وعلى فكره هذا الجحود الهلالي هو سر تفوق الهلال وبقائه زعيما الى الان

الجماهير لا ترحم اي لاعب يطيح مستواه نقوله مع السلامه

وهذا هو السر


وبما ان لكل قاعده شواذ نستثني اسطورتنا سامي


مثلا لو كان عندنا لاعب مثل الحارثي وبزغ نجمه بمباراه او ثنتين والان مايشفعله مستواه اكيد بنطالب بخروجه من النادي وخذ لك نادي النصر مثال سبب اخفاقاتهم العيش على اطلال الماضي القديم

نواف الي قدم كل شي للهلال وفضل الهلال على حلم الاحتراف الاوروبي في فتره من الفترات ,, الحين هو موب محتاج غير دعمكم لكي يعود نواف 2000 وعودته لمستواه هو طريق الهلال لـ الفوز بكأس أسيا ان شاءالله بمعيه اللاعبين

نواف محتاج دعمكم بس !

يا اخي الكريم كلنا نحب نواف بس في حال ابتعاد اي لاعب هلالي عن مستواه حتى لو كان سامي او يوسف او اي احد لازم يرجع لكرسي الاحتياط حتى ترجع له روحه ويرجع له مستواه, ما اظن فيه مشجع هلالي يكره نواف بالعكس نواف من المع نجوم الهلال بس في حال انخفاض مستواه ولفتره طويله مثل ماقلت لازم يكون اقل شي احتياطي يا اخي الكريم احنا نشجع الهلال كفريق ومو لاعب واحد يعني اذا كان اي لاعب كان من كان بعيد عن مستواه لازم يكون فيه لاعب بديل له لان احنا كجمهور بعد لنا اعصاب...وكلنا شفنا نواف امس وقبله وقبله ومستواه مره تعبان وكان لمصلحه الفريق يلعب محمد الشلهوب ونواف يكون بديل بس قناعات مدربين (!!)
ان شاء الله نواف يرجع لمستواه والمفروض الحين محمد الشلهوب اساسي ونواف احتياط الين يرجع لمستواه المعهود

انشاء الله كبوه جواد لنواف

????
وش جاب سالفة الفرج

كبير يانواف وحنا بانتظارك

نواف ياكامل الأوصاف .... يازعيم الوسط يافنان
إرجع وإرسم الأهداف .... ورجع ذكرياتك زماااان

الف شكراً ياعزيزي
وانا دائم اقول يجب ان نقف مع نواف كما سبق وان وقفا مع سامي
الجميع يعلم ضروف من عودة من اصابة وضروف عائلية
اتمني ان اجد وقفة من ادارة واعضاء وجمهور النادي
مع الفتي الذهبي

يبقى الهلالي ذوق .... في كل الأحــوال
من مستوى ذوقه .... تحدد ميـــــــــــوله



النقد اثر علي شخصيا يوم كنت لاعب في ناشئ الاتفاق لاني سافرت ورجعت وقل مستواي

يعطيكم العافيه على المرور يازعماء ولكن

فيه ناس يفضلون لاعب على لاعب ؟ ليش الحزازيه ياهووووووه

مانختلف كل شخص له لاعب يفضله ولكن ماتوصل الأمور إلى حدود ابعد وننسى الفريق ككل
أتمنى من بعض الأخوان اللي فوق إنهم يتعلمون الإحتراف في الرد فهم الآن في منتديات الزعيم العالميه

وإحنا مانطلب الوقفه مع نواف فقط بل مع جميع اللاعبين ... ونواف بأمس الحاجه لوقفت الرجال الزعماء
ونحن كذلك وقفنا هنا في المنتدى وسوف نقف في الملعب ....... وهذا أقل شي نقدمه للاعب قدم لنا المعجزات


ونواف كبير ومايهمه قوووول الصغير ....... لايهموووووونك يانواف كلنا معاك
وأنا

تقبلوا فائق إحترامي

عتبنا على نواف نابع من حرصنا على النادي


بس من يفهمك كن نواف مقدس فوق النقد

استأذن صاحب الموضوع لأني رديت كم مره .. واوعدك هذي اخر مره :p

انت تشوف النقد بهالطريقه .. ما اتكلم عن عضو معين بل مجموعه ..

واحد يجي ويقول نواف تكفى سو نفسك مصاب !!

يرد عليه واحد ويقول ان شاء الله يُصاب صدق !!

وواحد يقول ارسلوه اعاره للفيصلي .. والثاني يقول طابت النفس
بيعوه على الاتحاد !

هذا اسمه نقد !

:confused: :confused:


وش ذا الكلام اللي انت تقوله :rolleyes:

افهم من كلامك انك بكذا انت اللي تشجع لاعب معين على حساب النادي :rolleyes:

عموماً سامي في موسم كامل عام 1416 هـ ما سجل اي هدف .. ووقفت مع الجماهير
الزرقاء الحقيقيه .. ورجع بهدفين في النهائي وجاب الكاس s60s

عموماً مانقيس اي لاعب على سامي لأن سامي ( خُرافي ) يعرف متى يعود .. ويعرف
كيف يعود :)

اما ابو بندر
فنواف صارت له ظروف صعبه هي اللي ساهمت في هبوط مستواه .. ولو مانذكر منها
الا الوفيات فقط ( الله يرحمهم برحمته )

نواف الموسم الماضي .. كان مستواه اكثر من ممتاز قياساً بأنه عائد من اصابه .
الموسم هذا هبط مستواه .. وهذا هبوط طبيعي اي لاعب في العالم يهبط مستواه
في فتره من الفترات ثم يرجع الى مستواه المعهود ..

اللاعب في هذه الفتره يحتاج الى وقفة الجمهور معه .. لأنه يلعب وهو شاك ان
الجمهور مايبيه بسبب المواضيع السخيفه .. وعدم تشجيعه في الملعب ..


لكن إحنا

بدل مانوقف معه .. نجي ننتقده باسلوب جارح ..!

ونبيه يرجع لمستواه ..:rolleyes:

الامر معنوي فقط .. وان شاء الله جمهور الزعيم مايقصر ..

ان شاء الله يعود الفتى الذهبي لسابق عهده