هلاليه سنعه

هلا وغلا بالسنعه ،،

آآسف جداا سقط اسمك من الرد اللي فوق مع اني مسوي قص ولزق

إقتباس الله يصلحك نظلتنا هبت برررد ينخر العظم يعني مافيه كشته بكررره

حرااام عليك ماجانا برد يسوى بالايام الاخيره، بس يمكن انك ما تعشيتي ذيك الليله

إقتباس المريس هل هو الهريس ام المريس يعني تمر ممروس مع موييه يعطونه البزارين ..؟؟ لازم نتثقف نصف العلم من السؤال

مع اني قايل لا تسألون عنه بس كم عندنا من سنعه

ولأنك سنعه( أشغلنا بهالسنع ) عرفتي وشو المريس " تمر ممروس مع موييه يعطونه البزارين ." بس ترى مهوب شرط للبزارين ياخذونه الكبار اللي تجيهم حصوه

إقتباس بس طلعهم دايم مهوب مره وحده ذواقه عن قوولة انك طلعتهم ..

دايم دايم يعني ما ينفع دايم شوي؟!;)

إقتباس هههههههههههههه افا عليييك هذي فاكهة الرحله اهم شئ القراميش والفص فصياحبيلنا يالبنات نحب سعة الصدر ..

الفصفص عاد هو ملح الكشته

إقتباس هووووو طلعة الساعه 3 مثل طلعة اهلي يوم الخميس قالو مشينا الساعه 2قلت كلا والف لا فيه مبارة الزعيــم لازم اكون مصحصحه اذا جيت من البر ولا راسي تقل صحن دوااار

صدز متأخرين بالحيل لكن وش أسوي عندي دوام ، والخميس كان عندنا زواج

أجل صحن دوار وبعدين وش سالفة الصداع اللي يجي الحريم عقب البر؟!! ياكثر ما يشكون منه تقل توهم جايين من حصة كيمياء مهوب من بر!!

إقتباس ايه الثمامه زينه وقريبه لكن فيه مكشات قريب عند المطار يمدحوونه يقولوون ربيع ..

بس كل خمس دقايق تمر طياره وانواع الازعاج وبعض البزارين عله يبدا يصيح لا سمع الصوت

إقتباس انا منيب مفتيه بس انتم ماخربتو ولا سرقتو جلستوو فيها ومشيتوو وبالعكس كسب اجر العالم صلوو وذكروا الله واستانسوو ..

انا اشهد انك فهمتي اللي بالخاطر.

الخطأ كان بقطع الشبك ، ولا غيره انشاء الله ان لي وله أجر عظيم ، يكفي هالعجز اللي ما غير يتسنن ويدعن الله

إقتباس يمشوون ويحجرووون هالاراضي مدري ووين نبي نكشت في عام 20012 الله يحيينا ويلحقنا خير

عام 2012 يبي يصير البر اللي حولنا كله سيراميك ونضطر نسافر عشان نكشت يعني مكشاتنا ببيتنا أحسن



الله يعافيك يالسنعه وتشكرااتي على تواصلك ، ومعليش نوبتن ثانيه;)





_________________________________



متلثمة بشال الهلال

هلا ومسهلا الله يحييك ،،

إقتباس فكرتك انت ولا جايك نزرة محترمه من الاهل

خليني أقول فكرتي لأني ما أعرف وش معنى " نزره "أصلاً

إقتباس قلت لهم يا حبي اكيد ولا ماد البوز شبرين وتهوش ولسانك يلوط أذانك

الحين انتي وش تبين بالضبط؟!

سيبينا نتفاهم مع أهلينا براحتنا

إقتباس هذي اهم شيء في الرحله اصلا ماروح للبر الا عشانهن واذا قضن ركبت السياارة وقلت مشينا ورانا صلاة المغرب وانا قصدي لان القراميش قضن ولا كان نقدر نصلي في البر

الله يخلف على أميمتك كاشته عشان بطنك!!

إقتباس أنا اشهد انك قطااع أرزااق ... خلها ضعيفه ترووح توسع صدرها هالمكنسه مغير منكتمة في البيت لاروحه ولا جيه

انتي تحتسين عن المكنسه ولا عن أم الجيران !!

إقتباس يسلمووووو على المووضووع الرهيب واللي ارهب منه وجود المكنسه الصفراء سلملي عليهاا

تراي أخبر لك شيخ قرايته زينه


تشكراتي على ردك المنسم الوسيع الصدر ووخري اللثمه عن ختشتس اخاف ان هي البلا

_________________________________


راشــد

هلا ومسهلا ، ومرحبتين فيك ،،

إقتباس من الغريب فعلا أن الغالبية يعشقون الخروج للبر والمسمى ( كشته)

معليش تكفى اسمح لي أضحك حلوه البر المسمى كشته!! جازت لي

إقتباس ربما العودة للطبيعة والبعد عن المعوقات التي نخلقها لأنفسنا دور كبير في ذلك ,,

أكيد ياغالي ، الطبيعة اللي تفتح النفس والهواء النظيف اللطيف والبعد عن الازعاج والضوضاء والبساطه هي من أهم عوامل جذب الناس للكشتات وتركهم للملاهي والمنتزهات على قولتك، خصوصاً في مواسم الشتاء والربيع

إقتباس وإن شاء الله يكون فيه حل لمثل هذه التعديات الجائرة ,,

الله يسمع منك ، وكلنا أمل في ذلك


تسلم ياغالي وشاكر مشاركتك

_________________________________

القمر الهلاليه

هلا ومسهلا ،،

اطلب صورة فراشة واقفه على رقبة حاشي ;)

إقتباس ماشاء الله طلعتـ حليلـ وبار بأهلكـ

القمر الهلاليه ترى " حليل " معناها مهوب زين عندنا غيرها بسرعه ولاً قسم بالله نتزاعل

إقتباس اذكر الشبوكـ زمااانـ يومـ كنّا نكشتـ أما الحينـ الحمد لله يا انا أكرهـ البر يكشتونـ أهليـ وأنا ماأروحـ .. صدقـ وشوله يروحونـ الناسـ للبر .. أروحـ أناظر ترابـ

بلاك محرومه ، أجواء زينه وربيع يفتح النفس وهواء طلق ، لا وازيدك من الشعر بيت فيه فرااااشااات واااجدااات يوقفن على الخديدااات

إقتباس وبنفسـ الوقتـ تعجبنيـ ماينفعـ معهمـ إلاّ العينـ الحمراء

ماهوب موديني بـ 60 داهيه الا هالكلام

إقتباس راسـ ماله شبكـ تلقاهمـ زيّنوهـ الحينـ أهمـ شيـ إنكمـ استانستوا << يازينكـ ساكته

اي والله انك صادقه جازت لي هالجمله ويازينك تحتسين دايم

إقتباس وشـ عندكـ ياخو11111111فـ << بتنجلد

من خاف سلم

وش بتفعيني لاصرت بالحاير وانتي ببيتكم تطاردين الفراشات


الله يعافيك يالقمر وتشكرااتي على مشاركتك الخفيفه

_________________________________

الفيروسه الزرقاء


هلا ومسهلا بالفيروسه (راعية المنقاش سابقاً) ،،

إقتباس الله لنا ماطلعت إلا بس 5 مرات ،

زين اللي كشتي 5 مرات غيرك طلع مرتين ونص

إقتباس اي والله انكم انانيين يـ الشباب اجل تنامون بـ البر واهلكم ودهم ينامون وترفضون ، تمنون عليهم بـ الطلعة

شوفي يافيروسه ، صعبه أنام بالبر انا وابوي وأهلي !! ، النومه يبيلها جماعة وناس واجد ، المشاكل والبلاوي كثرت هاليومين والواحد يطلع مع أهله ساعات لذيك المناطق ويقول ياسترك

إقتباس شفت شفت شفت انك اناني طالع اول ماعرضت ع اهلك الطلعة وافقوا هذا دليل ع انهم ساكتين يبون يطلعون من زمان بس خافوا انك تعصب عليهم وترفض وقالوا لا خل نخليه براحته ونتحمل يمكن يجينا الفرج

طيب طيب شوي شوي علي

أصلاً مافيه حرمه بالدنيا يعرض عليها مشروع طلعه لأي مكان برا البيت وتقول لأ وبالذات اللي من جيل النيدو، لو أقول ابروح أجيب خبز قالوا ودنا نروح معك

إقتباس بس مانيب اطلب من اخوي اروح بنفسي اجيب لي مثل يوم الخميس رايحه الصباح وجايبة لي مأونة لـ الطلعة

اذكر مره قالت لي اختي ودي انزل معك للسدحان نتقضى ، وكانت غلطت عمري اني وافقت ، اعن ابو داركم ما يجوز لكم الشي اللي بريال وريالين تدورون أغلى شي حتى لو طعمه شين ويحوم التسبد

أحسن شي أروح بلحالي وآخذ لي كيس وأجدّع به كت كات ومارس وتوكس وجلكسي والشله القديمه ذي مهوب كندر وهيرشي( صح اسمه؟؟ ) وهالخرابيط أمهات 3 ريال فوق >>> دقق الحساب ياولد

إقتباس طال عمرك سبب وظيفتها بـ الفريق المشارك تنظيف المكان

فيروسه الله يرحم والديك وش تنظيف مكان؟! يكنسون بر !! ، الله يستر المره الجايه ما ياخذون نشافات وصابون ويقولون ودنا نغسل المكان

الا قولي يحبون ياخذون معهم كل شي

إقتباس سجل يـ تاريخ واشهد يـ زمن طلعت يوم الخميس ولا لعبت بـ الدباب

أحسن ازعاج وغبار وآخرتها بالشميسي يجبصون رقبتك

إقتباس عز الله عصب راعيها وقام يدعي عليك بيقول حسبي الله ع اللي قطع الشبك

بكيفه عاد حنا ندعي عليه وهو يدعي علينا يعني صرنا حبايب

بس حنا دعواتنا بظهر الغيب;)

إقتباس عاد ولا احد من العوائل اللي جلسوا بيدعي لك لانهم ماشفوك اثناء ارتكاب الجريمه

والله العظيم ان أمي دايم اذا طلعلنا للبر ولقينا شبك مفتوح : تقول الله يجزاه خير اللي حط هالفتحه

وأكيد ان هذولا اللي دخلوا عندهم أمهات زي أنا

إقتباس مانيب ساتره اجل ترتكب جريمة وتبيني استر عليك

ما فيه جديد هذا هو خبري فيك شر الله يكفينا شرك ، عشان كذا عاقبك الله بسالفة 3 من 5

إقتباس اخر زمن يحاكمونك علشانك قطعت شبك

لا تضحكين الله يستر بس بكرا يحكمون علي بـ 5 سنوات مع أعمال شاقه تشبيك صحراء الربع الخالي

إقتباس وماوصيك رح شيك ع مكان جريمتك واذا كان ماركبوا شبك جديد رح ركب لهم شبك خخخخخخخخخخخخخخ استر جريمتك

انتي ما دريتي ؟؟ القمر الهلاليه تقول اني رحت له ولقيته مصلح


عوافي يالفيروسه على مشاركتك وتواصلك بس استري ما واجهتي أو بخلي أمي تدعي عليك تقعدين 10 سنين بالجامعه


_________________

تحياتي،،

ما تلاحظون الرد ذا كله حريم ما به الا انا وراشد >>> عز الله ما أفلحنا >>>> أمزح

فمان الله،،

هلا

اخوي الغالي الهاوي

تصدق اول ما قريت الموضوع احسبه خااال انه ( شنبك ) الا تشوفه ههههههههههههههه


بس اشوا طلع شبك

والله انعم واكرم بالخال مقطع الشبوك هههههههههه


ياشيخ قطع يابخت شبوك انت مقطعها هههههههههههههه

اتفق معك اخوي من جد حاجة تقهر تخلي الواحد ينجبر يتصرف تصرف ما يبيه ..

المهم اهم شيء انكم استانستوا والعالم استانست

بس ياليت توصف لي مكان الشبك اللي قطعته بودي الاهل ههههه

دمت بخير اخي الحبيب

إقتباس الرسالة الأصلية كتبت بواسطة alhawey القمر الهلاليه ترى " حليل " معناها مهوب زين عندنا غيرها بسرعه ولاً قسم بالله نتزاعل

أعصابكـ

عندكمـ ؟؟ أنا ماعليـ منـ عندكمـ أهمـ شيـ عندنا طيبـ أنتمـ وينـ ؟

ترا مااقصد شي موبـ زينـ << حليله <<

طيبـ وشـ المعنى عندكمـ علشانـ ماأقوله مرهـ ثانيه .. كلّشـ ولا زعلكـ عاد

هلا وغلا

احيي فيك روحك العائلية

بس عزيزي:



والعدالة ما عمرها تحققت بان الواحد ياخذ حقه بنفسه او يصدر العقوبات اللي يشوفها هو مناسبة

والنتايج الطيبة ما تبرر العملة الخاطئة (على قولتك في عوايل غيركم انبسطوا ...الخ)

برايي ما بني على خطأ فهو خطأ

صرت الهاوي هود (على وزن روبن هود)
اسرق من الغني لاعطي الفقير


فتكم بخير

لحظه لحظه!! الله يرحم والدينا ووالديكم

بعضكم فهم الموضوع خطأ

ومن قال اني أوجه دعوه الى التمرد وقطع الاشباك ؟؟ >>>>> ياحقين اللغه صح جمع شبك أشباك


انا قلت استغفر الله العظيم على ما فعلت ، يعني اعترفت اني سويت شي خطأ

كان هدفي من الموضوع محدد وواضح:

" ياصاحب الشبك ارحم رحم الله والديك ، أرض 20 في 20 كيلو محاطة بشبك من النوع القوي ( تعبت وأنا أقطعه) ولا يوجد داخلها سوى رمال ذهبيه وشوي ربيع ، هي على هذا الحال من زماااان ، يعني لا أنت كشت فيها ولا أنت استثمرتها وبنيت عليها ولا تركتها مفتوحه يستفيد منها خلق الله!!


أقل شي ليتك تحط فتحه في شبكك وتحط عندها حارس وخل الدخول بـ 200 ريال لو تبي بس خلنا ننبسط مع أهلنا بمكان قريب وآمن.. "




_________________________





& والحين كوم بام للردود &




صدى الامس

ياهلا والله وغلا

حاول يابعدي انك ماتمدح وااجد أجل تتعب وانت تقول لي خبل

إقتباس وهذا يدل على شئ واحد .. انك من الناس اللي يدعون الى الاختلاط الله يكفينا الشر

تهقى مناسب لي أصير علماني ما أدري أحس ان العلمانيه توجع البطن;)

إقتباس الا شايفين الشبك وما يهمنا الشبك الاهم هو ما بعد الشبك عاد منب قايل وش الشبك

صف النيه تكفى ماهوب وقت قلقسه

إقتباس يوم ما امدانا نبي ننزل عفشنا ونضبط امورنا الا جيب الدورية جايك ويقول اطلعوا من هالفيضة وعدوا وراكم كم فيضه هذي لا تفكرون فيها .. وان شفنا جرة اي موتر نبي نقصها ونجيب خبره هذي محجوزه لــ ******* !!!!!

سادة ليش ما حجزتوا الفيضه قبله، معروف دائما أن الاولويه للي يحجز أول

بس تبي الصدز والله اني رحمة كشتتكم

تسلم يابعدي وسوف أرسل لك رقم الحجز

_________________________


مجـــــــــــد


هلا ومسهلا ، الله يسلمك

إقتباس حط نفسك بمكانه,وش بيكون موقفك لو إنك شفت شبكك ملعوب فيه؟؟

أصلاً لو كنت مكانه كان بنيت سور وما حطيت شبك

إقتباس بعدين تخيل لو واحد لقط رقم اللوحة و صورك فيديو بالجرم المشهود و بلغ صاحب الأرض و شكاك في الشرطة و هو معاه الدليل ؟؟

حنا اذا أخطينا نعرف وشلون نخطي ، يعني مهوب أي شبك تشوفه تقطعه ، وشبك عن شبك يفرق وانا اخوك;)

الله يعافيك وتسلم على المشاركه،،

_________________________


البارق

هلا والله وغلا برفيق الدرب ،،

إقتباس الحمد لله إن بغينا البر خمس دقايق وأنت فيه ..الله لا يغير علينا ..وإن بغيت محل زين بالحيل ما يتعدى الموضوع نصف ساعة ..

اي والله انك صادق ، وحظ اللي عنده بيت بديرته حتى نوعية الكاشتين هناك محترمه وراعين مراجل وبر

إقتباس لكن السؤال اللي طرح نفسه علي كمن مرة .. أهل الرياض وش شايفين بالثمامة ..

انا رجال مالي خلق الثمامه بالذات بعد ما صاروا البزران يعثون فيها فساد ولجه وقلة حيا

لكن ميزتها الوحيده بالنسبه للعوائل انها قريبه(بالنسبه لأهل الرياض) ويلقون حولهم ناس من جنسهم يجسرون بعض ويقعدون أطول وقت ممكن..

إقتباس تقول وش اللي مخليهم ياخذون الأراضي ..يا أخوي لهم رب بيحاسبهم ..إلا أنت اللي وش خلاك تقطع الشبك قطع الله باقي شنبك ..

تقدر تقول أخذتني العزه بالاثم ، بس تكفى لا تحبرش بشنبي

إقتباس قال إيش قال آخذ أجر اللي دخلوا ..

باذن الواحد الاحد اني أخذت أجرهم، ورب العالمين رحمته واسعه

إقتباس طيب تخيل مرة دخلوا خمسين بنقالي وثلاث أفغان وناموا بغرفتك .. والباقين تستدحوا بالصالة ( طبعا وأنتم كاشتين والبيت ما " بوه " أحد ).. ماهوب لك أجر بعد ..خخخخخخخ

5 بنقاليين ما عندي مشكله لكن 3 أفغان لأ الله يرحم والديك

البيوت اللي لها سنوات مهجوره وكلن يشوفها الرايح والجاي لابد ما تلقى عمال ينامون فيها;) و أجرهم على الله..

إقتباس أدري بتقول فكر مثالي وغريب .. لكن صدقني هذا اللي عندي ووجهة نظري ..

بالعكس انا معك وقلت لك انه ما كان هدفي من السالفه اني أبرر لقطع الشبك ..

البارق ذليتنا والشبك مهوب لك أجل لو هو لك وش يبي تسوي؟؟

إقتباس بعدين رح طريق سعد .. ترى قسم بالله 100 كيلو وما حولك أحد .. وإذا حسبتها وقت ما هنا زود عن الثمامة ..

الاماكن اللي عند سعد ورماح مهيب شينه ولا هي بعيده لكن انسى موضوع انك تقعد فيها بعد المغرب ، تصير موحشه للحريم

تسلم يابعدي وذكرتني أقفل باب بيتنا زين قبل لا أطلع;)

_________________________


تغريد

هلا ومسهلا بالواصله ،،

إقتباس تقصد مين

، معليش والله اني نسيت
بس أنتي بالذات أكيد انك تعرفين وشوا المريس

إقتباس عاد تصدق احنا العكس احنا ماناخذ شي في برجر كنج في الثمامه

ما ودكم تصيرون أهلي يوم واكشت بكم بس ما والله أوقف عند برجر كنج لو تعضون الارض

إقتباس اتوقع مايجوز اصلا الي يسوونو

لا تفتين ياتغريد عندنا مفتي عام وهو مسؤول عن هالامور ، بس أنا مثلك أتوقع انه ما يجوز أبد أبد

إقتباس لو كل واحد سوى زيك اتوقع اصحاب الاراضي بيبنون سور عليها مو بس شبك

الله يسمع منك أقل شي اذا بنوا سور نصير ما نشوف وش اللي بوسطه ولا ننقهر ولا نقول حسبنا الله ونعم الوكيل ولا تلقين أحد يلعـّن


ثانكيو فيري متش بالحيل،، يوم ما قطعتنيا صرتي تلقطينها وهي طايره >>> ما أقصد شي


_________________________


سهل

هلا والله وغلا بابوحاتم

إقتباس قطــّــع يا بخت الشبوك اللي تقطعها

تقوله صااادز طيب تروح معي عقب العصر نقطع

إقتباس حقيقة الاهل يعانون بكثره من عدم خروجهم للتنزه مع ابناءهم والسبب الشله والاصدقاء .. ولكن هل كل الوقت مع الصحبه .. اليس للاهل حق

اي والله انك صادز ، حنا أغلب وقتنا لشللنا وخويانا، لكن الله يصلح الحال

إقتباس بالنسبه لي امتع الاوقات اذا خرجت مع الاهل ولكن لابد من وجود مساعد لي من الاخوان حتى نتقاسم المسؤليه

ان كانك متزوج وتطلع بعيالك وأهلك ومعك اخوانك وعيالهم أكيد تبي تصير سعة صدر..

تسلم يابعدي

_________________________


آآي وِل كوم باك أقين باذن الرحمن

Shasta

هلا،،

إقتباس تصدق اني كنت كاشت معكم

أجل أنت اللي قاطع الشبك

واياك اخوي وتشكرااتي لمشاركتك


____________________________

ماجد مقبل

هلا وغلا باخو قلبي ،،

إقتباس تصدق اول ما قريت الموضوع احسبه خااال انه ( شنبك ) الا تشوفه ههههههههههههههه

ابومقبل خلنا حبايب واترك الشنب على جنب ، وش جاب شنبك لـ شبك ما أشوف أي تشابه

بعدين خلك مثل الكلاسيكي يلمح تلميح

إقتباس المهم اهم شيء انكم استانستوا والعالم استانست

اي والله انبسطنا وأمي جلست تدعي لي طول الخط

إقتباس بس ياليت توصف لي مكان الشبك اللي قطعته بودي الاهل ههههه

يقولون صكوه بس ولا يهمك مر علي بالبيت أبعطيك منشار كهرب يحبه قلبك


تسلم يابعدي والله اني مبسوط بشوفتك، ولا عمرك تاخذ دورات وتتغلى


____________________________

مجنون @ الزعيم

هلا،،

إقتباس الموضوع لحال وهالمكنسه لحاله ذكرتن بالوالده الله يحفظه

وشلون يعني أمك تاخذ معه مكانس لاجت تروح للبر



تشكرااتي لمشاركتك
___________________________

الدريبي الهلالي

هلا ومسهلا ،،

إقتباس والله أنـــك مرجوج أفرض لو جاء صاحب الأرض وش بتقـــول بتحــــك رااااااااااااااااااااااااااسك

أنت صادز ولاّ تمزح افلقني ان كان راعي االارض يذكر ان له أرض هنا

من هالناحية كبر الوساده ولا تخاف يعني يمكن تلقى كوندا ليزا رايس تقطع بصل بهالارض بس مافيه أمل تلقى راعيها

إقتباس بس ألا الأهل ليــش ماخذيــن المكنسة الصفراء

تكفى لا تضيق صدري بهالسؤال ما أدري عجزت وتعبت وانا ما أدري

بس فيه عدد من العضوات هنا يقولن عشان نكنس الفرشه وحنا قاعدين >>>> لا تضحك همين يزعلن


تسلم ياغالي وتشكرااتي لك

____________________________

دلع-20

يا هلا والله وغلا فيك ،،

إقتباس معليش أصير اختكم مره وحده ولمدة كشته بس

والله واجد اللي مقدمين هالطلب والمتاح أخت وحده فقط ، بس الافضليه للي ما تحب تكثر من الشخولاطات والبطاطسات

إقتباس اهلي لو أحب السماء ماودوني للبر روحي للأستراحه والا للمخيم نص مره بالسنه

وسعي صدرك غيرك ما لقوا حتى هالنص >>>>> يقال اني أرفع معنوياتك

إقتباس ومن ناحية الشبك أبد مني خذ راحتك وقطع لو بنسكت في البر يمكن بوكره يجون يشبكون حوش البيت

والله انك صادزه ما ذبحنا غير هالسكوت المبالغ فيه

أجل رايك أفتح محل تقطيع شبوك

إقتباس وعقبال كشته خاليه من الزراديات والمكانس

بالخرخير ان الله أحيانا

يامال العافيه وتشكراات لمشاركتك

____________________________

suateeq

الله يعافيك ،،

تشكرااتي لك

____________________________

القمر الهلاليه

إقتباس أعصابكـ

وانتي خليتي فيها أعصاب!! أجل حليل!!!

إقتباس عندكمـ ؟؟ أنا ماعليـ منـ عندكمـ أهمـ شيـ عندنا طيبـ أنتمـ وينـ ؟

أنتم من عندنا وحنا من عندكم وحنا من عند بعض وبطتنا بطت بطن بطكم تقدر بطتكم تطبطب على بطن بطتنا

إقتباس ترا مااقصد شي موبـ زينـ << حليله <<

أجل أنتِ حليله

حليل = لك عليه = عليه قل صح = خفيّف = ما عندك أحد

الحين وش رسينا عليه أزعل ولاّ ما أزعل

" يعني ما صار فيه شبك إلا يوم وديت أهلك ؟!
يوم إنك ما خليت روضة إلا و جيتها أنت و ربعك ما فيه شبوك و يوم خذت أهلك صار فيه شبك ؟! "

الهاوي ،،،

ما هو شعورك في هذه اللحظة تحديداً تجاهي ؟!

وعليكم السلام ورحمة الله وبركاته

هلا بالهاووي ومواضيعه الزينه

إقتباس هالأيام ربيع وسعة صدر يا الله لك الحمد والشكر .. وبما أن الجو ربيعيٌ فاتحٌ للنفس فاق للكشرات ------> إذاً ستكثر الطلعات وتتنوع الكشتات ( سقا الله أيام فيثاغورس بما أن واذاً)

الله يصلحك نظلتنا هبت برررد ينخر العظم يعني مافيه كشته بكررره

إقتباس والذي لا يعرف المريس لا يسأل عنه

المريس هل هو الهريس ام المريس يعني تمر ممروس مع موييه يعطونه البزارين ..؟؟
لازم نتثقف نصف العلم من السؤال

إقتباس تذكرت أهلي الجالسين في البيت ، والدي وأمي وأخواتي، فقلت في نفسي كما أنا أناني !! من دخل الشتاء وأنا كل أسبوع أطلع للبر وأنام بذاك فيذاك ، ولا فكرت إني مره أطلع بأهلي وأخليهم ينبسطون ويغيرون جو..

اي والله تجحدوونا الله يصلحكم تخييم ورووحات وجييات .. بس زين فيك خيير وتذكرت اهلك
بس طلعهم دايم مهوب مره وحده ذواقه عن قوولة انك طلعتهم ..
<<<تنادي بحقوق البنت من اخوانها

إقتباس ثم تتصل أختي لتقول: جب لنا وأنت جاي كوكاوات وبطاطسات ..

هههههههههههههه افا عليييك هذي فاكهة الرحله اهم شئ القراميش والفص فص
ياحبيلنا يالبنات نحب سعة الصدر ..

إقتباس وصل الهاوي الى بيته الساعه 3 الظهر

هووووو طلعة الساعه 3 مثل طلعة اهلي يوم الخميس قالو مشينا الساعه 2قلت كلا والف لا
فيه مبارة الزعيــم لازم اكون مصحصحه اذا جيت من البر ولا راسي تقل صحن دوااار

إقتباس وأكثر شيئ آلمني وضيق صدري هو وجود مكنسه صفراء يدويه ضمن محتويات العفش !!! أقسم أنني لا أعلم ما هو سنعها؟؟ ولماذا هي من ضمن الفريق المشارك في الكشته؟؟

مااشاء الله على اهلك لازم يعطونهم البلديه المكنسه الذهبيه في المحافظه على النظافه البريه

إقتباس احتراما ً وتقديراً لرغبة أبي اتجهت إلى الثمامه ( ولا كنت ناوي آخذهم لمكشات راايق للعوائل على طريق القصيم)

ايه الثمامه زينه وقريبه لكن فيه مكشات قريب عند المطار يمدحوونه يقولوون ربيع ..

إقتباس خلونا نمشي قدام شوي يمكن يقضي الشبك

هههههههههههه ياليل ما اطوووولك اجل مثل شبك المطار

إقتباس ما لك حق تعتدي على حرمات الناس وتدخل أرض مهيب لك>>>>

انا منيب مفتيه بس انتم ماخربتو ولا سرقتو جلستوو فيها ومشيتوو وبالعكس كسب اجر العالم
صلوو وذكروا الله واستانسوو ..

إقتباس عندنا تشتري الارض وتنام عليها لوتبي 100 سنه ما عندك مشكله..

يمشوون ويحجرووون هالاراضي مدري ووين نبي نكشت في عام 20012 الله يحيينا ويلحقنا خير

مشكووور خيو الهاووي على هالموضووع المنيح واللي يوسع الصدر
يمال العافيه ..’’
دمت بخيــر ..’’

ههههههههههههههههههههههههههههههههه

الله يرجك .... من جد منسم يالهاوي.......

اضم صوتي معك والله مالها داعي هالشبوك....

أسلوبك رائع وممتع وهادف...>>>>>

الهاوي العزيز ،

لله درك فموضوعك هذا ، بغض النظر عن الرسالة التي تود إيصالها ، لا تكاد تنهيه مع التعليقات المصاحبة له إلا وقد انبسطت نفسك و تهللت أساريرك.

أخوك

الا أقول يالهآوي ما كنك دخلت في السيآسة شوي

الشبوك هذي حقتـ طويلين العمر - حفظهم الله - يعني من مزارع طويل العمر في الثمامة وطويل العمر الثاني في البويبيات وطويل العمر الثالث في العاذرية وطويل العمـ ... الخ < < لو بعددهم يبيلي موضوع كآمل

فلذلك خلنا حلويين وان بغيت تكشت يمدحون منتزه الثمآمه .. مجهزين لك كل شئ وكنك في بر .. وشوله تروح تقطع شبوك طويلين العمر .. الله يهديك بس

ولا أقولك وشوله تطلع للبر من الأصل غثا وقلق ورفعه ضغط

نآيفــ

حي الله الهااوي

إقتباس فقلت في نفسي كما أنا أناني !! من دخل الشتاء وأنا كل أسبوع أطلع للبر وأنام بذاك فيذاك ، ولا فكرت إني مره أطلع بأهلي وأخليهم ينبسطون ويغيرون جو..

فكرتك انت ولا جايك نزرة محترمه من الاهل

إقتباس وعندما عدت للمنزل قلت لأهلي ما ودكم ياحبي لكم نطلع للبر الأسبوع الجاي؟؟

قلت لهم يا حبي اكيد ولا ماد البوز شبرين وتهوش ولسانك يلوط أذانك

ماتلاحظ اني مستلمتك

إقتباس ثم تتصل أختي لتقول: جب لنا وأنت جاي كوكاوات وبطاطسات ..

هذي اهم شيء في الرحله اصلا ماروح للبر الا عشانهن واذا قضن ركبت السياارة وقلت مشينا
ورانا صلاة المغرب وانا قصدي لان القراميش قضن ولا كان نقدر نصلي في البر


<<<< أهنيك على هالطمووووح
ترااي أمزح

إقتباس وأكثر شيئ آلمني وضيق صدري هو وجود مكنسه صفراء يدويه ضمن محتويات العفش !!! أقسم أنني لا أعلم ما هو سنعها؟؟ ولماذا هي من ضمن الفريق المشارك في الكشته؟؟

أنا اشهد انك قطااع أرزااق ... خلها ضعيفه ترووح توسع صدرها هالمكنسه مغير
منكتمة في البيت لاروحه ولا جيه

<<<< لاتشره علي المخ فاااصل ... قل الحمد لله على نعمة العقل


يسلمووووو على المووضووع الرهيب واللي ارهب منه وجود المكنسه
الصفراء ;) سلملي عليهاا

سلااااااموووو

أخي الهاوي ,, مرحبا بك ,,

كم هي جميلة هذه الكلمات ,, وهذا الوصف الجميل لمشروع رحلة كاد أن لايتم !!

من الغريب فعلا أن الغالبية يعشقون الخروج للبر والمسمى ( كشته) حتى الأطفال يكونوا في سعادة أكثر منها في

أفضل ملاهي ,, ربما العودة للطبيعة والبعد عن المعوقات التي نخلقها لأنفسنا دور كبير في ذلك ,,

عبرت كثيرا عن ما في أنفسنا ,, فأنت تتكلم بلسان حالنا ,,

وتوقفت عند هذه العبارة :

إقتباس ياصاحب الشبك ارحم رحم الله والديك ، أرض 20 في 20 كيلو محاطة بشبك من النوع القوي ( تعبت وأنا أقطعه) ولا يوجد داخلها سوى رمال ذهبيه وشوي ربيع ، هي على هذا الحال من زماااان ، يعني لا أنت كشت فيها ولا أنت استثمرتها وبنيت عليها ولا تركتها مفتوحه يستفيد منها خلق الله!! أقل شي ليتك تحط فتحه في شبكك وتحط عندها حارس وخل الدخول بـ 200 ريال لو تبي بس خلنا ننبسط مع أهلنا بمكان قريب وآمن..

فعلا ,, ياليت والله لو يسوونها ,,

وإن شاء الله يكون فيه حل لمثل هذه التعديات الجائرة ,,

تحياتي لك ,,

هلا بـ alhawey

ماشاء الله طلعتـ حليلـ وبار بأهلكـ << وشـ شايفه ؟!

بالنسبه للأشباكـ ( الشبوكـ ) << تعلمكـ إنـ جمعكـ موبـ صحـ

المهمـ .. شيـ يقهر بصراحه

اذكر الشبوكـ زمااانـ يومـ كنّا نكشتـ أما الحينـ الحمد لله يا انا أكرهـ البر يكشتونـ أهليـ وأنا ماأروحـ ..

صدقـ وشوله يروحونـ الناسـ للبر .. أروحـ أناظر ترابـ << ماتقلد كاريكاتير الهليلـ << لايكثر بسـ ..

نرجعـ للشبكـ .. بجد حتى بالبر مايستانسـ الواحد والله حر111مـ

بسـ ماتوصلـ إنّكـ تقطعـ الشبكـ بصراحه جريء ماشاء الله عليكـ

وبنفسـ الوقتـ تعجبنيـ ماينفعـ معهمـ إلاّ العينـ الحمراء

راسـ ماله شبكـ تلقاهمـ زيّنوهـ الحينـ أهمـ شيـ إنكمـ استانستوا << يازينكـ ساكته

إقتباس لحظه لحظه!! الله يرحم والدينا ووالديكم بعضكم فهم الموضوع خطأ

هههههههههههههههههههههههههههههههههههههههههههههههههه

وشـ عندكـ ياخو11111111فـ << بتنجلد

......................

alhawey يامالـ العافيه والله ..

أسلوبكـ يوسعـ الصدر .. جوووووونـ111111نـ



يالله بـ أمانـ الله ...