" يعني ما صار فيه شبك إلا يوم وديت أهلك ؟!
يوم إنك ما خليت روضة إلا و جيتها أنت و ربعك ما فيه شبوك و يوم خذت أهلك صار فيه شبك ؟! "

الهاوي ،،،

ما هو شعورك في هذه اللحظة تحديداً تجاهي ؟!

وعليكم السلام ورحمة الله وبركاته

هلا بالهاووي ومواضيعه الزينه

إقتباس هالأيام ربيع وسعة صدر يا الله لك الحمد والشكر .. وبما أن الجو ربيعيٌ فاتحٌ للنفس فاق للكشرات ------> إذاً ستكثر الطلعات وتتنوع الكشتات ( سقا الله أيام فيثاغورس بما أن واذاً)

الله يصلحك نظلتنا هبت برررد ينخر العظم يعني مافيه كشته بكررره

إقتباس والذي لا يعرف المريس لا يسأل عنه

المريس هل هو الهريس ام المريس يعني تمر ممروس مع موييه يعطونه البزارين ..؟؟
لازم نتثقف نصف العلم من السؤال

إقتباس تذكرت أهلي الجالسين في البيت ، والدي وأمي وأخواتي، فقلت في نفسي كما أنا أناني !! من دخل الشتاء وأنا كل أسبوع أطلع للبر وأنام بذاك فيذاك ، ولا فكرت إني مره أطلع بأهلي وأخليهم ينبسطون ويغيرون جو..

اي والله تجحدوونا الله يصلحكم تخييم ورووحات وجييات .. بس زين فيك خيير وتذكرت اهلك
بس طلعهم دايم مهوب مره وحده ذواقه عن قوولة انك طلعتهم ..
<<<تنادي بحقوق البنت من اخوانها

إقتباس ثم تتصل أختي لتقول: جب لنا وأنت جاي كوكاوات وبطاطسات ..

هههههههههههههه افا عليييك هذي فاكهة الرحله اهم شئ القراميش والفص فص
ياحبيلنا يالبنات نحب سعة الصدر ..

إقتباس وصل الهاوي الى بيته الساعه 3 الظهر

هووووو طلعة الساعه 3 مثل طلعة اهلي يوم الخميس قالو مشينا الساعه 2قلت كلا والف لا
فيه مبارة الزعيــم لازم اكون مصحصحه اذا جيت من البر ولا راسي تقل صحن دوااار

إقتباس وأكثر شيئ آلمني وضيق صدري هو وجود مكنسه صفراء يدويه ضمن محتويات العفش !!! أقسم أنني لا أعلم ما هو سنعها؟؟ ولماذا هي من ضمن الفريق المشارك في الكشته؟؟

مااشاء الله على اهلك لازم يعطونهم البلديه المكنسه الذهبيه في المحافظه على النظافه البريه

إقتباس احتراما ً وتقديراً لرغبة أبي اتجهت إلى الثمامه ( ولا كنت ناوي آخذهم لمكشات راايق للعوائل على طريق القصيم)

ايه الثمامه زينه وقريبه لكن فيه مكشات قريب عند المطار يمدحوونه يقولوون ربيع ..

إقتباس خلونا نمشي قدام شوي يمكن يقضي الشبك

هههههههههههه ياليل ما اطوووولك اجل مثل شبك المطار

إقتباس ما لك حق تعتدي على حرمات الناس وتدخل أرض مهيب لك>>>>

انا منيب مفتيه بس انتم ماخربتو ولا سرقتو جلستوو فيها ومشيتوو وبالعكس كسب اجر العالم
صلوو وذكروا الله واستانسوو ..

إقتباس عندنا تشتري الارض وتنام عليها لوتبي 100 سنه ما عندك مشكله..

يمشوون ويحجرووون هالاراضي مدري ووين نبي نكشت في عام 20012 الله يحيينا ويلحقنا خير

مشكووور خيو الهاووي على هالموضووع المنيح واللي يوسع الصدر
يمال العافيه ..’’
دمت بخيــر ..’’

ههههههههههههههههههههههههههههههههه

الله يرجك .... من جد منسم يالهاوي.......

اضم صوتي معك والله مالها داعي هالشبوك....

أسلوبك رائع وممتع وهادف...>>>>>

هلا وغلا

احيي فيك روحك العائلية

بس عزيزي:



والعدالة ما عمرها تحققت بان الواحد ياخذ حقه بنفسه او يصدر العقوبات اللي يشوفها هو مناسبة

والنتايج الطيبة ما تبرر العملة الخاطئة (على قولتك في عوايل غيركم انبسطوا ...الخ)

برايي ما بني على خطأ فهو خطأ

صرت الهاوي هود (على وزن روبن هود)
اسرق من الغني لاعطي الفقير


فتكم بخير

الهاوي العزيز ،

لله درك فموضوعك هذا ، بغض النظر عن الرسالة التي تود إيصالها ، لا تكاد تنهيه مع التعليقات المصاحبة له إلا وقد انبسطت نفسك و تهللت أساريرك.

أخوك

الا أقول يالهآوي ما كنك دخلت في السيآسة شوي

الشبوك هذي حقتـ طويلين العمر - حفظهم الله - يعني من مزارع طويل العمر في الثمامة وطويل العمر الثاني في البويبيات وطويل العمر الثالث في العاذرية وطويل العمـ ... الخ < < لو بعددهم يبيلي موضوع كآمل

فلذلك خلنا حلويين وان بغيت تكشت يمدحون منتزه الثمآمه .. مجهزين لك كل شئ وكنك في بر .. وشوله تروح تقطع شبوك طويلين العمر .. الله يهديك بس

ولا أقولك وشوله تطلع للبر من الأصل غثا وقلق ورفعه ضغط

نآيفــ

حي الله الهااوي

إقتباس فقلت في نفسي كما أنا أناني !! من دخل الشتاء وأنا كل أسبوع أطلع للبر وأنام بذاك فيذاك ، ولا فكرت إني مره أطلع بأهلي وأخليهم ينبسطون ويغيرون جو..

فكرتك انت ولا جايك نزرة محترمه من الاهل

إقتباس وعندما عدت للمنزل قلت لأهلي ما ودكم ياحبي لكم نطلع للبر الأسبوع الجاي؟؟

قلت لهم يا حبي اكيد ولا ماد البوز شبرين وتهوش ولسانك يلوط أذانك

ماتلاحظ اني مستلمتك

إقتباس ثم تتصل أختي لتقول: جب لنا وأنت جاي كوكاوات وبطاطسات ..

هذي اهم شيء في الرحله اصلا ماروح للبر الا عشانهن واذا قضن ركبت السياارة وقلت مشينا
ورانا صلاة المغرب وانا قصدي لان القراميش قضن ولا كان نقدر نصلي في البر


<<<< أهنيك على هالطمووووح
ترااي أمزح

إقتباس وأكثر شيئ آلمني وضيق صدري هو وجود مكنسه صفراء يدويه ضمن محتويات العفش !!! أقسم أنني لا أعلم ما هو سنعها؟؟ ولماذا هي من ضمن الفريق المشارك في الكشته؟؟

أنا اشهد انك قطااع أرزااق ... خلها ضعيفه ترووح توسع صدرها هالمكنسه مغير
منكتمة في البيت لاروحه ولا جيه

<<<< لاتشره علي المخ فاااصل ... قل الحمد لله على نعمة العقل


يسلمووووو على المووضووع الرهيب واللي ارهب منه وجود المكنسه
الصفراء ;) سلملي عليهاا

سلااااااموووو

أخي الهاوي ,, مرحبا بك ,,

كم هي جميلة هذه الكلمات ,, وهذا الوصف الجميل لمشروع رحلة كاد أن لايتم !!

من الغريب فعلا أن الغالبية يعشقون الخروج للبر والمسمى ( كشته) حتى الأطفال يكونوا في سعادة أكثر منها في

أفضل ملاهي ,, ربما العودة للطبيعة والبعد عن المعوقات التي نخلقها لأنفسنا دور كبير في ذلك ,,

عبرت كثيرا عن ما في أنفسنا ,, فأنت تتكلم بلسان حالنا ,,

وتوقفت عند هذه العبارة :

إقتباس ياصاحب الشبك ارحم رحم الله والديك ، أرض 20 في 20 كيلو محاطة بشبك من النوع القوي ( تعبت وأنا أقطعه) ولا يوجد داخلها سوى رمال ذهبيه وشوي ربيع ، هي على هذا الحال من زماااان ، يعني لا أنت كشت فيها ولا أنت استثمرتها وبنيت عليها ولا تركتها مفتوحه يستفيد منها خلق الله!! أقل شي ليتك تحط فتحه في شبكك وتحط عندها حارس وخل الدخول بـ 200 ريال لو تبي بس خلنا ننبسط مع أهلنا بمكان قريب وآمن..

فعلا ,, ياليت والله لو يسوونها ,,

وإن شاء الله يكون فيه حل لمثل هذه التعديات الجائرة ,,

تحياتي لك ,,

لحظه لحظه!! الله يرحم والدينا ووالديكم

بعضكم فهم الموضوع خطأ

ومن قال اني أوجه دعوه الى التمرد وقطع الاشباك ؟؟ >>>>> ياحقين اللغه صح جمع شبك أشباك


انا قلت استغفر الله العظيم على ما فعلت ، يعني اعترفت اني سويت شي خطأ

كان هدفي من الموضوع محدد وواضح:

" ياصاحب الشبك ارحم رحم الله والديك ، أرض 20 في 20 كيلو محاطة بشبك من النوع القوي ( تعبت وأنا أقطعه) ولا يوجد داخلها سوى رمال ذهبيه وشوي ربيع ، هي على هذا الحال من زماااان ، يعني لا أنت كشت فيها ولا أنت استثمرتها وبنيت عليها ولا تركتها مفتوحه يستفيد منها خلق الله!!


أقل شي ليتك تحط فتحه في شبكك وتحط عندها حارس وخل الدخول بـ 200 ريال لو تبي بس خلنا ننبسط مع أهلنا بمكان قريب وآمن.. "




_________________________





& والحين كوم بام للردود &




صدى الامس

ياهلا والله وغلا

حاول يابعدي انك ماتمدح وااجد أجل تتعب وانت تقول لي خبل

إقتباس وهذا يدل على شئ واحد .. انك من الناس اللي يدعون الى الاختلاط الله يكفينا الشر

تهقى مناسب لي أصير علماني ما أدري أحس ان العلمانيه توجع البطن;)

إقتباس الا شايفين الشبك وما يهمنا الشبك الاهم هو ما بعد الشبك عاد منب قايل وش الشبك

صف النيه تكفى ماهوب وقت قلقسه

إقتباس يوم ما امدانا نبي ننزل عفشنا ونضبط امورنا الا جيب الدورية جايك ويقول اطلعوا من هالفيضة وعدوا وراكم كم فيضه هذي لا تفكرون فيها .. وان شفنا جرة اي موتر نبي نقصها ونجيب خبره هذي محجوزه لــ ******* !!!!!

سادة ليش ما حجزتوا الفيضه قبله، معروف دائما أن الاولويه للي يحجز أول

بس تبي الصدز والله اني رحمة كشتتكم

تسلم يابعدي وسوف أرسل لك رقم الحجز

_________________________


مجـــــــــــد


هلا ومسهلا ، الله يسلمك

إقتباس حط نفسك بمكانه,وش بيكون موقفك لو إنك شفت شبكك ملعوب فيه؟؟

أصلاً لو كنت مكانه كان بنيت سور وما حطيت شبك

إقتباس بعدين تخيل لو واحد لقط رقم اللوحة و صورك فيديو بالجرم المشهود و بلغ صاحب الأرض و شكاك في الشرطة و هو معاه الدليل ؟؟

حنا اذا أخطينا نعرف وشلون نخطي ، يعني مهوب أي شبك تشوفه تقطعه ، وشبك عن شبك يفرق وانا اخوك;)

الله يعافيك وتسلم على المشاركه،،

_________________________


البارق

هلا والله وغلا برفيق الدرب ،،

إقتباس الحمد لله إن بغينا البر خمس دقايق وأنت فيه ..الله لا يغير علينا ..وإن بغيت محل زين بالحيل ما يتعدى الموضوع نصف ساعة ..

اي والله انك صادق ، وحظ اللي عنده بيت بديرته حتى نوعية الكاشتين هناك محترمه وراعين مراجل وبر

إقتباس لكن السؤال اللي طرح نفسه علي كمن مرة .. أهل الرياض وش شايفين بالثمامة ..

انا رجال مالي خلق الثمامه بالذات بعد ما صاروا البزران يعثون فيها فساد ولجه وقلة حيا

لكن ميزتها الوحيده بالنسبه للعوائل انها قريبه(بالنسبه لأهل الرياض) ويلقون حولهم ناس من جنسهم يجسرون بعض ويقعدون أطول وقت ممكن..

إقتباس تقول وش اللي مخليهم ياخذون الأراضي ..يا أخوي لهم رب بيحاسبهم ..إلا أنت اللي وش خلاك تقطع الشبك قطع الله باقي شنبك ..

تقدر تقول أخذتني العزه بالاثم ، بس تكفى لا تحبرش بشنبي

إقتباس قال إيش قال آخذ أجر اللي دخلوا ..

باذن الواحد الاحد اني أخذت أجرهم، ورب العالمين رحمته واسعه

إقتباس طيب تخيل مرة دخلوا خمسين بنقالي وثلاث أفغان وناموا بغرفتك .. والباقين تستدحوا بالصالة ( طبعا وأنتم كاشتين والبيت ما " بوه " أحد ).. ماهوب لك أجر بعد ..خخخخخخخ

5 بنقاليين ما عندي مشكله لكن 3 أفغان لأ الله يرحم والديك

البيوت اللي لها سنوات مهجوره وكلن يشوفها الرايح والجاي لابد ما تلقى عمال ينامون فيها;) و أجرهم على الله..

إقتباس أدري بتقول فكر مثالي وغريب .. لكن صدقني هذا اللي عندي ووجهة نظري ..

بالعكس انا معك وقلت لك انه ما كان هدفي من السالفه اني أبرر لقطع الشبك ..

البارق ذليتنا والشبك مهوب لك أجل لو هو لك وش يبي تسوي؟؟

إقتباس بعدين رح طريق سعد .. ترى قسم بالله 100 كيلو وما حولك أحد .. وإذا حسبتها وقت ما هنا زود عن الثمامة ..

الاماكن اللي عند سعد ورماح مهيب شينه ولا هي بعيده لكن انسى موضوع انك تقعد فيها بعد المغرب ، تصير موحشه للحريم

تسلم يابعدي وذكرتني أقفل باب بيتنا زين قبل لا أطلع;)

_________________________


تغريد

هلا ومسهلا بالواصله ،،

إقتباس تقصد مين

، معليش والله اني نسيت
بس أنتي بالذات أكيد انك تعرفين وشوا المريس

إقتباس عاد تصدق احنا العكس احنا ماناخذ شي في برجر كنج في الثمامه

ما ودكم تصيرون أهلي يوم واكشت بكم بس ما والله أوقف عند برجر كنج لو تعضون الارض

إقتباس اتوقع مايجوز اصلا الي يسوونو

لا تفتين ياتغريد عندنا مفتي عام وهو مسؤول عن هالامور ، بس أنا مثلك أتوقع انه ما يجوز أبد أبد

إقتباس لو كل واحد سوى زيك اتوقع اصحاب الاراضي بيبنون سور عليها مو بس شبك

الله يسمع منك أقل شي اذا بنوا سور نصير ما نشوف وش اللي بوسطه ولا ننقهر ولا نقول حسبنا الله ونعم الوكيل ولا تلقين أحد يلعـّن


ثانكيو فيري متش بالحيل،، يوم ما قطعتنيا صرتي تلقطينها وهي طايره >>> ما أقصد شي


_________________________


سهل

هلا والله وغلا بابوحاتم

إقتباس قطــّــع يا بخت الشبوك اللي تقطعها

تقوله صااادز طيب تروح معي عقب العصر نقطع

إقتباس حقيقة الاهل يعانون بكثره من عدم خروجهم للتنزه مع ابناءهم والسبب الشله والاصدقاء .. ولكن هل كل الوقت مع الصحبه .. اليس للاهل حق

اي والله انك صادز ، حنا أغلب وقتنا لشللنا وخويانا، لكن الله يصلح الحال

إقتباس بالنسبه لي امتع الاوقات اذا خرجت مع الاهل ولكن لابد من وجود مساعد لي من الاخوان حتى نتقاسم المسؤليه

ان كانك متزوج وتطلع بعيالك وأهلك ومعك اخوانك وعيالهم أكيد تبي تصير سعة صدر..

تسلم يابعدي

_________________________


آآي وِل كوم باك أقين باذن الرحمن

هلا بـ alhawey

ماشاء الله طلعتـ حليلـ وبار بأهلكـ << وشـ شايفه ؟!

بالنسبه للأشباكـ ( الشبوكـ ) << تعلمكـ إنـ جمعكـ موبـ صحـ

المهمـ .. شيـ يقهر بصراحه

اذكر الشبوكـ زمااانـ يومـ كنّا نكشتـ أما الحينـ الحمد لله يا انا أكرهـ البر يكشتونـ أهليـ وأنا ماأروحـ ..

صدقـ وشوله يروحونـ الناسـ للبر .. أروحـ أناظر ترابـ << ماتقلد كاريكاتير الهليلـ << لايكثر بسـ ..

نرجعـ للشبكـ .. بجد حتى بالبر مايستانسـ الواحد والله حر111مـ

بسـ ماتوصلـ إنّكـ تقطعـ الشبكـ بصراحه جريء ماشاء الله عليكـ

وبنفسـ الوقتـ تعجبنيـ ماينفعـ معهمـ إلاّ العينـ الحمراء

راسـ ماله شبكـ تلقاهمـ زيّنوهـ الحينـ أهمـ شيـ إنكمـ استانستوا << يازينكـ ساكته

إقتباس لحظه لحظه!! الله يرحم والدينا ووالديكم بعضكم فهم الموضوع خطأ

هههههههههههههههههههههههههههههههههههههههههههههههههه

وشـ عندكـ ياخو11111111فـ << بتنجلد

......................

alhawey يامالـ العافيه والله ..

أسلوبكـ يوسعـ الصدر .. جوووووونـ111111نـ



يالله بـ أمانـ الله ...

عسيريه مصرقعه

هلا ومسهلا ،، الله يسلمك

إقتباس بس عساكم كنستوا البر بالمكنسه هههههههههههه هذا ان دل على شي فإنه يدل على نظافة أهلك مشالله تبارك الله

أشوى ان الخدامه ماراحت معنا ، أتوقع لوشافت التراب وشافت المكنسه تبي تطلب خروج نهائي

إقتباس وكثر لاهلك من هالطلعات ترا يستانسون عليها

ان شاء الله ، والله ان وناسة أمي تسوى عندي الدنيا

تشكرااتي لك

_________________________________


جراح الهلال


هلا ومسهلا ،،

إقتباس والأهل ماخذوا حقهم من طلعات البر بس الجايات أكثر ان شاء الله

ان شاء الله بس عسى الجو يضبط وتخف الغبرات

تشكرااتي لك


أقول ما تخبر لي طبيب جراحة أسنان مضبوط ؟ >>>> بما أنك جراح

_________________________________


نـــ15ـــمر

هلا وغلا بنمر

إقتباس والله ان موضوعك خطييييييييييييييير وسياسي بحت الله يستر

الله يقطع شيطانك لا توهقنا مهوب سياسي ولا هم يحزنون

إقتباس بس كم من الهاوي عندنا الدعوه خربانه خربانه

ياحبي لك أشكرك من اعماق قلبي لكن شف يابعدي ابكون معك صريح ترى اذا طاح الفاس بالراس والله ما أعرفك>>> قليل خاتمه

إقتباس انت شاري ارض مساحتها 1000 متر ناوي تبني فيها بيت بعد 5 سنوات او تبيعها علما ان الارض في منطقه سكنيه ويوجد بجواراها ويوجد بجوارها عده منازل وللاسف بما انك عند ناس ما يحترمون القوانين والانظمه وما يعرفون الاحترام قاوموا وخل الارض مزبله فتجي تشوف شجر مقصوص ومرمي فيها بقايا خشب وبلك وسمن وكفرات

صدقت وانا اخوك ، وما اختلفنا لو ان الارض مشبكه عشان يقوم فيها مشروع لكن مثلك عارف الاراضي اللي بالبر مشبكه من عشرات السنين وبالغالب ان الشبك موضوع بلا هدف سوى اثبات الملكيه !!

تشكرااتي لك

_________________________________


عز الهلال

هلار ومسهلا ،،

إقتباس والله يـاخوي صدقت البـر معاد فيه مكان , كـل البـر صار [ محوط ] بالشبكـ والاسلاك , الي الله يبعدنـا عنهـا

المشكله ياغالي حتى السلاتيح والمطفرين صاروا يحطون مخيمات وأسلاكهم مقفله المنافذ مع كل مكان

إقتباس وحتى يقولون البـحـر حق جدة بيصير [ مشبك ] مثل بر أهل الرياض

اهدا من كذا الله ياخذ روح عدوك

الكلام المكتوب يعبر عن وجهة نظر راعيه وانا قسم بالله مالي دخل


تشكرااتي لك

_________________________________


البالون

هلا وغلا ،، مبطين عنك

إقتباس لا خليتـه بدون شبـوك و لا استغليتـه بـ أي مشـروع آخـر !!

شفت وشلون !! لكن الشكوى لله

إقتباس عمـومـا .. يمـدحـون الزراديـات في البر أجـل

لا لا لا تكفى تعوذ من ابليس ، واذا ما لقيت مكان ياخي تقدم شوي مهيب مشكله لومشيت 150 كلم وبعدين المشي بالسياره يوسع الصدر


تشكرااتي لك

_________________________________


سعودي

هلا ومسهلا ،،

إقتباس الرجال متخسر ودافع فلوس علي شان يشبك ارضه وتجي انت وتقطعه وين المسؤوليه بتصرفك هذا وليه اصلاً يعني خلصت اراضي السعودية

خلاص يابن الحلال والله اني تبت ولا عمري أتعودها تبين أقعد أصيح عشان تتأكد

إقتباس بعدين يمكن اراضي ورثه وميت جدهم منذو مبطي وللحين ماتقاسمو ايش حشرك بينهم

هذي ما جت على بالي ، يمكن أنت صادز

إقتباس لازم تروح لصاحب الشبك وتعطيه قيمه الجزء اللي قطعت

طيب أعطيك فلوس وتروح لمه أنت بس تكفى قله يسلم عليك الهاوي ويقول حللنا

تشكرااتي لك

_________________________________


يـــ اني هلاليه ــلوموني

هلا ومسهلا،، الله يسلمك

تشكرااتي لك

_________________________________


الصراحه تعبت

آآي وِل كوم باك أقين ان الله شاء وأراد

فرصه ضايعه

هلا ومسهلا بالفرصه ،،

إقتباس ماودك تصير أخوي

الا ودي بس لا تقولين ياسفابي

إقتباس والله فيك الخير على الأقل فكرت غيرك مايفكر

والخير فيك وفي عيال الناس لكن حنا نغفل كثير ، وليتنا نركز على أن الأهل أولاً، وعسى الله يقدرنا على بر والدينا وحسن العشره مع اخواننا..

إقتباس ياحبيلها أخيتك كنها أنا سلملي عليها

معناها لو صرتي شقيقتي تبي تزيد المقاضي ويزيد صرف القروش ويصير 12جلكسي بدال 6!! أحسن شي تصيرين اختي بالاسلام وبس

إقتباس عشان نكنس الفرشه اللي حنا جالسين عليها بدال لا نقوم الجالسين وننفضها هذي أسهل تعرف البزران يجلسون بنعالهم ويملون الفرشه تراب

وتقعدون كل شوي تكنسون!! عز الله صارت كشتت خدامات

إقتباس بعذر روضة خريم حاطين فيها صبات هذا اللي يفيد فيكم

ياشينكم لا شبيتوا على الواحد واشغلتوه بعمره

كرهت الشبوك وطاريها

إقتباس لا صدق البر وش كبرة مافيه إلا ذا المشبك

يا فرصه داري ان البر كبر قريح بس هالمنطقه اللي فيها الشبوك قريبه وبعيده عن الدشير ، أنتي توحين

إقتباس هم صدق يضيقون الصدر بتشبيكهم بس ملكهم ياخيي وكل واحد حر بملكه .....

وانا قايل انها مهيب ملكهم ، كل اللي ابيه انهم يستفيدون من هالاراضي اللي لها سنوات على هالحال أو يفتحونها للناس ما دام انها أرض فاضيه

إقتباس لا عاد تعودها ومسموح هالمرة <<<< كن الشبك لها الحين تسامح

تقويلنه صادقه !! الظاهر اني من اليوم ورايح اذا شفت شبك ابلبس البرقع وأصد عنه


عوافي على مشاركتك وتواصلك وياسفابتس بالنيابه عنتس

________________________________


الماسه الزرقاء

هلا ومسهلا بالماسه ،،

إقتباس حيّا الله الهاوي , من زمان عن مواضيعك

الله مير يحييك ويبقيك ، أكيد من زمان ؟! نسيتي مطار الملك خالد وعنان والشله

إقتباس الحمدالله اكتشفنا شاب سعودي غير أناني نفخر به ويجب أن تُسجل حالته في موسوعة جينيس

اي والله امدحيني قدامهم تكفين ، تراهم أشغلوا عمري بقطعة الشبك ونسوا قطعة الخاطر

إقتباس من ناحيتنا خيمنا الحمدالله بفضل الله ثم بفضل والدي الله يطول بعمره ومن ناحيةالأخوان ما عندي اخو كبير إلا واحد في الثانوي من عطّل وهو كاشت مع ربعه ,

الله يحفظ أبيـّيك ويرزقك برّه ..

ومع احترامي لحقين الثانويه بس أغلبهم مصدر هم ومشاكل على أهله ، وعسى الله يصلح الجميع

إقتباس حتى لما تخلص , كنّا كل يوم على وحدة تتصل على اخوها تخاويه لأقرب محطة وتشتري لنا ما نقص من المقرمشات والمشروبات و الشوكولاتات

الماسه انتم تاكلون الكاكاو والبطاطس ولا تجدعونه يرتفع ضغطي اذا جبت لأهلي عدد 2 كيس كبير من هالخرابيط ومن بكرا يقولون جب لنا قضى!!

إقتباس لازم العفش إحتياطاً لما قد يطرأ

هو ما ذبح قلبي الا هالكلمه " احتياط" توي أعرف ليش اللاعبين تقفل معهم لا صاروا احتياط
احتياط = ماله سنع

إقتباس لكن ما نكثر العفش وبعد المغرب ندخل على احد منتزهات الثمامة نكمل سهرتنا فيها ,

وان احسب انه ما فيه الا انا واهلي اللي يطبق هالخطه بعد المغرب ازبن في أحد المنتزهات

إقتباس لكن يوم كشتنا بروضة خريم لأن جلسنا تقريباً حول 6ايام,

روضة خريم صايره كنها حديقه مليانه أوادم ، وانا رجال أبي أمي تجدع الجلال

إقتباس وغير الميك أب والكريمات والواقيات من الشمس

ما ودك تكشت بحريم ميك اب ومدري وشوا أخبر أمي منوّل اذا خربتها جابت فازلين

إقتباس أربع أيام منها كانت عزايم طبعاً غدا وعشا

ماش العزايم بالبر ما له سنع ، المفروض اللي يبي يجي يجيب معه المقسوم وبس

إقتباس الهاوي الله يهديك , هذا يُسمى مخالفة للقوانين ولا تقعد تجيب لك أعذار

رجعنا على طيري اللي طيب ان شاء الله

إقتباس عاد تبي الصدق .. والله إني شايفه في جهة شبك على بحر جدة

أخاف انه شبك سمك


الله يعافيك ويسلمك

وتشكراتي على مشاركتك وتواصلك،،

________________________________

انشغلت ، وابرجع ان شاء الله

الكــلاسيكي

ياهلا وغلا باخو قلبي ،،

إقتباس من المفروض انه قبل عمل المشروع يحق لهم تحويطه بشبك ..

ياسلاااام عليك ياعادل هذا المفروض قل آمين جعلك تصير مستشار عند الملك

وش اللي يمنعهم وخيرهم واجد انه اذا بغوا ينفذون المشروع ينظفون المنطقة ويشبكونها على كيفهم ..

إقتباس عموماً انت خليت باحدى شروط الحريه .. وتدخلت بشبوك الاخرين .. وخربتها ..

ياويل قلبي من السديري راعي حقوق الانسان لا يدري تكفى

إقتباس المهم .. ارجع من بكره ورجع الشبك .. والشي الثاني لو انت بامريكا كان حكموا عليك بالسجن 100 سنه ؛قولو مدى الحياه وريحونا ..

لو اني بامريكا يابعدي كان ما أعرف الا شبوك الحمام;) <<<< تهقى بواشطن فيه سوق حمام

إقتباس لكن ان شاء الله بعزم يوم انا والاهل وبنروح مع نفس الشبك اللي انت قطيت ..

اي والله رح ووسع صدر أهلك ولا تنسى تدعي لي، بس أخاف يعيي عليك البارق تدخل مع الفتحه ويذلك بالعمّال

إقتباس بقول لك .. انت سبيت .. بس استغفرت .. ذرب ماشاء الله عليك ..

كنت داري الله مير يسلمك

إقتباس <<ماتحس اني ماجبت طاري شي ..

عادل تكفى خلك على هالوزنيه وتعوذ من ابليس لا جاك طاريه

تسلم يابعدي على مشاركتك وتواصلك

_________________________________


abu_riman


هلا وغلا بابوريمان ،،

إقتباس " يعني ما صار فيه شبك إلا يوم وديت أهلك ؟! يوم إنك ما خليت روضة إلا و جيتها أنت و ربعك ما فيه شبوك و يوم خذت أهلك صار فيه شبك ؟! "

روضة الخفس ، روضة خريم ، روضة نوره ، كل هذولي رياض زرتها مع أهلي يوم كانت الظروف تساعد ، نكون جماعه ومعنا وقت كافي للمشوار والبعد ..

إقتباس ما هو شعورك في هذه اللحظة تحديداً تجاهي ؟!

عزيز وغالي يابعدي وأفهمك زين أكثر مما تتصور;)

تسلم على مشاركتك تواصلك

_________________________________


ابويارا المغترب

هلا وغلا بابو يارا ،،

تسلم يابعدي والحق اني انبسط اذا شفتك

_________________________________

أبو راس

هلا وغلا بابوراس ،،

إقتباس والعدالة ما عمرها تحققت بان الواحد ياخذ حقه بنفسه او يصدر العقوبات اللي يشوفها هو مناسبة

كلامك سليم ، لكن العداله تتحق اذا كان هناك من يطالب بها ، وهذا هو هدفي من الموضوع

إقتباس صرت الهاوي هود (على وزن روبن هود) اسرق من الغني لاعطي الفقير

على الاقل طريقته الخاطئه فتحت آفاق لمراجعة الضمير عند الاغنياء;)



الله يجزاك خير ودائما ً أقول يعجبني الشخص الذي يبني ردوده ومشاركاته من منطلق ما تمليه عليه عقيدته

_________________________________


القاضي

ياهلا ومسهلا بالغالي الفاضل ابو عبدالله،،

تسلم يابعدي ، ويسعدني جدا تواجدك

_________________________________

M e T o O o


هلا ومسهلا بنايف منول ،،

إقتباس الا أقول يالهآوي ما كنك دخلت في السيآسة شوي

لأ ما كني ولا كنك ولا الكنّــه ولكن قدر الله وما شاء فعل

إقتباس الشبوك هذي حقتـ طويلين العمر - حفظهم الله - يعني من مزارع طويل العمر في الثمامة وطويل العمر الثاني في البويبيات وطويل العمر الثالث في العاذرية وطويل العمـ

تصدق توي أدري

لو انك قايل لي من زمان كان أروح أحط ورده على الشبك وأمشي

إقتباس فلذلك خلنا حلويين وان بغيت تكشت يمدحون منتزه الثمآمه ..

حلوين يابعدي حلوين ما عاد هنا كشته لو يصير النفود بسطح بيتنا ما طلعت له


تشكرااات على المشاركه

_________________________________



سوف أنكس بعد قليقلات باذن الله