نادي الهلال السعودي - شبكة الزعيم - الموقع الرسمي - ضربة جزاء====ابولما ماهكذا تورد الابل الرجاء عدم الحذف موضوع نقد هادف

بسم الله الرحمن الرحيم

فاجئني الاخ ابولما بموضوع لم اكن اتوقع ان يكون هو من يضعه
لا اعلم الاسباب ولكن الله اعلم بالنوايا

اتمنى ان تشاهدوا لمحه عن الموضوع وترجعوا لي مره اخرى

http://vb.alhilal.com/showthread.php?t=368064

يعني يا ابو لما مهما كان سبب الوضع ومثل ماقلت
يختلف الوضع او نظر الانسان من صوره لصوره لكن بوضح لك مقاصد الناس للصوره بالعربي:
1-يكون البلوي سكران او محشش
2-يحب الظهور والدليل لاصق بالكاميرا
3- مطنش الامير الهلالي

يمكن هذي اغلب الردود من المشجعين الي جت على موضوعك
بس يا اخي بقولك شي
اول شي لو كان متعاطي شي هذا شي راجع له وحنا ما نحاسب الناس على ذنوبهم
لهم رب يحاسبهم
ثاني شي لو يحب الظهور شي طبيعي انسان يملك فلوس يحب
يكون له ظهور واي انسان يجي منصب رياضي يكون هذا هدفه الاول
طبعا ما احب الي يقولك هذا جا المنصب حب للهلال
يعني ما اختلف معك يمكن يحب الهلال بس يضرب عصفورين بحجر
ثالث نقطه انه مطنش الامير الظاهره شف انا بصراحه اشوف النزول للملعب له رهبه ورعب
مهما كان الشخص الي ينزل والدليل يمكن تترك الي جمبك او تنشغل ومهب شرط يصير
البلوي واميرنا لاصقين في بعض يعني ما ادري وش كنت تبي يا ابولما من هالموضوع
مهب حنا الهلاليين الي نكتب في الناس او نغلط عليهم
والبلوي انا مايهمني افعاله بكيفه وبراحته حنا كلامنا في الملعب فقط
حنا هلال النعيمه والثنيان والجابر والتمياط والشلهوب
حنا الي نخوف بالملعب مب بالفلاشات وحتى لو كان الي يحبون الهلال يدعمونه لأسباب اخرى
لكن فيه مليون واحد لو حطيتهم يفدون الهلال بدمه
انا ما اقولك احب الهلال لدرجة الثماله لكن احب الهلال واتابع مبارياته واحضرها
واحزن لو خسر واحضر تمارينه بس العقل يزين كل شيء

تحياتي لك واتمنى ان لايكون هذا النقد غير هادف لك او يكدرك

تحياتي

ابوعبدالله