|
منظر أساءني كثيرا في سوبرماركت بنده وفي وقت من الليل رايح اشتري لي ببسي توني ماكل لحم:D المهم رايح عند المحاسب الا وشوف الشغاله الفلبينه ومعها ولد يمكن عمره 10 سنوات وبنت 4 سنوات تقريبا قاعده تسالهم وش تبون وتحاسب والله اني قفلت معي وقلت للمحاسب وش رايك بهالمهزله قال احمد ربك حاسبت انا وطلعت الا واشوف الفلبينيه ومعها العيال وركبت مع السواق والمشكله الكبرى ان الام كانت موجوده مع السواق يعني هل الام قاعده مع السواق لحالها وتاركه عيالها مع وحده فلبينيه ماتدري وش وراها هل امنت الام هذه الخادمه يعني ولد عمره عشر سنوات مايقدر يزلل ويشتري لحاله او مع السواق والله ان فيه ناس بايعين عيالهم الله يعافيهم ولا يبلانا حبيت اكتب هذا الموضوع لانه قهرني وشكرا |
عاشق الزعيم : لو تدري ان فيه عوايل اذا ولدت الام ورضعت ولدها سنتين .. تبدأ بعد ذلك مهمة الشغالة في التربية والحوادث كثيرة نسمع بها ... وماخفي كان اعظم وسع صدرك |
يكمن تبي تزرع الإعتماد على النفس في نفوس أطفالها .. عاشق الزعيم 77 لا تشيل هم ولايضيق صدرك ... اللي بيناظر الناس بيموت بهمه .. وجزاك الله خير .. |
خطأ املائي دمااار ما أدري بس الصراحه جان الضحك:D :D وأنت وشوله تروح تشري ببس من بنده؟؟:mad: لو تروح لحدا هالمكتبات ولا محل مفاتيح تلقى عندهم ثلاجة ببس:yes: والله وانا اخوك السواويق والخدم حنا فاهمين شغلتهم غلط ، والاب والام من تالي مهوب يربون عيالهم وتاركين الشغله لماري وسكينه وشلتهن:D تشكراااتي لك ،، وعااادي تراي أحياناً أطب صاروخ;) |
للاســـــــف هذا حال الكثير من الناس الله يعافيهم ولا يبلانا |
ياخي يمكن أم هالاولاد مكسوره رجلها :d أو أنها مزكمه وماتبي تمشي <---!!!!!؟ |
أرحم من أن تكون الشغالة هي من تربي الإبن أو البنت ,, عموما الله يصلح الحال أيضا زين الأم ركبت مع العيال مب زي ما نشوف دايم ,,, الي شفت انا بنت عمرها حول 11 سنة , وراكبة مع سواق هندي و شغالة فلبينية ,, وش يضمن ما يخطفهم السواق كلهم؟ |
صرااحه اشوف الموقف عاادي انا قلت الفلبينيه صارقتهم جايه على تاكسي وسع صدررك يارجاال ومثل ماقال كلي هلالي امكن الام منكسره او مزكمه حلوه مزكمه |
الله لا يبلانا صرا كل شي على الخدامات حتى الاكل صاروا بعض العوائل يخلون الخدامات يصلحونه ويربون عيالهم بعد مشكور اخوي وبشوف اكثر بعد لاتستغرب |
إقتباس:
((( من تتبع الناس مات هما ))) |
مشكووورين على الردود الرهيبة |
أعــرف لك وحده جايبه مربيه لولدها اللي مابعد ولدته قلي شلوون قلت لي وشلون هي الحين بالشهر السابع وجايبتها تاتدخلها لدورة رعاية البيبيات تقول مابي حي الله مربيه تدرب على ولدي طيب ربي انتي يامال الكسار مافيها الا العافيه ماهمها الا السير والسراء وشوله تبزرين وتجيبين عيال اذا مانتي مربيتهم وتعبانه عليهم !!!! الشرهه مهيب عليها على رجلها اللي مطاوعها حريم ورجال اخر زمن |
هذولا هاي هاي |
مع احترامي لنساء هذا الجيل ماعاد عندهم اي احساس بالمسؤولية تلقى الام تحط عيالها مع الشغالة وانا اعرف عائلة عندهم شغالتين وحده تقوم بهام البيت والثانية تقوم بهام الاطفال والله قهر اجل الحريم وش بيكون دورهم لكن اضل اقول الحمد لله على كل خال والله يستر لين اعرسنا واتمنى انها تكره شي اسمه شغاله ومشكور على الطرح المتميز |
ياشيخ عادي . تدري يوم اني صغيره كنت اطلع واروح اتمشى واجيب واشري بس بدون الشغاله ولا ابعد بالحيل يعني البقاله ابو ريالين وارجع . ويوم كبرت قفلوا علي :p وهذا يووم كنت صغيره يعني كم سنه فرق عن الحين ؟ < طلعت الفضايح بس ترى هذا كانت ايام طيش الطفوله :rolleyes: ( فيس ناقد على نفسه قبل ) من كثر مانشوف زي هـالمواقف صرنا نحسه طبيعي :p |
الله يعطيك العافية على حرصك .. انا معك ان فيه أمهات .. تخلوا كليا عن واجبهم انا ما اقول عن مهمة .. لأن الأم مو قاعده تقدم عمل عشان اقول مهمتها .. هذا شيء غريزي في الأم انها تكون أشد حرص وانتباه على أطفالها خصوصاً في زمنا هذا .. احيانا تحصل ظروف تمنع الأم من ذهابها مع اطفالها ..طيب فيه شيء مهم تبدينه على أهم .. مولازم يطلعون العيال اليوم يترفهون دامك ماتقدرين تكونين معهم تضيق صدورهم ساعه ولا يضيق صدرك عليهم طول العمر .. معليش ضحي وهم يضحون في سبيل سعادتكم جميعاً .. يعني الأطفال .. مايدركون خطورة الذهاب مع السواق والشغالة .. العمالة هالحين صارو يشكلون خطر كبير . ممكن يكون السواق او الشغاله شايلين على خاطرهم من اصحاب البيت واسرع واسهل واقوى وسيلة لقهرهم هم اطفالهم .. فليه نسلم لهم انفسنا ..!!! انا ما اقول الشغاله وجودها خطاء .. لكن وجودها لشغلها وبس اللي هو التنظيف .. مو رعاية اطفالنا الان اصبحت لهجة الاطفال ..تشابه لهجة الشغالة اللي يقعدون معها !! ومع هذا لايمنع ان فيه امهات عندهم شغالات في البيت لكن في تربية اطفالهم ماشاء الله تبارك الله احسن منهم مافيه الله يصلح حال الجميع ان شاء الله .. . |
. عش رجبا ترى عجبا .. فيه امهات بالاسم .. ولا بالحقيقه الشغالات هن الكل بالكل .. تعرف وش يحب الولد وش ياكل وش لبسه وش اهتماماته الى اخره .. وعقب هذا ماتبيها تنزل تقضى له .. اصلا الولد يرتاح مع الشغاله اكثر لانه يشوووفها معه دايم .. وانا ارفض هالشئ .. بس هذي فئه موجوده الله يعافيهم ولاتبلانا .. وهالشغالات مهما كان ماينوووومنن .. والله يحفظنا وياكم من كل شر .. يعطيك العافيه اخوي .. . |
الله لا يبلانا |
هلا وغلا اخوي عاشق الزعيم .... تصدق ان في كبار الى يومك الخدامة هي اللي تهتم فيهم !! من جد شي يقهر ... دمت بخير وعافية ,,, |
مساء الخير ,,,, الله المستعان!! وش نقول بس... !؟! صحيح الواحد المفروض ما يعمم.. لأن فيه ناس ظروفهم يمكن فعلا ما تسمح لهم التواجد دائما مع ابناءهم.. لكن العتب على اللي فاضين.. لكن مو فاضين لعيالهم!! واقصد الأمهات والآباء... والله انا نسمع ونشوف اشياء.. تدمع لها العيون!! يقول رسول الله صلى الله عليه وسلم: ((كلكم راع وكل راع مسؤول عن رعيته))... أين هؤلاء من قول رسول الله... يظن بعض الآباء والأمهات ان الواجب عليهم هو الأكل والشرب.. و"هواش" علشان المدرسة فقط!! ألا يعلمون أن حقوق ابناءهم أكثر وأكبر بكثير... حتى أن اختيار الاسم المقبول أو الجميل من حق الابن... ؟! فكيف بحق التربية وحق النصح وحق.. وحق... ؟!؟! إقتباس:
_________________ اقف إلى هنا... شاكرة جدا طرح مثل هذا الموضوع!! تحيه |
والله يا اخوي اشوف الأمر عادي ,, فيه قصص من جد يشيب لها الراس أعظم من هذي القصة ,, لكن هنا لو لاحظت الأم متواجده معهم وفي السيارة يعني ما خلتهم يروحون لحالهم ,, مرة شفت شغالتين وسواق مع بنتين وولد , الولد صغير يمكن عمره سنة ونص , البنتين وحده شكل عمرها 3 سنوات والثانية شكل عمرها 6 سنوات ,, إلى الآن عادي لأن كثير يرسلون بزرانهم مع الشغالات , لكن إلي قهرني ورفع ضغطي ,, إن الشغالات قاعدات مع الولد الصغير في المطعم والسواق هو إلي يلعب البنيات ويشيل في الصغيرة ويحبب فيها ,,؟!!! عاد بسم بالله عليهم يهبلون ,, ويوم رجع للشغالات عشان يعشون البزارين ,, هو إلي كان يعشي البنيات ؟!! بصراحة انقهرت مرررة :( ,, |
لاتدققون ترى بتتعبون ياكثر هالتصرفات الحريم صارن دلوعات مشكوووور |
مشكوووورين اخواني على الردود |
يا اخوي علشانك طيب تحسب الناس كلهم طيبين مثلك ومتربين صح والله لو تسمع قصص ان تموت من القهر |
| الوقت المعتمد في المنتدى بتوقيت جرينتش +3.
الوقت الان » 12:53 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd