|
حصل ماتخوفت من حصوله المدرب الجديد يجامل ابن بلهد على حساب نجومنا لاحظتو المستوب الباهت الي قدمه رودريقو وانا من الي كانو يطالبو باعطاءة الفرصه حتى نهاية الموسم بس المباريات الاخيرة اظهرت لنا لاعب اخطااءة كثيرة يحسب المهارة هي كثرة الفاولات الي يحصلها والله ياجمااعة لاعب مايستحق الشعار الازرق واللله العظيم فهد المبارك والحربي احسن منه بمرااااااااااااااااحل لاحد يقولي مصلح هدفين الهدف الاول اهداها للحارس هدية كأنها يبي ينسب هدف لنفسه بس توفيق الله ان الحارس ترك الكورة السهله هذي وسجلت هدف والهدف الثاني لعبة عاديه جدا وتستوجب لاعب بمثل مهارة ياسر ليضعها في المرمى باختصاار كور مقطوعه بالكوم وارتدت بسسببه كور كثيرة كادت تسبب اهداف في المرمى الهلالي عدم تفاهمه مع الاعبين وانتظارة للكورة تصل محل قدمه يعني كل ماجت الكورة مع التائب وطلع له يوقف ويترك الكورة اناني ويقتل الهجماات ببطء شديد الا ايضا طلع كور كثيرة مايطلعهاا دفاع التفااق بغبااءة الحاد واضافه الى ذلك اخرج التايب الي كان شايل الوسط شيل هو والشلهوب وابقااهاا يرفع ظغط جماهير الهلال في الملعب وياااااااااااخوفي يااااااااااااااخوفي يااااااخوفي ان العنصرية عند المدربين البرازيليين تقتل الكيان الهلالي والنجوم الهلالين وخصوصا ان فيه برازيلي جديد جااي والله يستر لايكون التايب للمشااركاات الخارجية ومضه: المفررج مااقصررت لكن ارجوووك دع الفرصه لغيرك والي اثبت بجداارة انه صخررة الدفاع الجديد البرقاااااااااااااان الله يصلحك بس روردريقو انقلع بسسسسس |
صدقت والله .. |
بلعكس لا عب كبير و ممتاز |
وين دارس إملاء |
ياخوي لاتحكم على المدرب باالمجامله من اول مباراه قول الحمدلله على الفوز وانتظر وشوف واحكم فيما بعد الله يبارك فيك |
ياخي لو طلع رودريقو من يدخل !! التمياط نازل مستواه ماعنده احد لا تحكم عليه اذا انه متعصب .. بعدين يرحم امك المدرس ماصار له كم يوم خله يشوف شغله وانت بتشتغل عليه اول ما جا ... صدق لاقالو انك عجل بالعكس المدرب ذا انا متفائل فيه الخير .. وإنشاء الله يتوفقك مع الهلال .. |
حتى انا فكـرت نفـس التفكيـر لما طلـع الشلهـوب ودخـل سـامي .. قلـت : ليـش مـا طلـع رودريغـو ؟؟؟!! :D :D إقتباس:
|
اخوووي بالعكس رودريقو لاعب سريع ومتمكن وانت تقوول بس يلعب للفااولاات احسن من غيره يلعب بدوون فااايدهـ .....!! سلملي على التاايب بس وربي ابدااع طبعا اقصد الاجاانب ولا ننقصر بحق تفااريس تفااريس بصرااحه والتاايب يلعبوون بثقه لعبة الكباااار هذا من ناحية الاجاانب ولاعبينا ابدااع والله ابدااع ابدااع يايااسر وماقصرت وابدااع يالجندي المجهوول (عزيز) وابدااع يااشلهوووب بس قهرني المدرب يووم طلعه مدري ليش ظالمين الشلهووب يطلعوونه وانا صرااحه في رايي انه لو يلعبوون نواف التميااط مكان رودريقوا اصرف ومشكوور اخوووي |
والله بصراحه ماحد عرف لكم يالجمهور طلع رورديقو قلت مايعرف يغير ويوم مايطلعه قلتو يجامل ياخي رودريقو اليوم هو اللي محرك الهلال ويكفيه انه مصلح الهدفين وش تبيه يسوي لك بعد !! فاولات ومن احسن الاعبين في استغلالها ويتحرك ويجتهد ، تبيه يحرث لك المعلب ويزرعه فجل عشان ترضى ..! وبعدين نواف يوم دخل طلع بداله التايب وتغيير صحيح ، اجل تبيه يطلع رودريقو ويلعب اثنين صناع لعب بنفس الخانه ؟ نواف يمين والتايب يمين بالنسبه لمركزهم الاساسي والجميع اليوم ماقصروا بصراحه ومبروك الفوز ... بس من جد إضائكم صعب صعب للغايه |
والله اعتقد ان الاعب اليوم لعبه جيد لكن المفروض الي يتطلع من بدري هو الشلهوب صراحه نكبه على الفريق وماعتقد يسوى الملايين الي راح تدفع له للتجديد اذا مستواه بيستمر كذا |
لاعنصرية ولا شيء ، التمياط بعيد عن مستواه ولو قدم البرقان بتسير هوايل ، والحربي والمبارك والذياب قليلي خبره .. وترا رودريغو لاعب متوسط من يوم ماجاء عدا بعض المباريات التي طغا عليه فيها الحماس ، لكن احنا نقول سيء ، لأننا كنا نتوقع منه شيء كبير وهو انه ينسينا كماتشو ، وهذا الي خلانا نكرهه ولا هو لاعب جيد |
لووووووووووووووووووووووووووووول ياخي قسم بالله اني احترم الراي الاخر .. بس يرحم والديك اول مباراة له شوي شوي لووول ولا تحكم عليه ولا بعد 5 مباريات ... سياسة ادراتنا الله يهديهم الي جايبين مدرب في وسط الدوري واول مره يدرب في الخليج ... والله ماعاد ينعرف وش المطلوب .. تحمد ربك على الفوز وبس |
مايعجبكم العجب ولا الصيام في رجب يابطل يارودريقو ياخطير ياكبير يافنان نبدا بمساله العناد بالمنتدى |
بدينا في الانتقادات !!!!! |
لا حول ولا قوة الا بالله اجل يجامل بني جلدته وبيسيرو من يجابل بني جلدت ناس ما يعرفهم !!!!!!!!! المدرب باقي ما بدا ما كمل اسبوع معنا ورودريقو بيروح يا عمي وبيجي مهاجم بدالة اتركنا من الكلام الفاضي وخلوا المدرب يعمل |
أقسم بالله إني قاعد أطحن في الملعب أمس بسبة أحمد راتب يوم كان في المتوسط |
لعبوهـ بيحللون فلوسه لانه ماعاد بيلعب دام ريدريجاو جا |
حصل ماتخوفت من حصوله المدرب الجديد يجامل ابن بلهد على حساب نجومنا ماشاء الله عليك وقوة قرائتك للمستقبل اقول وش رايك تطالب انه يلحق بوسيرو اقول الظاهر انك من النوع الي يحكم بالشكل يمكن ما عجبك شكل المدرب حبيبي هذي اول مباره للمدرب وتطلع لي بموضوع زي كذا ياريتك تفكنا من نظراتك البعيده ونخلي الكوره لاهلها قال ايش ( حصل ما تخوفت منه ) وبعدين وشي ( بلهد هذي ) والله العظيم بعض الناس تخليك تكره ام الكوره |
حرام عليك البارح اختراقات وقطع كورة وصناعة اهداف وش تبي اكثر. لا نكون مثل بعض الأندية أهم ماعندهم الأسامي دون المستوى. خل النظرة تكون أوسع مادام اللاعب ينتج لا يهمك الأسم.......... وش فاد الجار:confused: :confused: :confused: والأمثلة واجد بورقتي و بيبتو.....و جيوفاني.......نقول جيوفاني لأننا هلاليين يجب أن نقول الحق لأننا تربينا على الأخلاق الحميدة ( قول الحق والتواضع وتشجيع الهلال ووووو) |
ياحبيبي انت وياه مااكتبت موضوع عشان تتهجم علي وتستفرد عضلاتك علي كاتب موضوع نتنااقش فيه والله العظيم نوااف وهو في ربع مستواه هو والشلهوب والتايب ازين من رودريقو بالف مرره وخصوصا في مباراة امس اخوي الصغير طفل ماتعدى 7 سنين كل ماجت الكورة مع رودريقوو يقول يبي فااول وارجعوو ا لللمواضيع الي تطالب باقالة الاعب وشوفو ردودي عليهاا انا اول من كان يطالب بابقاااءة بس اذا بيضر مصلحة الهلال لا يااخوي قلعته وشوفو المباريااات الي يكون الثلاثي الشلهوب والقحطاني والتايب في عز مستوااهم وش يسوي روريقو والله كأنه يخرب قسم باللله لاعب ماااينفع ال معلم شوورماا بيعوه تكفوون والله يسترر لايصير هو المحترف الثالث والتايب للخارجية لانريدك يارودريقو يااازيين الهليل زينااااااااااه عندك مليناا من مدحك وانك جيد والله لو يعطون فرصة السعودييين قمو افضل منه بكثيررر لاعب حتى مهاراته ةتذكرني بمهارات بزارين الحارة دف الكورة من جنب الي قداامك والحقهاا ولا امس تجيه كورة يجليهاا هذا وااحد جاي من البرازيل وهذي مهاراته اغبى مدافع في العالم الحين يعرف متى الاعب يجلي الكورة ولا يدزهاا ويلحقهاا اقول ان مااكتبت موضوع هذا عشان يعلمني احد املاء ولا تهجم على المدرب بالعكس انا من المطالبين بابقااء بوسيرو لاني مااحب اعلق اخطااء فريق على مدرب بس فتحت موضوع للنقاااش موب للتهجم |
| الوقت المعتمد في المنتدى بتوقيت جرينتش +3.
الوقت الان » 10:37 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd