حدث ذلك عندما كان المقيم ( م ، ع ) من الطائف يعمل سائقاً يقوم بإيصال عدد من المعلمات إلى المدرسة التي يعملن بها في إحدى قرى محافظة الطائف القريبة بشكل يومي والتي تبعد عن الطائف مسافة 70 كم حيث يقوم بإيصالهن في الصباح الباكر ومن ثم العودة بهن بعد الظهر ولمدة 5 سنوات فما كان من إحدى المعلمات التي انتظرت حتى قام السائق بإيصال كافة زميلاتها إلى منازلهن حتى فاجأت السائق برغبتها الزواج منه .
والذي أبدى لها سروره بهذا الخبر لكنه أكد عدم مقدرته على القيام بدفع تكاليف الزواج وتأمين حياة سعيدة لها ، لكنها بادرت بالقيام بدفع المهر الذي بلغ 100 ألف ريال وتحمّل كافة مصاريف الزواج الأخرى .
وبعد الزواج سارعت إلى شراء مطعم كبير في محافظة الطائف لزوجها المقيم رغبة منها في سد حاجته المالية ورفع مستواه المادي.

اتوقع الخبر مبالغ فيه شوي..........

تدفع مهر عشان تكاليف الزواج...!!!!!!!!!!!

يعني الزواج علني مو سري..( صعبه تزوج سواق وعلني)..!!!!!!!!

ما اقول الا لاحول ولاقوة الا بالله.......

هههههههههههه
شر البلية مايضحك

يابنت الحلال اشتريلي بوفية اوديس الربع الخالي فلقايلة
والله... ولد الوطن اولى

شف ان كان السواق شخط ومزيون مهوب قهر

واذ تبي الصدز عاااادي خلها تتزوجه أكيد هم يصلحون لبعض ومناسبين لبعض في كل شي;)

اما ان كانك مقهور من سالفة الـ100 ألف والمطعم فالدنيا أرزاق وانا اخوك

زين اللي ما قالوا شرت له بانوراما غمارتين

أحسن شي بعد كم سنه اذا جابوا عيال يبي يضطر الرجال يجيب سواق صعبه يخلي شغل المطعم

مع اننا ما نتقبل مثل هالزواج الا في بعض الحالات الخاصه ، لكن الله يوفقهم مادامه زواج شرعي يستوفي جميع الشروط

تشكرااات اخوي

وش حارق أعصابكم أنتم؟؟

أكيد أنها لقت فيه الأشياء الي مالقتها بالسعودي وزي ما السعوديين يتزوجون أجانب السعوديات بعد يتزوجون..
جيزنا جيزكم!!

لا مب قهر ولاشي
اولا تلقوونه وش ملحه
ثانيا تلقونه شايلها عن الأرض ومدلعها يادهينه لاتنكتين مب مثلكم اعوذ بالله
وثالثا مثل السعوديين مايتزوجون اجنبيات هي تبي تتزوج اجنبي زيها زيكم

ياكثر ماتصير لكن وش يصير بعدين ؟؟؟
إذا أمن مستقبله من فلوسها حط رجله وماتشوف له أثر
وأجلسي صيحي واندبي حظك وقتها مايفيد لاليت ولاكيف

الله يوفقهم ياارب

وعلى فكره السوااق سعوودي يالذكي

واساسا ممنوع في السعووديه المراة السعووديه تااخذ غير الخليجي

والله مالقاها الا هو ياليتني مكاانه وانا رااضي بزوااج المسياار ماعندي اي مشااكل بس وين اللي بتتزوجني اخ بس اخ

بعدين والله انها سنعه بدال مايوصلها كل يووم وهو اجنبي تتزوجه وتريح نفسها لا تفهمون كلمة اجنبي انه مهوب سعوودي يعني مو محرم لها

الله يوفقهم وعقبال عندنا

^^^^^^^^^^^^^^
لا الرجال(غير سعودي) وبعدين انا أعرف وحده سعوودية 100% متزوجه مصري

^^^^^^^^^^^^^^^^

اتحدااك انا اعرف دكتوره تدق ع شيخ ومبهذلته تبيهم يزوجونها لبناني مدري سووري المهم انه حلوو

ماتقدر المرااه السعووديه تتزوج اجنبي

^^^^^^^^^^^^^^^^^^^^^^^^^^^^^^^^^^
لا تتحدى والله اني أعرفهااااااااااااا عاد كيف تزوجت الله أعلم

إقتباس أكيد أنها لقت فيه الأشياء الي مالقتها بالسعودي وزي ما السعوديين يتزوجون أجانب السعوديات بعد يتزوجون.. جيزنا جيزكم!!

صـــــــح

إقتباس يمكنها ذاقت المر منكم ، قالت مانيب ماخذه سعودي خل اخذ اجنبي ، هذي الظاهر تفكيرها مثلي حاطه ببالي احسن النسل واخذ ياباني وإن مابغاني الياباني رحت لاوكرانيا جمال ودلال عندههم

ههههههه روووعه ..بس خليك على الاوكراني ..

ويسلمووو على الخبر

إقتباس الرسالة الأصلية كتبت بواسطة المشجع الكبير ياكثر ماتصير لكن وش يصير بعدين ؟؟؟ إذا أمن مستقبله من فلوسها حط رجله وماتشوف له أثر وأجلسي صيحي واندبي حظك وقتها مايفيد لاليت ولاكيف

يعني السعودي ماياخذ الفلوس ويحط رجله؟؟؟؟؟