حول الدوام في رمضان
 

اخواني السلام عليكم
اولاً مبارك عليكم الشهر الفضيل واللهم اجعلنا من صيامه وقيامه
اخواني لا يخفاكم ان الدوام في رمضان مثل الأعوام السابقة من الساعة العاشرة صباحاً حتى الثالثة عصراً (يختلف وقت الإنصراف حسب المرحلة)
ولكن هل هذا التوقيت مناسب لجميع مناطق المملكة، اعتقد ان الإجابة بالنفي عند الأغلبية
مارأيكم جاوبوني على هالأسئلة:
س/ مارأيك في الدراسة في شهر رمضان بشكل عام؟
س/ ماهو التوقيت المناسب لبدء الدوام وانتهائه؟
س/ مارأيك في استعداد الطلاب وتحصيلهم الدراسي في هذا الشهر الكريم؟
ارجو من الجميع المشاركة في الرأي ولكم تحياتي

مبروك علينا وعليك شهر الرحمة والمغفرة والعتق من النار اخوي هلال العز ..
موضوع رائع جدا ً وياليت غالبية الأعضاء يشاركوننا فيه .

انا معك اخوي ...وقت الدوام برمضان غير مناسب اطلاقاً .. الظاهر واحد شاف نفسه متى ينام ومتى يقوم قبل عشرين سنة او اكثر :rolleyes: ..وشاف ضروفه الشخصية .. وحط هالنظام:confused:
ولا زال هالتوقيت محنط .. كأنه سُنة من سُنن الرسول عليه الصلاة والسلام:mad: .. والظاهر لين نموت او نتقاعد وحنا ماشين على هالنظام الخاطئ جملة وتفصيلاً . ولا كأن في أحد يشوف سلبيات وأخطاء هالنظام ويطالب بالتغيير :confused: ؟؟؟.

بجاوبك على اسئلتك :
س : هل هذا التوقيت مناسب لجميع مناطق المملكة ؟
ج : غير مناسب لجميع مناطق المملكة .. فمن وجهة نظري يجب ان تُحدد كل منطقة توقيتها الخاص .. نظراً لإتساع المساحة للمملكة.. والفرق الشاسع بلإفطار والإمساك بين المنطقتين الشرقية والغربية على سبيل المثال .

س : مارأيك في الدراسة في شهر رمضان بشكل عام؟
ج : بإختصار .... غير مجدية اطلاقاً .

س : ماهو التوقيت المناسب لبدء الدوام وانتهائه؟
ج : من وجهة نظر شخصية أرى ان تكون بداية الدوام بعد صلاة الفجر او عند طلوع الشمس حتى صلاة الظهر . وألأسباب كثيرة مايتسع المجال لذكرها .

س : مارأيك في استعداد الطلاب وتحصيلهم الدراسي في هذا الشهر الكريم؟
ج : مافي تحصيل ابد .. وكيف يحصلون دراسياً وهم مايجون للمدرسة اصلاً ؟ واللي يجي .. يا يجي ينام ولا يقرأ قرأن .

ملاحظة صغنطوطة : جاوبتك على اسئلتك من واقع تجربة .. كطالب سابقاً .. وكمعلم حالياً

تحياتي لك .... والله من وراء القصد

شكراً هلالي الجوف
كلام واقعي وهذا مادعاني للكتابة حول هذا الموضوع

هلال العز
موووضوع زين رررررروعه

بس اللى مهو ب زين الدراسه رمضان والله تعب

وبعد اختبارات ؟؟

نازلت تربيه عملى با المدرسه وكلهم يشتكوووون ؟؟


وخا صه ثا لث ثا نوى الله يعنهم؟

تعب والله؟؟
ولالالالانروح مكه.ولا نفررررح با العيد.شى يرفع الضغط؟

بس لو انى مسؤله ؟؟

@@@@@@


اتمنى المشاركه من الجميع والله يهمنى الموووووضوع مرررررره؟؟

والله يا جماعة الموضوع مهــــــــم جــــــــــــــدا .

تقولون ليش ؟؟؟؟؟؟

اقول .... لان الواحد لازم يضحي بواحد من ثلاثه .


باشرح لكم الفكره باختصار :

لا يمكن ان توصل البيت قبل الساعة اربعه العصر ( صح والا لا ) واذان المغرب الساعه خمسة يعني انس موضوع النوم او انك تنام وتروح عليك الصلاه والفطور ( التضحية الاولى ) .:eek:

او انك تنتظر حتى بعد الفطور وتنبسط مع طاش :p وبعدها صفقني ان كنت تعرف يد من رجلك ( فطور + تعب = عالم ثاني ) يعني صلاة العشاء والتراويح عليها السلام ( التضحية الثانية ) .
او ان الواحد ينام حوالي الساعة ( 2 ) او ( 3 ) الفجر ( بسحور او بدون ) وعليها من الشاطر اللي يقدر يقوم يصلي في المسجد ( او في البيت ) وهذي ( التضحية الثالثه ) .

يمكن فيه واحد عنده حل للمشكله ويقول نام بدري الساعة ( 11 ) وقم الساعة اربعة الفجر ، هذا حل جيد لــــــــــــــــــــــــــــــــــــــــكن :confused: الحياه في مجتمعنا الان وفي رمضان بالذات لايمكن تخليك تنام في ذا الوقت .

اللي ابي اوصل له يا جماعه ان الدوام في رمضان ليس صعب بل ( مستحيـــــــــــــل )
والكلام ينطبق على الدراسه بعد .


ورمضان كريم .

شكرا لمشاركات كل الإخوان والأخوات واتمنى مشاركة الجميع