الزعيم - الموقع الرسمي - أفكار .. للجمهور الهلالي الكبير .. قبل مباراة الأربعاء .. الرجاء الدخول

يوم الأربعاء ..

مباراة مهمة جدا للزعيم الهلالي أمام الكويت الكويتي في أول مباراة في كأس آسيا 2007
الفريق الهلالي تقف خلفه جماهيره الكبيرة والتي بالتأكيد لا تحتاج إلى دعوه .. خاصة وأن
هناك أسباب كثيره تدعو للحضور ..

كدخول الجماهير المجاني .. ويوم ( أربعاء ) يعني نهاية الأسبوع .. وبطولة آسيويه مهمة .. والهلال
يقدم مستوى طيب هالفترة مما يشجع على الحضور والمؤازرة .. ووجود لاعبين عالميين كأفضل صانع ألعاب
طارق التائب وثالث هدافي شهر يناير لهذا العام ياسر القحطاني وأفضل لاعب آسيوي الشلهوب .. و الذئب
جابر العثرات حبيب القلب ( ابو عبدالله ) يعني بالله فريق هذولي لعيبته .. مستحيل جمهورهم ما يقدرون يملون الملعب !!

المهم من المتوقع أن تشهد المباراة حضور جماهيري لا بأس به ولكن لكي يظهر الجمهور بصورة أفضل وأجمل
يبهر جميع متابعي هذي المباراة الآسيويه ..

لابد أن تكون هناك ترتيبات خاصة لهذه المباراة

أولا :: لك أنت أيها المشجع الهلالي ... تعال بقميص الهلال أو أي قميص أزرق وإذا ما قدرت تجيب
قميص أزرق .. نتمنى منك أنك تلبس البلاستيك الأزرق لكي يكون منظر الجمهور جميل جدا ..

البعض يقول لو لبست الثاني لن يلبس والاخر لن يلبس ...... فلو استمرينا على هالحال ... صدقوني
لن تنجح فكرة المدرج الأزرق .. أنت ألبس وبس والباقي ... خلهم بكيفهم لا يلبسون !

الرابطة مو مقصرة أبد .. من أهازيج وحركات .. بس ينقصها تفاعل أكبر

الزلزال الأرجنتيني .. والموج المكسيكي .. لابد من أن يكونا حاضرين في هذه المباراة .

أيضا حركة المراوح بالشالات

ايه صح نسيت أنبه ... لا اشوف واحد جاي للمباراة من غير شال ... ولا احد يجيب شال ويلعقه على رقبته
أو حاطه بجيبه <<< قلب على الفصحى خخخخ:D

من جد .. تفاعل مع الجمهور ... وإلا ليش جاي ؟

المهم ... أنتم ركزوا بهالصورة زييييين

http://www./upload/4-03-2007/0.82234011718857.jpg

بتلقون عدد مدرجات الواجهه السفليه 12 والعلويه 12

يعني 24 مدرج ... نتمنى من مجلس الجمهور الهلالي يحط ناس نقدر نميزهم بلباسهم وبطاقاتهم في كل مدرج 2

يعني 48 متطوع ... وأتوقع مهيب كبيرة على الزعيم .. أنه يطلع من أبنائه 48 شخص لهذه المباراة فقط يساعدون في عملية التنظيم !!

المهم نبغى المدرجات كللللها زرقاء وخلوا عنكم اللون الأبيض ... لأنه لون الكويت الكوبت .. فأخاف يحسبونه جمهورهم

المهم الله الله بالحضور .. واللي يقول زحمه .. أقوله الملعب 70 ألف متفرج يعني لا تخاف لو جاء 69999 بتلقى لك مكان ....
صح نسيت اقول شي مهم

خشوا هالرابط

http://vb.alhilal.com/showthread.php?t=381417

ما شاء الله عليهم جمهور الزعيم ... واحد متكفل بإحضار الشعله النارية

نتمنى من مجلس الجمهور الهلالي التنسيق معه .. ويعطون (( المتطوعين )) كميات .. لكي يشعلوها بعد الأهداف بإذن الله .. ويكون في كل مدرج شعله نارية ... يؤيؤيؤيؤيؤ تخيلوا معي المنظر بس ...

.. وهذا تنبيه بعد ورجاء <<< يا كثر تنبيهاتك :D

لحد يقعد في الممرات .. ما يحتاج اقولكم الأضرار اللي بتصير .

ورجاء ... وسعوا للجمهور ... لحد يقول المكان اللي جنبي محجوز وهو (( الله بالخير )) بس كذا نذاله ما يبي أحد يقعد جنبه !!

ويله سلامـ

s13s s13s s13s