|
المنتخب لم ولن يتأثر بغياب احد بسم الله الرحمن الرحيم استغرب من بعض أعضاء المنتدى انهم يقولون ان المنتخب تأثر بغياب فلان وعلان المنتخب لن يتأثر بغيب اي لاعب لاننا نلعب بـ 11 لاعب وليس بلاعب او لاعبين كل اللي يحمل شعار المملكة ويجتهد ويلعب ويتعب ،، يستحق ان نصفق له ومن غاب عن المنتخب نشتاق إليه ولكن فيه عشره غيره وخلونا نعطي الفرص لغيرهم من الاعبين المهضومه حقوقهم ،، وهذا باب نقاش للجميع هل بإعتقادك ان المنتخب يتأثر بغيب لاعب او لاعبين ؟؟ ملاحظة : ارجوا من الجميع التفاعل مع الموضوع (ونوما هنيئا للاطفال) |
الا انا اقول انه تاثر بغياب حسين عبدالغني |
بسم الله الرحمن الرحيم الاخ/ راؤول الخليج الغالي صالح الصقري ماقصر في المباراة مع انه كان احتياط في ناديه لكن سوى اللي عليه وله ثلاث شهور ما طق الكوره ،، الغلط منو منه من اللي اختار الاعب في هذا التوقيت وفيه كامل الموسى ممتاز ،، افضل من حسين عبدالغني بمراحل وله مستقبل طيب على العموم ،، انت صادق ،، وانا اشوف ان وجهة نظري منطقيه ،، تقبل تحياتي ابوساره |
اخوي عندنا في السعودية افضل لعيبه في الوطن العربي ولكن يحتاجون لمدرب يحسن الاختيار كلنا شفنا في لعيبه مايلعبون مع انديتهم ومنقطعين لفتره طويله ومع هذا اخذوهم ولعبوا اساسين رغم ان فيه الي جاهزين وافضل منهم فنيا بعد الشي الاساسي الي فتقده المنتخب هو القائد انت تلعب بلعيبه شباب تحتاج احد يوجهم داخل الملعب واساس القائد انو لازم تكون شخصيتة قويه على اللاعبين ويكون له احترام خاص عند اللاعبين زي النعيمه وسامي سابقا الي يعتبرون افضل من حمل شارة الكابتنيه حسين غيابه اثر فنيا ولكن تمنيت ان الكبتنيه يحملها المنتشري لانه يحمل صفات الموجه داخل الملعب خاصة في خط الدفاع وشفنا كيف كان يوجه حسن معاذ كثير والشي الثاني والي فقده المنتخب كثير الي هو مركز الحراسه مع احترامي لخوجه الى انه ليس حارس منتخب وهدف قطر والامارات اكبر دليل هدف قطر اتوقع انو واضح لكن هدف الامارات راح اشرحلك اياه لازم الحارس يكون واقف في نص الباب لان عند التسديد يصير سهل عليه الكوره سواءً جت على يمينيه والا على يساره لكن خوجه بهدف الامارات كان واقف عن القائم الايسر له وفتح الزاويه اليمين وصارت سهله لمطر وصعبه على خوجه مع ان الكوره ماكانت في زاويه كانت في نص الباب لكن خوجه ما قدر يمسكها لانها كانت بعيده اتمنى تتقبل رأي بصر رحب |
بسم الله الرحمن الرحيم الاخ الغالي / سمو الهلال الملكي اولا الف شكر لمرورك الكريم للموضوع وتقبلك للنقاش ورأيك اللي اعتبره 200% صح ،، نعم نفتقد لقائد في الملعب واغلب لعيبتنا شباب والحمدلله هذا شي نفتخر فيه لانه من بطوله لبطوله نطعم المنتخب بوجوه جديده وهذي صعبه على باقي المنتخبات الا المنتخبات اللي تجنس وضعها غير ،، بس عندي تعقيب على خوجه ،، انت قلت لازم يكون بنص الباب ،، كلامك صح لكن الفروض انه متقدم شوي عشان يضيق الزوايا على مطر لكن ما نقول الا قدر الله وما شاء فعل ،، لكن اتمنى انكم ما تقسون على لعيبتنا الشباب لانهم على طريق العالميه بإذن الله مواصفاتهم مواصفات المحترفين والله يوفقنا انشالله في كاس اسيا وهو الهدف ،، واكرر الف شكر لمرورك واهتمامك وانشالله اني ما اكون طولت عليك ،، تقبل تحياتي وفائق إحترامي اخوك ابوساره |
لنكون صريحين ولكن يوجد بعض اللاعبين مثل محمد نور كانوا احق بدخول المنتخب من غيرهم |
بسم الله الرحمن الرحيم اخوي الغالي / الزعيم عمهم كلامك صح هو لاعب وفنان وملك الوسط لكن دورة الخليج معروفة بالحساسيه والعصبيه وتبي واحد بارده اعصابه او عصبي في الملعب ومحمد نور لاعب كبير بس هو عصبي وش الفايده اذا اخذ كرت احمر من اول مباراة وانا ابي واحد كبير بلعبه وكبير بأخلاقه يقود المنتخب ويكون لاعب خبره اتمنى تعطى الفرصه حتى للاعبي دوري الدرجه الاولى والثانيه ليش لا .. وعلى العموم مرورك الكريم ورايك على العين والراس ،،، الف شكر تقبل تحياتي وفائق احترامي ابوساره |
حبيبي هذا كلام عادي إلي تقولو إنتا لاكن انا أقلك إذا إنتا مدرب البرازيل وأصيب من عندك رونالدينيو ورونالدو وكاكا وجونينهو ماراح يأثر؟ |
بسم الله الرحمن الرحيم تبي الصراحه اسرحهم تسررررررريح اللي قلتهم دام اني مدرب البرازيل تقبل تحياتي ابوساره |
هيا شفت يعني راح تتأثر ولا مو؟ |
ياخي اي فريق في العالم يتأثر في حالة غياب نجم من نجوم ويعطيك العافيه |
بسم الله الرحمن الرحيم يا بعد راسي يا فرانك ،، صدقني والله ما راح اتأثر ما دام عندي هالكم الهائل من الاعبين والانديه ،، وجهت نظرك واحترمها ،، لكن ما لقيت تضرب مثال الا البرازيل البرازيل اسهل شي عندهم تسريح النجوم ،، على العموم تشرفت في الحوار معاك واشكر فيك حس الحوار الراقي |
المنتخب ما يتأثر بغياب اللعيبه الي مالهم اي اهميه لكن في لعيبه لهم اهميه كبيرررررررررره بالمنتخب ويتأثر بالتاكيد |
بسم الله الرحمن الرحيم الاخ هذال العاطفي ،، والله لو تعطون فرصه للشباب افضل من الشيبان اللي عندنا لكن مو معناة هالكلام ان حنا نلغي عنصر الخبرة من منتخبنا ،، بس في كل الحالات المنتخب ما يتأثر بغياب احد لان كل مركز عندك فيه 20 لاعب اذا مو اكثر واتمنى انهم ياخذون فرصتهم في المنتخب الاخ زعيم 15 ،، ارجع واقول كل واحد له رايه وانا احترم رايك واقدره لانه فعلا اللي مو مهم وش يسوي جاي للمنتخب ؟؟ اذا مو مهم في ناديه اكيد ما راح يكون مهم في منتخبه لكن ما نقول الا يالله بكاس اسيا والا انتم مو معاي بهالنقطه ؟؟ |
| الوقت المعتمد في المنتدى بتوقيت جرينتش +3.
الوقت الان » 09:54 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd