|
آخر الأخبار والأزمة انحلت بسم الله الرحمن الرحيم بعد كثرت الكلام ودوخة الصحف ونياح المرتزقة ونباح الحاقدين ... وبعدما صجونا بان الخزينة خاوية ( طبعا اقصد الاعلام ) وان الزعيم مقبل على كارثة ... وكل ذلك بسبب تصريح قد يكون ( واقول قد ) في غير محلة من ربان السفينة الهلالية الامير محمد بن فيصل عندما قال ( إن النادي يحتاج الى دعم والى وقفة من اعضاء الشرف ) ... ايها الزعماء نحن دائما مرتقين بفكرنا عالين بجهدنا وذلك سبب انتصارتنا ... اخواني ركزوا في التصريح فابو سلطان ماقال الخزينة خاوية او النادي مقبل على كارثة كل الي قاله انه يحتاج الى دعم ولكن المرتزقة والمحسوبين على الاعلام السعودي ( للاسف ) فهموا التصريخ على مايبون ... سبحان الله هل اذا قلنا ان حنا نبي دعم معناتها الافلاس طبعا لا ... ولكن هم يريدون ذلك واقصد اعلام الرياضي ومن على شاكلته ... ولكن قطعا للكلام ونهاية للحديث ولقطع الشكوك توجهنا بسؤال الى ( الامير بندر بن محمد ) نائب رئيس اعضاء الشرف ( ورمز الأمة الهلالية ) وكما هي عوايده مبتسم متواضع كبير في كلامه كبير في اخلاقة فقال ( الهلال كبير ولايهز وسيضل كبيرا ومايدار حاليا هي لعبه اعلامية معروفة الاهداف... واضاف : هل يعقل لنادي كالهلال يملك من اعضاء الشرف مالا يملكه غيرة ان يفلس ( واطلق بعد هالكلمه ضحة عالية ضحكة ثقة ) ... ثم اضاف : ياجماعة والله العظيم ان النادي بخير وانه من حسن لاحسن ومساله ان ماكو فلوس فهي لعبة اعلامية كما ذكرت ومعروفة ولن تمر علينا وعلى جمهور بحكم جمهور الزعيم ) وبعدها ارتحنا وريحنا بكلامه الجميل الممزوج بالحنكة المقترن بالثقة ... موضوع الغامدي والشلهوب وطبعا مافات علي اني اساله عن عمر والشلهوب فقلتله : أبو محمد وش عن تجديد عقود الاعبين المنته... بعدها قاطعني قال : عمر ومحمد هلاليين ولاتشيلو اي هم للموضوع لانه منتهي .. واضاف : صدقني ان اي لاعب ماراح يروح منا الا اذا مانبيه اما عمر ومحمد فهو موضوع منتهي ولاداعي للحديث عنه ولاتشغلون بالكم محمد وعمر هلاليين هلاليين هلاليين ( كرهها ثلاثا ) ... وفي نهاية الحديث الممتع مع ابو محمد طلبت مته وقلتله ابو محمد الحين طمنتنا لكن البقية ماتطمنو فنبي منك تطمنهم . قال : وهذا الي انا بسويه وعندي بكرة الاثنين حلقة في كل الرياضة راح اطلع وانهي جميع المواضيع وابشرو بالخير وانتم ياجماهير الزعيم فخر لنا وسند ووقود حقيقي بس مشكلتكم تصدقو كل مايكتبه الاعلاميين ... ويوم ان حنا في نهاية الحديث قالي وش بكرة قلتله الاثنين قال : دعم الوليد واصل بكرة .. هذا ياجمهور الزعيم الي حصل ووالله العظيم اللذي لايعبد مخلوق سواه ان هالكلام كله حقيقة وليس مفبرك لان مالي في الاعلام ... وفي النهاية جمهور الزعيم ثقوا ان وراكم ناس تعمل وتموت في شي اسمه هلال ولاتصدقو كل كلام يكتب عن الهلال لان الهلال ( متنفس للمرتزقة والحثالة ) واذا كان كلامهم عن زعيمهم وحارق دمهم يفرج همهم فمرحبا بكلامهم .... خاتمة كم انت عظيم ياهلال تفرج ازمات المنكوبين وترد على الشامتين وتنكر الحاقدين اللهم اجعلنا ممن خافك واتقاك |
الله يجزاك خير ويبشرك بالخير والله ياخي انك فرحتني وطرت من الفرحه وشكراً ولا تنسون الأربعاء مع الاتفاق الزعماء متفقين للحضور الكثيف وشكراً.........s13s s13s s13s |
بالتوفيق لك على المعلومات الأكثر من قيمة والله يفرح كما فرحتنا |
مع ان الكلام مو من مصدر !! لكن والله اني صدقت واستانست بقوه هذا اللي نبي نسمعه التفائل وبس واليوم ننتظر برنامج كل الرياضه والله ان الكلام هذا اثلج صدووورنا وما بقى علينا الا انا نروح للملعب يوم الاربعاء وتكون كلمتنا وكلمة الشكر للجميع من اداريين واعضاء شرف بحضورنا يوم الاربعاء. الف شكر لك يابو سلطان وشكرا |
و بعدين سمعت أن الأمير فيصل بن سعود قدم للنادي مبلغ و قدره " مبلغ محترم " كما هي عوايده |
اخوي yosef_15 شكرا على مشاركتك نعم الكلام ليس له مصدر لكن انا الي قمت بهالمهمة بنفسي وان شاء الله ان الامير بندر اليوم يوضح كل شي ولاحظ كلام الامير اليوم وكلامه الي نزلته فستجده مطابقا اعود واكرر والله العظيم ان هالكلام حصل امس |
يعطيك الف عافيه على الاخبارر اللي توسع الصدر ونتمنى من الجمهورر انه يحضرر بكثافه يووم الاربعاء |
يعافيك بي الوعد الملعب يارجــــــــــآل |
يعطيك العافية |
يعطيك العافيه يابطل والدور علينا يوم الأربعاء تكفوووووووووووووووووووووووووووووووووووووووووووووووووووووون نبي الملعب يسكر بدري |
هذا ياجمهور الزعيم الي حصل ووالله العظيم اللذي لايعبد مخلوق سواه ان هالكلام كله حقيقة وليس مفبرك لان مالي في الاعلام ... ----------------------------------------------------------------------------------------------------------------------------------------------------------------------------- من حلف له بالله فل يرضى وجزاك الله خير ويفرحك بالدنيا والاخره |
من قال (الكلام ماله مصدر) عليه حق الرجال قال قابل الأمير بنفسه وكلمه ونقل الكلام اللي قاله وحلف على أن اللي صار صدق ليس تأليف. وهذا المصدر يكفي |
يعافيك ربي |
شكرا لك على المعلومات |
يعطيك الف عافيه يا بطل |
| الوقت المعتمد في المنتدى بتوقيت جرينتش +3.
الوقت الان » 12:42 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd