ايها الزعماء ... اتمنى تفيدوني بخصوص اللومينا
 

السلام عليكم ورحمة الله وبركاته

يا اخوان ياليت تفيدوني بخصوص اللومينا 2007 أو اي موديل (سلبياتها وايجابياتها) ... لاني احتمال اشتريها ...

تقبلوا تحياتي ....

هلا اخوي القناص ..

انصحك نصيحه لوجه الله .. ابعد عن شي اسمه كابريس او لومينا ..

صناعة استرالية ما تعيش .. ولا تقول لي بحافظ عليها و بسوي لها صيانة ..

ابعد كل البعد عنها ، سيارة وكيلها تعيس ، معايير السلامة فيها متدنية لدرجة انها ممنوعه في الولايات المتحدة وخصوصا الـ SS

فوق كذا .. تغير الفحمات اليوم ،، ثاني يوم تسمع الصرصرة .. كنك يابو زيد ما غزيت

عشان كذا انصحك بالهوندا الاكورد .. سعرها حلو .. و سيارة رائعه بمعنى الكلمة

الـ 4 سلندر بـ 84.000 ريال
الـ 6 سلندر بـ 92.000 ريال

الفرق بينهم :

الماكينة - عدد 2 شكمان في الـ 6 سلندر - نظام التحكم بالصوت من الدركسون في الـ 6 سلندر - عدد الأكياس ا لهوائية أكثر في الـ 6 سلندر ..

تقبل تحياتي ...

والله هالشي مضيق صدري من زمان .... والمشكله يلعبون على الوكالات عندنا وحنا

الضحية ...

عالعموم الله يعطيك العافيه يخوي XxXهلاليXxX على افادتك ...

اسمع كلام هلالي والله تررااه صادق
الاكورد ما في مثلهااا في كل شي
واذا تقدر تصبر على ان ينزل الشكل الجديد في رمضاان اصبر ازيلك

واله مافيه زي ال SS قال الاس اس بايخ هيهات

كيف نعيش بلا ياسر تلومني فيك مشكوررين على المرور ..

والله واحد من جماعتنا شاري لومينا 2007 ss والى الحيين ماشيه معه زي الحلاوة ....


ويمدحها ويقول سيارة بمعنى الكلمة ...

هذا الي عندي وان شاء الله اكون افدك ...

أنصك أبعد كل البعد لأن خرباتها واجد وعاد إذا جاء مطر بتشوف أنك تروح يمين وشمال
وهي حساسة للماء

ممتازة

الله يعطيك العافية على الافادة ..





يخوي كلامك فيه تناقض !!

ياليت توضح وش قصدك !؟

ما عندي علم عن الـ 2007

بس القديمة كانت مشكلتها الرديتر والجلب الي فيها بس

انا معي لومينا 99 والى الحين معي ومطلعها وكالة

الي هبل فيني الرديتر الين غيرت البلاسيتك الي فيه والجلب ومسمار التوازن والباقي كل شي عادي ويستهلك مع الوقت

ياغالي

خذ النصيحه من ناس عندهم لومينا

لاتاخذ النصيحه من ناس يسمعون بس

انا اشتريت لومينا 2001 وكاله ال اس

وديتها الصيانه خلال 6 سنوات 3 مرات بس والله العظيم
اول مره: بعد 1000 كيلو
ثاني مره: 40000 كيلو
ثالث مره:120000 كيلو
والحين ماشيه 299 الف كيلو وستحيل افرط فيها بشتري 2007 واجيبها معاها
وسيارتي مثل العسل معاي وراح اشتري 2007 انشاءالله

بس اهم شي اعرف وش اهم الاسباب اللي مازالت معي مثل العسل :

1- لاتخلي البنزين ينزل عن الربع (( علشان البخاخات تبقى نظيفه ))

2- تغير الزيت في وقته لا تتهاون فيها والافضل انك تغيرها قبل نهايته بفتره بسيطه

3-كل 30 الف كيلو تغير فلتر القير ((120 ريال تقريبا)) وتغير الزيت اجباري للقير وطبعا يكلفك كله مع شغل اليد وكل شي 200 ريال مع سعر الفلتر طبعا
ولا توديه عند اي احد اسأل عن ناس فنانين لان فلتر القير حساااااس جدا مايتحمل ان يتعلم عليه هندي

4-قطع غيارها اسعارها حلوه (( الوكلاء= العيسى والجميح وغيرها )) اسعارهم مختلفه من مدينه لاخرى ومن وكاله لاخرى
اذا بتشتري قطعه اسال عن الوكلات كلها راح تلاقي فرق
تلقى قطعه رخيصه بالجميح واغلى بالعيسى والعكس كمان

5- انتبه انك تفحط فيها ولو مره لانك راح تبهذلها لانها مو كامري مصنوعه للتفحيط بالعكس مصنوعه للسرعه

6- غيرت كفراتها وركبت جنوط كابريس اس اس2003 يعني كفرات مقاس 17 بكل صراحه بعد ماركبتها حسيت السياره قمه في الرساوه والا قبل كانت الرساوه معدومه للامانه

7- الاكورد روووووووعه الصراحه بس سعرها حرام خذلك لومينا ال تي زد احلى الصراحه

تحياتي لك ياقمر

معليش طولت بالموضوع لان شفتك نفسك فيها بس الناس خوفوك فيها

نصيحه: كل السيارات تخرب ومعرضه للمشاكل لاتخاف بس العبره بالاستخدام
عطني سياره ماتخرب
حتى الكامري اللي مخصصه للتفحيط ليش تخرب بعد التفحيط ليش ماتتحمل
والاكورد خويي معاه
الصراحه رجووله حاره بس مايعرف ورش كل شي يروح الوكاله وصيانه مستمره
واخيرا اكلت مطب مجنون انا وياه الاسبوع اللي راح وراح الوكاله وقالوله 15000 تصليح !!!! ليه ؟
قرر يبيعها


سلاااااااااااااااااام ياعسل

غروبي ..

saud7337 ....

الله يعطيكم العافيه على افادتكم ..

السلام عليكم اخوي
أنامن عرفت نفسي وانا ماشتري إلا لومينات وكوابرس توكل على الله .

وبعدين اللي يقولك استرالي قله مواتر تويوتا أغلبها استراليو والهوندا تجمع في تايلند
وبعدين وش جاب الهوند للكابرس واللومينا مع احترامي للجميع ز

والموترحسب الأستخدام تدلعه يدلعك تلعن امه يلعن سلسفيل سلسفيلك .

مشكوور على المرور ..يا ssالهلالي