|
سرقة سياره هوندا اكورد 2006 هـ ا ي 323 سرقة سيارهـ هوندا كورد سوداء اللون2006 الوحه :: هـ ا ي 3 2 3 في حي الورود الرجاء على من يجدها الابلاغ عنها وشكرا |
الله يعينك اخوي وعساك تحصلهاs13s بس ماقدرت امنع نفسي من الضحك:eek: لهالدرجة الشرطة عندنا داجة ان الواحد بدل ما يبلغ في القسم صار يعلن في المنتديااات:rolleyes: شر البلية ما يضحك:yes: عساها ترجع لك سالمةs13s |
لا طبعا اكيد بلغت الشرطه قبل المنتديات بس نقوول انشاء الله |
بعدين مافيه شي يضحك واحد انسرقت سيارته وبلغ الشرطه ولا لقوها ما اعتقد ان فيه شي يضحك الله يهديك |
ياساتر يمكن تحصلها بالفروسيه أو غروب الشمال :d .. وبعدين علمنا شلون أنسرقت .. يعني شغلوها بدون مفتاح أو تركتها شغاله عند بقاله أو محل ثاني اذا شغلوها بدون مفتاح سلم على سيارتك ..اما اذا سرقوها وهي شغاله تراهم حراميه حليوين :d اذا تعرف أحد متابع للتفحيط علمه عشان يدورها بشوارع التفحيط :) وان شاء الله تحصلها بدون ماتتضرر :) |
من امن العقوبة اساء الادب ... ليش مايسرقون الاجانب تسرق والبزارين تسرق ياخي وصلت الدرجة اذا مسكو واحد معه مخدرات بعد ساعة يطلع بكفالة وهي مخدرات فما بالك واحد يسرق سيارة ويفحط فيها وش عاد اذا مسكوة كفين وبكرا طالع وتيتي تيتي مثل مارحتي جيتي |
اييييه اجل سيارتك اللي ملبقه قبال بيتنا وكفراتها رايحات وطي :D لا اتسذب اتسذب ماقبال بيتنا الا نخله ما اتوقع بتاتا بتلقاها بس الله يعينك .. |
الله يعينك وان شاءالله تلقاه سليمه .. |
الله يساعدكـ ومثل ماقال اخووي : كلي هلالي اذا كنت تعرف احد متابع للتفحيط خله يتابع التفحيط و ان شاء الله تحصلها |
الله يعوضك خير عنها وان شاء الله تلقاها بس حبيت اسالك اتمنى تكون مأمن عليها تأمين شامل عشان في حال مالقيتها تتعوض بقيمتها وعلى فكرة التأمين التعاوني مجاز شرعا وليس التأمين التجاري.. اتمنى تقول هالدعاء " اللهم يارب الضالة ارني الضالة" باذن الله تلقاها.. |
الله يعينك يا اخوي والاعضاء ذولي اللي يستهبلون الرجال منسرقةسيارته ورايح فيها هذا وقته الله يهديكم |
الله يعينك وان شاءالله تلقاه سليمه .. |
الله يعينك اخوي واتصل علي واحد من اصحابك وقالي بالخبر وانا سويت اتصالاتي باللي اعرفهم وبيردون علي ان شاء الله وربي اني معتبر السياره سيارتي خصوصاً انك خوي رايد المطيري |
الله يعينك .. ادع ربك انك تلقاها.. |
الله يردها لكم .. ابحثوا عنها .. بانفسكم لاتنتظرون الشرطه .. |
بسيطه أن شاء الله وتلقاها بأذن الله غالبا راح يفحط فيها وينطلونها في محل وتلقاها صارت لأحد أقرباي |
الله يردها لك سالمة وبإذن الله إنك بتلقاها عليك بالدعاء ياخوي |
الله يعينك ويخلف عليك بخير منها .. |
الله يعينك وتلقى أحد يفيدك . |
الله يعينك اخوي وانشاء الله تحصلون السياره |
رح دورها بحجز المرور مرة قد صارت لواحد من ربعي انسرقت السيارة و كل يوم رايح للقسم يستفسر الاجاه واحد وقال له رح دورها بالحجز يمكن تحصلها وفعلا تم العثور عليها في الحجز بس انها مصدومة نصيحة دورها بالحجز |
انصحك بالدعاء (اللهم ياجامع الناس ليوم لا ريب فيه أجمع علي ضالتي) (لا إله إلا أنت سبحانك إني كنت من الظالمين يا حي يا قيوم برحمتك أستغيث ربي أني مسني الضر وانت ارحم الراحمين) الله يوفقك وتلقى سيارتك سالمة |
حي الورود العن حي بسرقة السيارات اعرف اثنين انسرقة سياراتهم فيه السنه الماضيه واحد صاد الحرامي وهو يرجع ريوس بالسياره وتضارب معاه ومسكه ويقول للعالم دقوا على الشرطه وتعالوا ساعدوني والعالم يقولون مالنا دخل .. والثاني واقف يكلم خويه واقفين عند شنطة السياره وما يلاقون الا واحد من الاوباش ركب فيها بكل بجاحه وحط اول ودززززززززز ... انشاء الله تلاقيها والله يعوضك خير يا رب ... |
إقتباس:
|
يارب انها ترجع لك سالمة !!! بس نصيحتي لك دورها في شوارع التفحيط لانا على نهاية الاختبارات ومعروف على نهاية الاختبارات انواع التفحيط !! وما اقول الا ان شاء الله يطييح بين يديك الي سرقها وتقعد ترفع فيه ودق علي اكمل عليه ترا حرق قلبي مثل ما حرق قلبك !!! |
الله يردها لك ياااااااااارب |
الله يعينك اخوي بنفتح عيونا اكيد خاصه ان لونها مميز ( اسود ) وليت اذا لقيتوها تبلغنا هنا :) |
أنا من متابعين المفحطين والتفحيط وأبشر بالي يدورلك سيارتك من عنيه وترى بكره في تفحيط في الفروسيه ودريم وهبوب الشمال وشارع القوات بعد الفجر أرسلي رقم جوالك وإذا لاحظت شيئ أدق عليك وإنشاء الله إنك تلقاها سليمه تفائل بالخير...0 |
الله يخلف عليك ياخوي |
ابشركم لقينا الهوندا ......... السلام عليكم ورحمة اللة وبركااااااته صباح الخير يازعماء حبيت ابشركم انه قبل قليل عثر على الهونداكورد 2006 تم الحصوول عليها مرميه في احد الشوارع . . وأشكر كل من اهتم بالموضوع او راسلني على الخاص . . . |
مبروك يخوي والله فرحت لك المفروض يشوفوا حل للسرقات السيارات هذي اللي زايده |
ألف الف مبرووووووووك يا اخوي :) بس بشرنا عنها .. إن شاء الله سليمة ؟! |
ألف الف مبروووووووووووووووووووووووووووووووووك يا اخوي |
مبرووووكات . والله ولا سابع المستحيلات بي اشوى :d طيب سليمه ؟ |
يعطيكم العافية......... الحمد لله على كل حال السياااااارة سليمة عدااااا الكفرات والجنوط |
الله يبشرك بالخيير وحسبي الله على اللي صرقها وقبل كمن يووم صاار شي غريب وان دل على شي دل على ان الامن عندنا ضاايع واذا قالو قالو ديرت امن وامان من وين امن واماان ومواترنا تتصرق قبل كم اسبووع السااعه عشر جت بنت اختي من المدرسه ومعاها شهادتها توها في اولى وقف السوااق ونزل غرفته ورجع يدور الموتر مالقااه مصرووق ورحنا للقسم وبلغنا وقالنا دورو موتركم بكل بروود المهم صرنا نعرف ناس ودقينا عليهم ولقيناه الليل السااعه تسع تقريباً لقيناه منطلو في شعيب مجاري الله يكرمكم وتحسبوونهم اخذو البصماات عاادي جابوه وحطوه في القسم واستلمناه اليوم الثااني وقبل كم يووم هو الشي الغريب اللي قهرني صدق قبل كم يوم واخوي رااجع الساعه ثنعش كان حاط خويه في السويدي عند مغاسل الدريهميه المهم نزله واخذ فره الا ذوليك اللي يفحطون بهندا كورد جديده المهم هو يخااف من التفحيط لبق في ارض فااضيه وشوي الهوندا تزحف وتطيح في حفره في شعيب المهم يوم طاحت اخوي كان قريب منه نزل بيسعف الولد هو طلع متبلد مايدري وش السالفه المهم في حركه سريعه خويه وقف عنده وركب الثااني معه وانحاشو اخوي اخذ رقم الوحه وسجلها المهم دق على الشرطه وكانت الهوندا تدخن ودق على المطافي يقول قسم بالله ساعه الا ربع ماجو ويقول والدخان يزيد وكان قداامه الشويش او زي كذا المهم انهم حقين وايتات وراح يمهم وقالهم ورفضو قالو مالنا دخل المهم قعد يتهاوش معاهم وهم مطنشين ورجع مره ثاانيه الا الدوريه توقف ويقووم ويقول لراعي الدوريه رقم اللوحه قالو بعد هذي مصرووقه المهم قاله طيب الموتر بيحترق والمطافي ماجت رح للحقين الوايتات خلهم يجون يطفوون السياره قال والله مالي دخل خلها تحترق شوفو الوقاحه المهم زاد الدخان بشكل خيالي وراحو هو وخوي للحين الوايتات وغصبهم انهم يجون توهم موقفين الا حقين الاطفى جاين المهم مامدااهم ينزلون يقول قسم بالله ان الموتر اشتب كله مره وحده تخيلو الفين وسته وحماقة جندي وتطنيش بنقاليه شوفو القهر ويقلوون امان المهم ماعلنيا صار اللي صاار اخوي ماسك اللي صارق السيااره واكيد اللي صارق السياره من اهل الحي يعني لييه ماسالوه على الاقل عن اوصاافه يورونه صور يعني تخلف في تخلف والله يستر بس لا ننصرق اناب راسنا والله منب في الرياض في حااره من حوااري نيويورك الله يوفقك والله يستر عليك وعلى المسلمين ياارب والله يحفضنا ياارب لازم الحكومه تلتفت للنقطة الامن |
الحمد لله ..على رجوع الحق لأصحابة .. ان شاء الله الاولى والاخيره .. الله يكفينا شر من فيه شر يارب .. |
الحمد الله على السلامه والله يعطيك خيرها ويكفيك شرها |
الحمد لله انها رجعت لك سليمة |
حمدلله على سلاااامتها اخوي:thumbup: بس ممكن تعلمنا كيف حصلتوها وبأي مكان ممكن نستفيد من هالمعلومات في المستقبل:rolleyes: (<<< خايف الدور يجيه .. الله لا يقوله :dead: ) |
إقتباس:
والله مصيبه اخوي هامور واتمنى تكتب هالمقال في موضوع مستقل حتى يطلع عليه الجميع ويمكن يكون هناك حالات مشابهه عشان يستفيد الجميع........الله يعافيك اخوي........:yes: :yes: |
مبروك أخوي ...والله يحمينا واياكم وكل المسلمين ....:)!!! |
الف الف مبرووووووووووووووووووووووووووووك الله يبشرك بالخير لكن سالفتك انت ورايد في لبن ضحكت منها الين بغيت امووووووووت رسالتي لك احرص على السياره ترا الكورد مرغوووبه من المفحطين اخوك محمد |
الحمد لله على السلامة ....!!! |
انشاء الله تلقونها |
الحمدالله على السلامة |
الله يعينك البلد مليان من الي يسرقوون |
الف الف الف مبرووووووووك والحمد لله على سلامتها |
الحمد لله عالسلامه ,, |
الحمد لله على سلامتهاا ان شاء الله انها سليمه ولا فيها شيء مبروووووووك |
هلا والله ومرحبا... ياليت يالغالي لو تروي لنا القصة ... للعظه والعبره... والحمد لله على سلامتها... تحيــاتي لك ياعسل... |
| الوقت المعتمد في المنتدى بتوقيت جرينتش +3.
الوقت الان » 05:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd