أنا أعارض وبقوه ( تسألون وش السبب )
السبب هو أن الهلال في طريقه للآسيوية وإذا فاز بالبطولة ( إن شاء الله )
يفكرون ينقلون النادي

ياليت والله

مهب شينة


لكن ترى الدعوه مهب ملعب مزروع نستاجره بـ 800 ريال الشهر لمدة ساعتين


هذا ملعب.... يعني راح يكلف قرابة المليار اذا اردنا أن يكون الملعب مثل الملاعب
الاوروبية


الدعوه كايده ,,, ولا لو الدعوه على الخاطر

كان احطه في بطن الرياض وسكك حديد مخصصه لنقل الاعبين من ارجاء الرياض
الى الملعب


لكن وش نقول : الله يعين ويوفق


ومثلك عارف خزينة النادي الى الان في خلخله يعني الوضع مايساعد

لا وش رايك يخون بيتكم نادي الهلال ولا يدربون في حوشكم
على كيفك ينقل

خلاص يجون في الدوادمي

الله يحييهم

انا معك

انا عندي فكره احلى ......وشرايكم يحطون فرع للنادي جنب بيت كل عضو!!!

وين مايروح الزرق أنا ويه

أنا معك أخوي

ياليت ينقلونه لشمال أو شرق الرياض

والله ياليت ينقلونه.............وبشطح بخيالي شوي وبتخيل انهم يبنون ملعب للهلال زي نيوكامب ب100000 متفرج يخلي الفرق الثانيه تصير الداخل مفقود والخارج مولود :thumbup: وتصير مقاعده لونها ازرق وتصير التذاكر موسميه كل مشجع عارف مقعده يجي قبل المباراة بعشر دقايق وتصير المقاعد جلد :D بدال دكة ذا الأاسمنت الي في البرتقاله وبين الشوطين ينزلون يريحون بماكدونلز ولا ستار بكس الي في الملعب تخيلوا

وياليت يفتحون فرع بالشرقيه بعد:d

اهم شي الملعب عاااالمي

بحسب علمي نادي الهلال بغرب الرياض
وبحسب ماشفته بقوقل إرث أنه غرب الرياض

ويا اخي كلها منطقة وحده والا تبي تكلف النادي فوق طاقته؟

s60s s60s s60s


وبعدين وش فيهم حقين جنوب وغرب الرياض :mad: :mad:

بالعكس مقر الهلال الحالي ساهم في ابراز النجوم لقربه من منازلهم


ولا على كذا عز الله راحوا المواهبـ للجار :laugh: :laugh:

في الشمال افضل من الجنوب الغربي لكن لماذا لا يكون الوسط مقر الزعيم

والله يالييت الله يسمع منك

احلى شي بالموضوع اني بروح اسجل فيه :)

صادق والله في أراضي فاضية ورا التميمي الي في طريق الملك عبد الله
(تلقى الواحد ينزل أمه صحاري ويروح النادي ههههههههههه) :laugh:

وشكلك يا هلالي إلى آخر رمق ساكن في جنوب الرياض

أنا أستغرب إنه كثيرين تحمسوا للفكره والظاهر هم حسبوها من ناحية إنه الشمال منطقه راقيه وطبقة إجتماعيه مرتفعة .. وأغفلوا جانب مهم جدا وهي المواهب ودوري الحواري اللي يقام للناشئين والشباب وغالبا ما يكون في غرب الرياض وجنوبها .. يعني لو أتكلم بالعاميه صراحة أهل الشمال وانا واحد منهم وقفنا الكوره من زمان وأنشغلنا لأمور ثانيه تلقونا مثلا في شارع التحليه 24 ساعه ولا قدام بوابه الفيصلية ولا المملكة نحاول نقنع في الحراس إنهم يدخلونا خخخخخخخ الزبده إنه الهلال راح يفقد داعم مهم جدا وهم المواهب اللي دايم يبرزون في المناطق اللي تكثر فيها دوري الحواري لأنه صعب إنه ينظم للهلال وهو في الشمال وهم في أقصى الغرب أو الجنوب ..

لا لا

ياريت يكون النادي في حي الروضه :D :D

اي والله جبتها وإلا نادي كبير وراعي جماهير يحطونه بحي مثل العريجاء والله حرام عليهم :::

1/ بعييييييييييييد عن الرياض تحس لما تروح له سفر

2/فيه لاعبين ومدربين عالميين معقوله بيجون للطريق ويلقون حارات على كيف كيفك تلقا كل البزران بالشوارع وشي يفشل

3/وجاء الوقت الي فيه النادي يتغير الدليل ارضيته الي خلت لاعبيننا مصابين مثل الغنام الي الى الحين ما رجع لنا

4/قبل فتره جو اصدقاء لنا من الامارات وحبيت اوديهم للنادي وتفاجأو من الطريق وقالوا ((شدعوه يابويه انتا مودينا للنادي ولا مرجعنا لابوظبي))
لان الطريق طويييييييييييييييييل وبراري

5/ المفروض ينتقل وبس

والله يعطيك العافيه على طرحك للموضوع وكان ودنا ونتمنى مثل هالموضوع المهم ينطرح ونتناقش بوه

كلام جميل000

ياليت والله . انا دايم ازور الرياض بس يكون تواجدي شمال وشرق الرياض لذلك اجد صعوبة في زيارة نادي الهلال وذلك لبعد المسافة وضيق الوقت ..
ان شاء يصير شمال

اقول اها بس يازين جنوب الرياض

راي شخصي لو كان هناك اضافة ملاعب وفندق مع نادي صحي ومحلات تجارية في موقع استثماري جيد . مع بقاء مقر النادي بالعريجاء كما هو عليه .. حيث الهلال يحتاج لاكثر من مقر ... وشكراً للجميع

اتمنى فعلا ان ينقل الهلال من جنوب الرياض فهو موقع لا يليق بسمعة ولا هيبة ولا

تاريخ نادي القرن في اسيا والنادي الملكي في السعوديه

بنسبه لي صراحه من زمان او انا اتمنى ذا الشي او اطالب فيه او انشاء الله ابوسلطان و اعظاء الشرف ما راح يقصرون ويلبون طلب الجماهير الهلاليه