نادي الهلال السعودي - شبكة الزعيم - الموقع الرسمي - تخبطات باكيتا وبعض اللاعبين ؟؟؟ اتمنى الدخول

السلام عليكم ,, صباح الخير للجميع ,,
موضوعي بخصوص بعض اللاعبين في المنتخب وهذا وجهة نظر متواضعه وهي ان فيه ثلاثة لاعبين الى الآن لم أعرف السبب ورا اختيارهم للمنتخب وماراح احد يقدر يقنعني بإنظمامهم ,,الأول الصقري لاعب عادي جدا لاعب والله كأنه يلعب في الدرجه الأول ومتعود اذا جاته الكورة يحاول يشتتها بأي وسيله لاعب مو قادر يعسك اوفر واحد صح وزياده مستلم الكبتنيه والله حاجه غريبه من باكيتا وتخبطاته والسؤال المطروح هل الصقري افضل من الخثران ؟ أو زيد المولد ؟أو كامل الموس ؟ انا متأكد لو تسأل اي شخص كان راح يقول لا ! وش معنى باكيتا مقتنع فيه يعني كل الناس غلط وهو الصح يعني مانفهم في الكوره في الاتحاد مايلعب أساسي ياسلام وفي المنتخب اساسي وكبتن والله حاجه تقلب الراس والثاني ياعيني الماسترو بدر الحقباني ثلاثة شهور مايلعب ويجي زي السلام عليكم في المنتخب اساسي من وجهة نظري نواف واقف في الملعب والله افضل منه لاعب مايبحث عن الكوره لاعب مايقطع كوره واتحدى اذا شفته يقطع واذ ماتبي نواف عندك تيسير الجاسم ستين مره افضل منه حماس سرعه قتال على الكوره والأهم ؟؟ياعيني على الحراسه خوجه ؟؟؟ خوجه ياباكيتا خلصوا الحراس عندنا والله اجيب حسن العتيبي اطلق من ومرونه واشياء كثيره طيب ماتبي حسن ياخوي اجيب حارس الاتحاد والله مو فاكر اسمه بس مبدع ومرن في الباب خوجه ناكب الشباب ولا عمره كل الشباب بالسته والخمسه والاربعه الا يوم مسك لهم خوجه . والله ماراح تقنعنا ياباكيتا بوجهة نظرك لو تجلس تشرحها شهر كامل لنا ,, الله ما شفناه بالعقل عرفناه خلاص زمن الجهل ولا!! الناس كلها تعرف كوره الناس تسمع التحاليل وتقرأ كل النقاد ما أيدوك فيهم وش معنى انت مقتنع فيهم ؟ اذا هذي وجهت نظرك فياليت نشوفك في اقرب طياره رايحه للبرازيل واذا تقول منتخب شاب فعد معي الحقباني 31 سنه ياعيني على الشباب والصقري نفس الشي وحسين عبدالغني صك 33 سنه اذا بتاصل الاعمار هذي فالموجودين ماضميتهم افضل منهم خبره ومستوى وصدقوني لولا ظروف الاصابات كان ماشفتوا هوساوي الوحده اساسي ولا حسن معاذ اساسي وغيره وغيره بس الله يصبرنا والحمدالله ان الهلال تعاقد مع مدرب مو بكره نشوفه يدربي راسه عندا مع احترامي لتاريخه ,آسف على الاطاله وارجو التعليق ,,