نادي الهلال السعودي - شبكة الزعيم - الموقع الرسمي

هذا كان ردي في احد المواضيع

لا تستعجلوا الحكم ،،،
انا اعتقد ان كل المبارايات الاخيرة اللي لعبها الهلال كانت حاسمة من مباراة النصر مرورا بالذهاب وانتهاء بالاياب

وبيلاتشي ما كان بيجازف بلاعبين توهم منتهين من الاصابة ( والاجازة ) ،،

مباراة الشباب الأخيرة كان بيرجعهم عشان يدخلهم في مباراة السالمية وهو مطمئن ،،،

بس اللي صار انهم اعتذروا (لأسباب كلنا نعرفها)

فاضطر انه يبعدهم عن السالمية ،، لأنه ما يبغى يتحمل مسؤولية .

واعتقد لو دخل الثنيان والتيماوي اللي توهم جايين محل ابو اثنين والتمياط او الغامدي او الشلهوب او او من هذولي اللي حرثوا الملعب طول وعرض حتى جابوا البطولات اعتقد هذا فيه اجحاف بصراحة .

لا تستعجلوا ،، واعتبروا ان بيلاتشي قاعد يبني فريق وقاعدة قوية ثانية للهلال ،، اعتبروا ان الثنيان والتيماوي اوراق رابحة ،، اعتبروا ان اللي قاعد يصير ( الكلام لك يا جارة ) وتحذير لكل من تسول له نفسه التعالي على الزعيم من اللاعبين ،،

اتمنى ماحد يزعل مني ،، فأنا احب ابويعقوب يمكن اكثر منكم وكذلك التيماوي ،، بس كل ما تذكرت جماهير ماجد وكيف حبهم له غطى على حب النصر زاد حبي للهلال ،، وصرت اعتبر ان مافي شي عندي فوق مصلحة الهلال ،، لأن اللاعبين يروحون ،، ولكن الزعيم يبقى .

وبالنسبة لبيلاتشي ،، فلو كان الأمر بيدي تعاقدت مع يوردانسكو ما فيها كلام ،، بس لو تعذر التعاقد مع يوردانسكو ،، وقتها اللي يقول غير بيلاتشي بصراحة قاعد يغالط نفسه .

------------------
عشتم وعـاش الهـلال زعـيـما