|
عندكم حرامي بالبيت انتبه يطلع بدون تقهويه وتساعده. انتبه فضيحة الأمن العام (( حســب ما نشرته صحيفة الوطن اليوم 8 محرم 1428هـ)) معاقبة شاب سعودي قبض على لص داخل منزله الرياض : سمر المقرن تحول شاب سعودي من ضحية إلى مجرم عندما احتجزته الشرطة أول من أمس في الرياض وذلك بعد أن دافع عن نفسه ومنزله الذي اقتحمه 3 أشخاص بهدف السرقة. فما كان من الشاب إلا الدخول في عراك معهم نتج عنه هروب اثنين منهم بمجموعة من المجوهرات وجوازات سفر أصحاب المنزل وعدد من الأوراق الثبوتية. إلا أن الشاب صاحب المنزل مشعل المحيميد ( 21 سنة ) تمكن من القبض على الشخص الثالث في العصابة بعد عراك طويل وألحق به كسورا وجروحا في مختلف أنحاء جسمه. أفراد من شرطة الديرة حضروا إلى موقع الحادث وأحالوا المجرم إلى المستشفى لتلقي العلاج بينما احتجز صاحب المنزل حتى يتم تحويله صباح اليوم إلى هيئة التحقيق والادعاء العام للتحقيق معه بعد أن فصلت الشرطة بين قضية السرقة وقضية الضرب . وأوضح مصدر في شرطة الديرة أن القضية لن تنتهي إلا بتنازل المجرم المصاب عن حقه وبذلك سيأخذ مشعل البراءة وإن لم يتم التنازل فإن الشاب سيُعرض للمحاكمة. وأضاف المصدر أن الإجراءات القانونية لا تفرق بين سارق وصاحب منزل والقضية هي قضية اعتداء بغض النظر عن كونه يدافع عن منزله لأن هذه تعد قضية أخرى وستتم محاسبة الجناة عليها . ورفضت والدة مشعل في حديثها لـ "الوطن" هذا الإجراء وقالت "ابني سيضيع لأنه دافع عن حرمة بيتنا", وطالبت بإخلاء سبيل ابنها حيث إن كل القوانين الدولية تجيز للإنسان الدفاع عن نفسه وبيته من المعتدين. واستنكرت الأم أن يتحول مسار القضية لصالح المعتدين, مشيرة إلى أن "هذا يعني أنها ستذهب إلى المجرم لتستعطفه وتجعله يصفح عن ابنها وهذا بحد ذاته إجراء يشجع السارقين على مزيد من الاعتداءات طالما القانون يكفل لهم الأمان". يازمن العجائب الله يحفظنا |
اقول مره انصرق من عند بابنا موتر رحنا نبلغ قالي دوره انت والله ملوم الشباب يصرقوون مداام مافيه قوانين تمنعهم المفروض يقصوون يعديهم عشاان يتادبوون اجل بالله وااحد موقف يصلي يطلع مايلقى سيارته يشوفهم يفحطون بها يمسكون اللي صارقه سجن يوم ويطلع الييوم الثااني بكفااله والله العظييم اشياء تقهرررررر من جد انا مره في دوله ماهي عربيه ولا هي اسلاميه كنا في السنماء وضاعت شنطة الوالده لما رجعنا السوق الييوم الثااني رجعنا للسوق ورحنا للمنات مدري شنهي وقالو والله الشنطه مهيب عندنا كان جواء الشنطه مبلغ مالي وجوال واشياء مهمه قلنا اكيد انا نسينها بالسنماء ورحنا لقاعة السنماء وسالنا العمال وكانت جنسياتهم من شرق اسياء اللي عيونهم ضوااق ومافيهم خشووم الحمدالله ياربي وقلناله وقال ايه عندي بس عطني مواصفات الشنطه ولما قلناله قام يهاوشنا يقول اشلون تنسون شنطه وفهيا مبلغ بالقيمة هذي وعطناها ولما جينا بنبخششه قال لالا هذا واجبي وهذا عملي ورفض ياخذ بخشيش شوفو الكاافر وش يسوي والمسلم وش يسوي والله شي يقهررررررررر |
اول نتطنز بالغرب طلعنا ازفت منهم وارحين راعي البيت هو المجني عليه لكن حسبي الله ونعم الوكيل |
غريبه والله !! الضحيه صار مجرم وش هالقانون اللي طلعوه !كل الدول في العالم اي شخص يحق له يدافع عن نفسه وعن اي شي له حتى ولو قتل , الله يكون في عونه |
سبحان الله ... زمان عجااااااااااااااااااب .. مايبيني محامي له ؟؟! انتهى , , , |
^ ^ ^ عزوز وش هالتخريب هذا انا قسم قانون وانا اللي بمسك القضية خخخخخخخخ |
هامور البورصه,, عزيزالازرق,,سفيرالزعيم,,ابو ندى الهلالي شكرا للمرور لكن تدرون وش المشكله ان الدوله بوضع انفلات امني والمسؤولين ماهم معترفين بهالكلام يعني مأمنين أنفسهم والمواطنين بصــــــقر....... |
مهــــــزلـــه |
طيب .. وإذا راح الحرامي واشتكاني لأني ما أحسنت استقباله ولا أكرمته ..ممكن يطولني شيء وإلا لا ..:eek: :rolleyes: والله من جد مهزلة ..!! أجل الحرامي لازم يتنازل لأنه راعي البيت ضاربه ..:confused: مشكلة الأمن عندنا إن أفراده - مع احترامي لهم - من أقل المجتمع تعليم وثقافة وهو السبب في تدني الأمن عندنا ..!! طبعا باستثناء الضباط اللي دورهم يقتصر على المكاتب فقط ..!! إقتباس:
كانت بمطعم ..ونسينا كيس معنا فيه أغراض ..وبعد ما السوق كله قفل تذكرنا الكيس ولافيه إلا المطعم اللي توقعنا إنه موجود فيه ..رحت للمطعم ولقيته مقفل لكن فيه عامل ينظف الطاولات ..سألته عن الكيس ..راح وجابه لي ..:) حتى في رحلتي كان معي لاب توب وكاميرا ..كانت موجودة في السيارة باستمرار بالخلف ..ولا فيه أي مشاكل أو سبب لي أي قلق ..:) لكن لو إني في الرياض ما أخلي ولا ( قوطي بيبسي ) لأنه ممكن تكسر سيارتي عشانه ..:upset: ما نقول إلا الله يصلح الحال .. ونشوف النظام يطبق على الجميع وتوقف هالمهازل اللي تصير ..:) شكرا لك أخوي على الموضوع ..:) |
سبحان الله الحين حرامي يسرقني واخليه؟ لاحول الله وينك يا مدير الامن يا قحطاني؟ |
هلا بالرّحال الأزرق:) والله مشكله !! يعني اذا دخل بيتنا حرامي أقول له اطلع يا بايخ عيب عليك روعتنا:D صدق مهزله:mad: |
وسع صدرك أخوي إنصرقت سيارته قالو له دورها وإذا لقيتها تعال بلغنا .. |
ضربني وبكى سبقني واشتكى ,, والله خوش خله يدو ويخاذ الي يبي ولا ترا بنسجنكـ |
خيييييييييييرررر!!!!!! والله لو قتله ماعليه شي لانو قاعد يدافع عن نفسو والله حاله! |
هلا وغلا اخوي الغالي الرحال الازرق ... قيل شر البلية ما يضحك ... اللحين منجد ذولا وش يبون الواحد يسوي يقول للحرامي كخ ياشاطر لاتمد يدك على شي مولك !! والا يدق عليهم وينتظرهم لين يجون اليوم الثاني والحرامي أمداه واصل القطب المتجمد :D ما نقووول الا الله يستر علينا ويرحمن برحمته ... دمت بخير وعافية اخوي رحال ,,, |
| الوقت المعتمد في المنتدى بتوقيت جرينتش +3.
الوقت الان » 05:48 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd