|
حسين عبدالغني مثال لكل لاعب في الحلقه التي يقوم بها أحمد الشمراني على القناه الرياضيه كل أربعاء التقى مع حسين عبدالغني وسئله سؤال عن عقده ورد حسين أنه لايعرف متى ينتهي ولايهتم في هذه المواضيع وأنه لايرى نفسه بغير الأهلي وبصراحه حسب ماسمعت أنه حسين له مواقف عديده في النادي الأهلي وأنه يدعم النادي كذالك ولكن عيبه عصبيته ولكن في حب الأهلي فقط وعند سؤاااااااال الشمراني له أن حسين قام بشراء سيارات لبعض الأعبين رفض حسين الرد على السؤال وقال هذه مواضيع سريه وخاصه بصراحه أعجبني حبه لناديه وحتى عدم أهتمامه بعقده أو قيمته ومع ذالك يدعم ناديه فهل هناك لاعب في الهلال مثل حسين أو أفضل ؟؟ موضوع محااااايد وكلمة حق لابد أن تقال وليستفيد منه بعض الاعبين المساااومين للأنديه . |
حبيت اقولك لاتنسى حسين ماشاءالله الله لايغيرعليه من التجار في جده ومومحتاج عكس بعض الاعبين يتسلفون من بعضهم |
إقتباس:
|
الحكي والسواليف بلاش وأنا أخوك خله يسولف مع الشمراني على كيفه مو سامي الجابر بعد يقول أنا أوقع للزعيم على بياض وهو طالع له من الهلال بما لايقل عن عشرين مليون!!!!! |
حسين ماشائ الله عليه من اغنئ اللاعبين في السعوديه.... والعهده على الراوي... |
والله ما شفت مثل اللاعب في نادي الأهلي وفئ بس لو يترك العصبيه الزايده يكون أفضل وبخصوص دعمه ----------------------------------------------------- صحيح في أي هلالي يدعم ناديه أرجوكم بعيد من التعصب فقط للنقاش الجاد-------------------------------- عموماً الله يخلي شرفي الهلال وما يتوقفون بدعمهم لنادي القرن ويكون حال الفريق من أحسن إلى أحسن ونرى في كل عضو هلالي كل خير وفي الأخير أدام الله كل من ينتمي لنادي الزعيم زعيم نصف الأرض |
يكفي أن حسين هو قائد المنتخب السعودي حاليا |
حسين عبد الغني هو اللاعب الوفي حتى لو ما ابدع .ولا سامي مو اوفى منه . بصراحه انا احبه من لعب مع الممتخب وهو صغير |
ابو عمررر من اللاعبين المحبوبين عندي والله يوفقه ان شاء الله وبصراحه انقهرت لما اصيب مع المنتخب بالخليجيه لان خانته ماتصلح لغيره |
حسين عبد الغني والله نجم كبير والله يوفقه |
أخوي من المقربين لحسين عبدالغني عصبي جدا في الملعب وفي البلوت يحب التحدي ويكره الهزيمه لاكن خلوق جدا بشكل جنوني وحبوب للغاية خارج الملعب الي اعرفه عنده محلات تأجير سيارات ومحلات ثانيه وعنده فيلا مره حلوه وسياراته 3 همر وجيب تيوتا زي الي عند سامي وجيب رانج روفر وبي ام ومرسيدس ومايباخ وسيارات كثير وسيارات غولف عند البيت والي اعرفه تبرع للنادي وللاعبين بدون ذكر اسماء لاعب دولي شاب جيب انفينتي لاعب شاب هوندا اكورد لاعب شاب هوندا اكورد لاعب شاب التيما |
يدعم الاعبين الشباب لتحفيزهم وتشجيعهم |
تصدقووون من أول ماطلع مع المنتخب قلت الله يعوضنا في بطولات قااااااااادمه لأن مكانه مافي أحد يملاه وبعدين محرك اللعب بس زي ماقلنا عصبي وماهو عيب العصبيه لاكن بحدووود لاكن دعم النادي مو شرط الواحد يكووون غني أو متوسط الغنى يااااخي لو يتبرع بـ10000 الاف ريال يعني أدعم ناديك على قد فلوسك ومو شرط بفلوس ممكن أدعم النادي بأي شيء يعني ممكن أتبنى الاعبين الناشئين وأشجعهم وأبني لهم خططهم الرياضيه والنصائح ولاكن أصبح عندنا الاعب أي نادي يدفع أكثر أنتقل له وهذا مو عيب ولاكن يضل حب النادي الشيء الوحيد الذي يبقى ,,,,,,,, الأمرتيين قااااااااالو بطولة الخليج لنا غصب طيب طرق مشروعه طرق غير مشروعه وركزو فيها أخذين البطوله أخذينها .يعني أشمعنا زاويه محدده لأسماعيل مطر في كل مباراه غير كذا أخر الدقايق وأسماعيل والله مو أحسن من ياسر ولا من أي لاعب لاكن الرجل فيها شيء والملعب المفلق قبل مباراة السعوديه بثلاثة أيام وغيره وغيره يعني هي البطوله الأولى والوحيده ولن يحصلو على غيرها ,,,,,,,,,, خارج عن النص |
يعطيك العاااافيه حسين لاعب مهضوم حقه اعلاميا وهو لاعب كبير ماارتاح الين اشوفه يلعب المباره .. يكفي اختياره مرتين لمنتخب نجوم العالم الحقيقي اكرر الحقيقي .. |
مشاء الله عليه |
| الوقت المعتمد في المنتدى بتوقيت جرينتش +3.
الوقت الان » 07:42 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd