|
للمناقشة الراقية((رغم الفوز هل انت مقتنع بالمستوى؟)) ماذا ينقص الهلال؟ الف مبروووووووووووووووك الفووووووووووووووووز ولكن بصراحة المستوى دون المطلوب بالمرة اتمنى ان يكون الشلهوب اساسي ويبقى الخثران في مركزة كظهير ايسر والذياب بديلا مباشرا للغامدي في حالة الغياب و البرقان بديلا لخاد عزيز اما اخينا في الله المرشدي من نزل والجهة اللي مسكها شوواااااااااااارع احسن شيء يرجع لناديه الاصلي الجبلين لانه ما هو في مستوى الطائي والتائب يجب عليه التخفيف من المراوغة والاحتفاظ بالكرة ولعب الكرات السهلة بسرعة وسلاااااااااااااااااااااااااااامتكم |
السلام عليكم مبروك الفوز ياهلالين والحقيقة المستوى دون المطلوب والجابر ماقصر وجاب الهدفين عساه على القوة وانا اقول لا تقسون على القحطاني لانه في مبارة الوحدة والحزم ما شات الا باليسار وهو لاعب يشوت باليمين انا اقول اهم شيء ننتبه للمرحلة المقبلة اللي هي الاسيوية وتصحيح الاخطاء وابارك لكم مجددا |
السلام عليكم ورحمة الله وبركاتة اخوى كلامك صحيح كله لاكن المرشدي اليوم جلس مكان مو مكانه اما الباقي صحيح ميه ميه |
السلام عليكم ومبروك الفوز اخى انااتفق معك ان الهلال دون المستوى المطلوب بس فى شيء فى الهلال احب ان اعرفه هو مستوى كبير من الانانية فى اللعب وبالاخص من الشلهوب هو لاعب كبير بس هاليومين زاد من انانيته فى اللعب وبالنسبة لطارق التايب اظن انه لاعب وسط يمرر تمريرات للماهجمين وعليك ان تعاتب المهاجمين شوف كم انفرادة اعطاها طارق بعد مراوغات وكم ضيعو المهاجمين وشوف كيف جاء الهدف التانى بلعبة حلوة منه ومشكورين |
بصراحة أسوأ مباراة للزّعيم هذا الموسم شا هدتها الليلة وما قصّر ابو عبد الله |
السلام عليكم ورحمة الله وبركآته اول شيء ابآرك الفوز لجميع الزعمـآء مع ان المستوى دون المطـلوب ليس هذا الهـلال الذي ظـهر في مــبارتهـ مع الشــبآب اين الفـن الكروي الذي كنا نستمتع بـه ونفوز بـه آين يآسر عن مستوآه اين نــوآف عن مســـتوآه الهـلال في هذه المــبأره لم يقــدم شيء يذكــر برالغم من ان خصمـه هو الحـزم النآدي المــتوآضع جدا والذي استآآطع ان يحــرج الزعــيم ولكن حمدا لله ووفقنآ في نجـمنا الكـبير الذي ظـهر في وقـته في ظـل غيآب مستوى جمــيع الاعيبـه ماعدا التآيب وتفـآريس والدعيع والعنقـري ولكم مني جزيــل الشـكر واتمنى مستوى ارقى وافضـل في الاسيـويه |
بسم الله الرحمن الرحيم السلام عليكم ورحمة الله وبركآته أولاً .. مبروك الفوز المهم .. والذي جاء بإبداع الأسطورة سامي أغلى الأسامي !! لكل الهلاليين .. ثانياً .. بالفعل أن المستوى الهلال في المباراة ما هو المستوى الحقيقي للزعيم الهلالي كان الهلال .. ضائع في المباراة .. خط الوسط كان ضعيف في الشوط الأول .. رغم ضياع الفرص المحققه .. لكن الشوط الثاني تطور أداء الهلال وشكل ضغط على الحزم .. لكن عاب الهلال أنه أعط الحزم فرصة في كسب الثقة .. ولم يتسيد الهلال المباراة .. بـ لعبه المعروف .. الفن .. المتعة .. والإبداع !؟ والحمد لله على الفوز .. لكن ياسر في غير يومه .. لكان الهلال حسمها من البداية .. وأشكر الدفاع .. والأخطبوط محمد الدعيع .. الذين تحملوا عبئً كبيراً في المباراة .. وأما نجم المباراة فكان الصخرة .. تفاريس !! لأنه كان الأبرز .. في الهلال يتواجد في أماكن جيدة وصنع الهدف الأول .. وأهم حاجة ننتبه للمباراة المقبلة .. يوم الأربعاء القادم في البطولة الأسيوية !! وهي بدايية طريقاً .. إلى تحقيق اللقب !! ويتم تصحيح الاخطاء في هذه المباراة .. وتهيئة اللاعبين .. ذهنياً وبدنياً .. من أجل كسب اللقاء !! تحياتي |
التــائب هو نجم المـباراه الاول وكان يلعب بلحاله في كل المباراه اليوم انا اشوف الهلال مالعب مع الحزم التائب وسامي فقط هم اللي لعبوا مع الحزمـ |
عدت على خير بس مو كل مره تسلم الجره أعجبتني يوم قلت للمناقشه الراقيه لكنك خربتها بكلمة شوارع |
إقتباس:
اخي الكريم فقط اختلف معك في حديثك عن ماجد المرشدي وليتك نقدته باسلوب اخر وكما عنونت موضوعك بالمناقشة الراقية .. آمل منك تعديل هذا الامر وتقبل تحياتي |
مبروووووووووك الفوز بس الزعيم اليوم مو الزعيم ولو نلعب في المستوى هذا في الآسيوية عزالله جبنا العيد ومثل مالاحظتو الزعيم ينصة الوسط ولاعب يساند القناص لأنة رودريقو الفان تعبان وماله داعي |
أولاَ : مبروك الفوز ،،،، وبعدين أنا أتفق معك أني الزعيم ما هو في مستواه ،،، لكن أنا أتوقع المشكلة من كثرة المباريات ،،، وإستهزئ الهلال في الخصم ،،، وبعدين الهلال في السنوات الأخيرة وبصراحة دائما تحرجة الفرق السهله في المباريات لكن السبب وليش ما أدري ،،، وبعدين المدرب ما عرف يتعامل مع المباراة صح ،،، وبعدين لو سمحت وتركمت لاتغلط لاعب أنا أشوفه وأكثر الهلالين أنه لاعب خليفة لصالح النعيمة ولاعب كبير في إمكانيات هو المرشـــــــــدي والله كابتن والمدر ب حطه في مركزه وأتمنى له التفويق وأدعو من الله أن المدرب ما يضيع الاعب في كثرة تغير مركزه مثل ما ضاع الهليل ،،، وشكـــــــــرا . |
والله شوف بالنسبه لياسر الله يستر وما يكون عنده ظرف والله مشكله مهما يكون بس تراه مأثر على لعبه حييل ... التائب ما يحتاج ابدع بس عنده احسن من كذا .. الشلهوب نفس الكلام .. سامي بكل بساطه الله يعطيك العافيه.. نواف تكفى ارجع ترى الزعماء ذبحهم الوله ... وشكرا |
مستوى الهلال البارحة أثار أكثر من علامة إستفهام :confused: لكن الحمد لله الكابتن سامي الجابر أنقذ الموقف s13s |
اولا اتوقع كان فيه تهاون كبير في المباراة ومن خلال اللاعبين في الشوط الاول والثاني وخصوصا انه من خصم ليس بالقووي ولعبنا ببرودة اعصاب وكاننا ملكنا المباراة ولكن فاجئنا الحزم واحرجنا كثيرا رغم انه لعبنا الاسبوع الماضي مع الوحده وحسمناها في عشر دقائق والاتحاد ايضا رغم النقص بس الحزم لم اتوقع الزعيم بهذا المستوى الغير معهود ابصراحه الدعيع وتفاريس والنجم الصاعد العنقري والمفرج حملو عبئ كبير راينا تهاون كبير من اللاعبين بس اتمنى تدارك هذا الشئ حتى مع الخصم الضعيف لانه امامنا مباراة قويه يوم الاربعاء والله يوفق زعيمنا والف مبررروك للفوز ... مع التحية :) |
| الوقت المعتمد في المنتدى بتوقيت جرينتش +3.
الوقت الان » 07:16 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd