|
(()جمهور الزعيم يتحدى جمهور ميلان (صور+درس) لا يفوتكم..()) الموضوع طويل شوي ياليت تطولون بالكم وتركزوون معي كلنا نعلم ماذا تعني الزعامة لأننا نعيش في أجواءها الزرقاء وبما اننا كذلك فأحببت ان ابدي رأيي في مسألة الإبداعات الجماهيرية في الملاعب التي تقام عليها مباريات الزعيم وقبل ان نأخذ ونعطي في هذا الموضوع لابد ان نطبق هذا الافكار لانكتفي بالاعجاب ونرمي الافكار للماضي لأنه هناك الكثير من الابداعات من الاعضاء تلاقي صدى كبير بين الاعضاء والمشرفين وتنتهي في الصفحات أي لا يوجد تطبيق والنهاية لا أفكار تطبق ولا فائدة من التعب في كتابة مواضيع أي مشجع في أي مباراة (للزعيم) مستعد لتطبيق أي فكرة فيها حركة ابداعية تسجل للجماهير الهلالية مادام ان الجمهور متحمس لماذا لا نطبق الافكار النقطة الاولى أوجه كلامي للأخ المحبوب (حقوي) رئيس الرابطة حقوي: قلت (في المباراة الاخيرة) للجمهور لا احد يقف على الممرات ألتفت لأرى مدى التجاوب والنتيجة: الممرات خالية العساكر رايحين جايين وهم يقولون لا احد يوقف يا شباب اجلسوا ومن هذا الكلام فجأة اختصرت الألف ميل بخطوة (مدى تجاوب الجمهور مع حقوي والرابط بشكل عام 100%) النقطة الثانية (مالنا وما علينا) لأن مهر الزعامة غالي فلنفتح صفحة جديدة مع الابداع لنفاجأ آسيا بنوع جديد من التشجيع نتغلب فيه على (روابط ياليل دان) بالسعودية والخليج ونتغلب فيه على الألوان السادة والاعلام الشاهقة الكورية وطبول الساموراي اليابانية على الاقل لنثبت اننا الافضل في كل شيء يا جماهير الزعيم ابو سلطان تعب والله تعب وهو يعطي للزعيم يكفي انه يخصص وقت ويناشدكم بالموقع بالمؤازرة وان شاء الله ما نخيب ظن ابو سلطان فينا سامي الجابر اخر سنة له في الملاعب حرااام يودعها قبل لا نسوي شيء في حضرته المهم نبدأ الآن بعرض درس خفيف طغى عليه الاجتهاد اكثر من الاحتراف هذي صور لجمهور الزعيم استعرتها من مشاركة لأحد الأعضاء كيف نقدر ننظم هذا الجمهور نظريا هنا من المنتدى هذا الصورة توضح من فوق الخط الابيض (المدرج العلوي) يكون كله ازرق من تحت الخط الاحمر يكون كله ازرق والباقي ابيض يعني يكون في النص ابيض يعني اذا صرت في هذا المكان اعرف ماذا سيكون لون البلاستيك اللي معك اما ان ترفع الازرق او الابيض تكون النتيجة كالتالي لن تكفي بهذا الشكل سنزيد الفن ونحاول ان نصل للأفضلية بالنظر لجميع الصور اللي بالاعلى ستشعر بشيئين اما بحماس كبير لعمل (مدرج الموج القاتل) او ستشعر بالاحباط لشعورك بصعوبة هذا العمل اذا تعاونا مع رئيس الرابطة (حقوي) كل شيء بيكون على افضل حال ان شاء الله والامر اكبر من (مدرج الموج القاتل) اذا تذكرنا مواقف كثيرة يتصيد بها (الامين ومسئوله) على جمهور الزعيم نكتشف اننا نحتاج لعمل الكثير لأن الزعيم محارب واذا كان ابو سلطان واعضاء الشرف قايمين بدورهم في الدفاع عن الزعيم فدورنا كجمهور في المدرجات (كل ما احرقوا الزعيم فااح طيبه) اخر الدرس قبل سنتين في بطولة الشامبيونز ليج اقيمت مباراة بين مانشستر يوناتيد (انجلترا) مع أي سي ميلان(ايطاليا) ومعروف ان التحدي بين جمهور هذين الناديين كبير على لقب (الشياطين الحمر) وحضر جمهور المان مفاجأة تمثلت بأعلام لكل شخص في المعب كتب عليها بالانجليزية(الشياطين الحمر) كتأكيد على انهم هم الاولى باللقب وفي الرد(الاياب) كان الجمهور الايطالي (الروزونيري) يحضر مفاجاة اكبر تمثلت بهذه الصورة صورة شيطان وكتب تحتها بداخلي شيطان يالروعة هذا الجمهور يالعشقة المجنون اكبر رد ولوحة فنية ضخمة متعوب عليها السبب بسيط يعشقون فريقهم لحد الثمالة هل سيصعب علينا ان نطبق هذي اللوحة نقاط زرقاء: **يجب تعاون الرابطة ككل وعددهم تقريبا (70 الى 100) مع حقوي.. **لو ننفذ كل حركة مع اهزوجة محددة يعني (هلال هلال هووه هووه ) تعني المدرج الارجنتيني (اووه اووه اووه يا هلالي) تعني رفع الشال **ياليت يجتمعون الرابطة مع المتطوعين قبل أي مباراة بلييلة او ليلتين في النادي للترتيب.. **توزيع البلاستيك (الأزرق+الأبيض) من الافضل ان يتم قبل المباراة بيوم في النادي او قبل المباراة بساعتين على الاقل لعمل بروفااات (الوضع الحالي قبل المباراة بنص ساعة ما ينفع) **اخيرا .. التعاون مع حقوي ياليت يكون بشكل سريع وياليت حقوي يفتح موضوع كل اسبوعين لمناقشة الرابطة يارب تشوف يابوسلطان _في فترت رئاستك _ ويا سامي _قبل اعتزالك_ كيف الجمهور الازرق مبدع والى اللقاء مع موضوع ثاني خاص بالجمهور |
يالا الروعة ومشكور يا حبيبي الزعيم زعيم وبس وإن شاء الله الجمهور يطبقها في مباراه الحزم |
فكرة حلوة اتمنى ان تطبق تسلم على حرصك |
ابدااااااااااااااااااااااااااااااااااع وين حقوي عن هالاشياء |
والله فكرة رائعة مشكووووور |
مجلس الجمهور مايقصر وبعض الجمهور لكن البعض مايطبق ولا يثمن |
تقارن جمهور أوربا بجمهورنا ياخي جماهيرنا ماتعرف التنضيم ولله لاتتعب نفسك |
والله الفكره روووعه,, لكن تطبيقها صعب شوي بصراحه اتمنى تبني هالفكره من قبل رابطة الجمهور الهلالي مع حفظ الحقوق لكاتب الموضوع تحياتي |
إقتباس:
اما فكرة المدرجات فهي مجنونه بس لو تطبق |
رائعة الحركه بس وين اللي يطبقها |
ابداااااااااااااااااااااااااااااااع |
لا يوجد ماهو صعب على العاشق ولا يوجد مستحيل في وجود مبدعين من امثال كاتب الموضوع تحياتي |
اخوي شكرا لك و موضوعك رائع من الناحية النظرية .. و الله يوفقك و ليتنا نشوف الشي هذا في الواقع لكن .. اللي نشوفه كل ما جو الرابطة و اللي معهم يوزعون اللون للأسف تشوف واحد من المنطقة البيضاء مثلا يصارخ على اللي قدامه يقول عطوني لون ازرق مابي ابيض .. لين يعطونه ولا هو عارف ان الدعوة شكل من بعيد يظهر و على الشاشة .. يبي يشيل علم ازرق و بس .. ليت اللي في الملعب كلهم مثقفين و فاهمين .. لكن للأسف تشوف من جميع النوعيات .. أنا اسف اني اقول كلام زي كذا لكن هذا الواقع .. و هذا ليس فقط مشكلة في الهلال و لكن في كل الأندية .. جمهورنا غير واعي ولا مثقف .. انت عارف في اوروبا من يدخل الشخص يلقى كل شي على المقعد .. يلقىكل الأشياء اللي يحتاجها علاشان يسوون لوحات فنية مثل اللي عرضتها .. عندنا للأسف صعبة .. بالتوفيق و ان شاء الله تثبتون عكس كلامي و نشوف اللوحة اللي عرضتها .. |
وينك ياحقوي.... |
في عقل \مشكوووووووووووووووووووووووووووووووووووووووووووووووور |
| الوقت المعتمد في المنتدى بتوقيت جرينتش +3.
الوقت الان » 12:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd