19/11/2001, 04:10 PM
|
| زعيــم متواصــل | | تاريخ التسجيل: 23/07/2001 المكان: الرياض
مشاركات: 72
| |
|
انا والثنيان وجدتي (قصة واقعية)
اولا احب ابارك لكل الهلالين بهالشهر الفضيل
وابارك ايضا برجعة الي تتعب وانت تعددألقابه "ابو ناصر"
الي كم من عين دمعت يوم سمعنا عن رجعته
انا يا جماعة صارتلي مع هالرجعة قصة مستحيل انساها بحياتي وعشان اختصر عليكم الي صارلي تراه قصة حقيقيه
والله يا جماعة اني من يوم توقف ابو ناصر وانا غاث جدتي أقولها:
يا اميمتي ادعي لواحد من اخوياي موقف عن الدوام يقاله ابو ناصر
ومن يومها وكل ما شفتها وهي تسألني: هاه يا وليدي أبو ناصر وش صار عليه وانا اقولها انتي ادعيله بس واله يبي يوفقه
وهي الي ترد علي تقول واله يا وليدي اني ادعيله بكل صلاة
وحنا على هالحاله لنا شهور
ويوم دخل رمضان رحت لها ابارك بالشهر وسألتني عن ابو ناصر قلتلها
اللي بالدوام مستقعدين له ولا يبونه يرجع مع انه ما سوا شي يسوا
يوم حست انه مظلوم قالت :
"يالله يا كريم يا رافعن سبع ومطمنن سبع بهاليوم الفضيل انك ترجع رفيق وليدي لشغله ويالله اني طالبتك بيوم فضيل وانت ارحم الراحمين"
________________________
والله يا جماعة ومن بكره يوم السبت تجيني البشارة
ان كان هالقصة يا جماعة غريبه شوي الا انها واقعية وترانا صايمين |
خلها تدعي لتمياط قلها خوي داخل المستشفى ;) 
مجنون تراني صديقك 
الوضع العادي
