نادي الهلال السعودي - شبكة الزعيم - الموقع الرسمي - لايفوتكم الإحتفالات الأهلاويه مصورها من جوالي+أهزوجه خاصه للبلوي

السلام عليكم

أولا أقولها للمره المليون الحمد لله أني هلالي

بعد ماشفت احتفالات الأهلي في شوارع جده(في جده للإجازه) <<يبي يعلمكم أنه في جده:D

مسوين زحمه كأنهم أخذوا كأس العالم أعوذ بالله

المهم واحد من أصدقائي الأهلاويين قال لي تعال خلنا نروح نشوف احتفالات في مقر نادي الأهلي

هذه الكلام تقريبا الساعه من 2-3 فجرا قلت له ماهي مشكله خلنا نشوف وش عندهم

المهم يوم وصلنا للنادي مانسمع غير دق الطيران وأهازيج ورقص كأنهم فازوا على برشلونه

بس بصراحه حسدتهم على فرحتهم حنا يالهلالين مساكين من كثر البطولات ماصرنا نحتفل لأنه إذا كل ماجبنا بطوله

احتفلنا على كذا كل يوم حفله

بس تصدقون أني حسيت فيهم المساكين أنه الهلال حارمهم من البطولات:cry: بعذره الهلال مكروه من جميع الأنديه

أو بالأصح محسود من جميع الأنديه من البطولات الي عنده

وأنا أمنيه أتمناها من كل قلبي

أنه النصر يحقق بطوله بشوف جمهورهم وش يسوي إذا الأهلي وهو مو من زمان على البطولات بقى شوي ويتجنون من الفرحه

فما بالك النصر أكثر من 10 سنين ماجاب بطوله أتوقع أنه بتجيهم حالات هيستريا ويصبح عندهم تخلف عقلي لأنه شيء

جديد عليهم شيء طبيعي عشر سنين ماتجيب بطوله وفجأه تفوز ببطوله الله العالم وش بيصير فيهم:laugh:

المهم أنا لاحظت على الأهلاويين أنهم حاقدين على منصور البلوي حقد موطبيعي

مطلعين عليه أهازيج تضحك

وللأسف بطارية جوالي طفت بعد ماصورت كم مقطع

وفي مقطع حلو على البلوي بس نسيته كان ودي أصوره بس جوالي طفا

أذكر بدايته(يامتين يادبه الأهلي يأكلك حبه شيء زي كذا:D )

الفيديو في المرفقات