وش افضل(اكورد2007)او(كامري2007) - نادي الهلال السعودي - شبكة الزعيم

al-badr · #1 05/02/2007, 07:31 PM

مساءالخير ؟؟؟؟؟؟؟؟؟اناصراحة محتار بين سيارتين (اكورد2007قير اتوماتيك فتحة وسى دى)ووو(كامري 2007قير اتوماتيك بدون فتحة وبدون سى دى)؟؟؟؟؟؟؟؟؟؟ابي رايكم خاصة المجربين؟؟؟؟؟

$$$أزرق هلالي$$$ · #2 05/02/2007, 07:48 PM

camry gl أحسن

al-badr · #3 05/02/2007, 08:13 PM

على فكرة كلها4سلندر؟؟؟؟؟؟؟؟وبنفس السعر تقريبا؟؟اصراحة محتار؟؟

فارس القصيم · #4 06/02/2007, 12:38 AM

من ناحية الكشخه أحس إن الكورد حقت واحد راكد وعاقل أما الكامري فقدت هيبتها بعد الكورد وكل لها ناسها والله يكتب لك التوفيق

عاشق روبينيو 10 · #5 06/02/2007, 02:13 AM

انا معي اكورد2007 بصراحة مبسوط فيها وانا كنت محتار بس خليت
الوالدة تختار تعرف عشان البركة

فصولي 9 · #6 06/02/2007, 09:36 AM

الكامري

عاشق كابرس · #7 06/02/2007, 10:52 AM

اكورد2007قير اتوماتيك فتحة وسى دى

كيف نعيش بلا ياسر · #8 06/02/2007, 11:43 AM

اكوووووووورد انا معي 97

حقتي السنه الماضيه مسافر عليها
امشي 190 وتمااااااااام معي
فما بالك 2007

حبيب روح الزعيم · #9 06/02/2007, 12:37 PM

اكيـــــــد الاكورد 2007

... < السفير > ... · #10 06/02/2007, 02:34 PM

أنا معي أكورد 2007 سبيشل فتحه وسي دي وقير اتوماتيك ولا أزين منها بس اطلع من الوكاله ورح رش الزعانف وركب جنود تطلع من برا فل كامل

والسيارة كشخه وراحه ومركبها ولا مركب لكزس وطبلونها خيال وديكورها روعه والسياره وقويه وترا صرفيتها للبنزين OK كانك منب راعي تدعيس تمشيك في المدينه 470 إلى 500 كيلو وعلى الخط كانك تمشي 120 وفيها تمشيك 700 كيلو وكانك راعي سرعه وتمشي 140 وفوق تمشيك تقريباً 650 كيلو

أنصح بالأكورد والله انه موتر OK

بس ترا فيه ملاحظه وحده ان الاكورد بتتغير السنة الجااايه وبعض الناس ما يلتفتون للنقطه هذي وانا بوم جيت اشتري الاكورد عارف انها بتتغير بس ما همني ذا الشي واذا طلعت الجديدة فكرنا نبيعها الــ 2007 ونشتري الجديدة

وتقبل تحياتي وتقديري

مارد الأسياح · #11 07/02/2007, 03:06 AM

إقتباس

الرسالة الأصلية كتبت بواسطة عشقي الهلالي لا ينته


	QUOTE]والسياره وقويه

مااعتقد انها قوية مقارنة بالماكس والكامري واللومينا وثانيا قطع غياره ناااااااااااااااااااااااااااااااااااااااااااااااااااااااااااااااااار مقارنة بالسيارات السابقه

... < السفير > ... · #12 07/02/2007, 03:36 PM

إقتباس

الرسالة الأصلية كتبت بواسطة مارد الأسياح


	مااعتقد انها قوية مقارنة بالماكس والكامري واللومينا وثانيا قطع غياره ناااااااااااااااااااااااااااااااااااااااااااااااااااااااااااااااااار مقارنة بالسيارات السابقه

أولاً : أحترم وجهة نظرك .

ثانياً : رح وشف الاكورد موديلات 96 وتحت تلقاها ما عليها قاصر وقطعها قويه والسيارة متماسكه مو قوطي زي بعض السيارات والرساوه ما عليها كلام . أما المكسيمات من 2000 وتحت معدومه ومكسره وما تسوى في السعر وما فيها ولا ذرة رساوه . وأما عن الكامري فمن بعد ما طلعوا صناعتها من اليابان إلى استراليا وهي لك عليها من ناحية القطع ومن ناحية القوة . وأما عن اللومينا فما أعتقد فيها مقارنة في القوة بينها وبين الأكورد ( قوة القطع والسيارة مو قوة المكينة ) واللومينا تنعدم بسرعه وصناعتها استراليه تجميع أمريكي ولا تقارن السيارات الأميريكة باليابانية .

وعلى فكره ترا قطع غيار اللومينا أغلى من الأكورد

وتقبل كل احترامي وتقديري

مارد الأسياح · #13 09/02/2007, 01:04 AM

اخوي عشقي للهلال احترم وجهة نظرك وانا معجب بالاكورد لكن كثير من اصحاب

الاكورد يقولون مافيها قوة اقصد قوة الماكينة وكمان يقولوا قطع غيارها نااااااار

اما من ناحية القطع فكل السيارات الجديدة بالتحديد بديها مثل الكرتون وتقبل تحياتي

زعيم سديراوي · #14 06/02/2007, 03:37 PM

هلابك بعد وحياك الله ..

من ناحيتي بفيدك بللي عندي ..

أولاً بالنسبة لي مافيه مقارنه بين الأكورد والكامري ,,

فالأكورد تفوق الكامري في الفخامة ..

وبالذات من ناحية صوت الإزعاج إذا أسرعت في الكامري ...

وعلى فكرة الأكورد تقريباً بعد ستة شهور بتنزل شكل جديد كلياً وهذا كلام موظفين عبدالله هاشم .. والخبر 70% أكيد ..

وإذا شريت 2007 بعد ستة شهور بينزل الشكل الجديد 2008 وبيطيح سعر 2007 بشكل واضح ..

وهذا مثل هوندا الأكورد 2002 ونزلت بعدها 2003 شكل جديد كلياً وطاح من سعر 2002 تقريباً عشرة آلاف ريال ..

فإذا كنت تستطيع الصبر ستة أشهر .. وقبلها رح للوكالة وتأكد من كلامي .. فعليك بالأكورد ..

وأما إذا كنت لا تستطيع الصبر فتوكل على وخذ الكامري لأن شكلها جديد وهي موديل العام وسعرها فيها وماسكتها ..

((( هذه وجهة نظري تمثلني فقط )))

مع تمنياتي لك بالتوفيق ..

*مشعل الهلالي* · #15 06/02/2007, 04:27 PM

ما في مقارنه الكورد أفضل بكل شي