بعد مباراة قطر هل تؤيد بقاء باكيتا ام ابعاده ؟ - نادي الهلال السعودي - شبكة الزعيم

shl-10-hob · #1 22/01/2007, 01:04 PM

السلام عليكم

بخش بالموضوع بشكل سريع ومباشر

بصراحة شفنا اخر مبارتين للمنتخب

الي مع البحرين كان مستوى المنتخب سيئ لدرجة لا يحسد عليها

فريق مطرود منه لاعبين ولا حنا قادرين ندخل قول الى في اخر دقايق ؟؟؟

وانا اقول هذا كله بسبب اختيار باكيتا لللاعبين ليس بمستوى المنتخب ولا تغيراته الغير موفقة ابدا

فمثلا الحارس خوجة ؟؟ الدعيع ليه ما دخله وهو موجود ؟ وهدف قطر كان بسبب خوجة

والصقري ليه يختاره وهناك كامل الموسى لاعب ممتاز انا مو متاكد انه موجود في التشكيلة بس لو موجود ليه ما لعبه امس والصقري كورة ما يعرف يثبت حتى الاتحاد ما يلعبونه ( توه راجع من اصابة )

ولا تغيراته الي مالها لزوم زي مالك في مباراة البحرين

ولا الشلهوب في مباراة قطر ؟

وغيرها الكثير

تصرفات غريبة

وانا عن نفسي اقول عن مباراة البحرين كيف فزنا مدري لا مجهود من لاعبين ومدرب

اما قطر فالمباراة برايي مجهود من الاعبين لا اكثر

تحيااتي لكم

وبالتوفيق يالاخضر

الــ حمود ــهــلالــي · #2 22/01/2007, 01:09 PM

أنا أؤيد بقاءه لان بقاءه في صالح المنتخب برضه عشان يكون فيه عملية انسجام ومعرفة لكيفية طريقة المدرب أما بسبب خسارة وتبديل المدرب تلو المدرب فراح يشتت ذهن اللعيبة

القـــنـــ 20 ـــاصـ · #3 22/01/2007, 01:37 PM

انا معاك باللي انت كتبته..بخصوص بعض الاخطاء..

لكن يخوي مع احترامي لك الكلام هذا مهوب وقته ..

لازم نكون يد وحدة مع منتخبنا ..

وبعد نهاية البطولة نتناقش..

وبعدين لو سمحت مرة ثانية اذا جيت تكتب موضوع كبر خط الكتابة .. ترا عيوني راحت

فيها...

...الاختلاف في الرأي لا يفسد للود قضية...

أنا هلالي ودمي ازرق · #4 22/01/2007, 01:41 PM

من رايي انا ان باكيتا يصلح للمنتخب في الفتره الحالييه اما للمستقبل لا والف لا
ومشكور اخوووي

المتعصب نت · #5 23/01/2007, 12:28 PM

اوايد بقاءه

ابومحمد99 · #6 22/01/2007, 11:49 PM

اوايد بقاءه

البرقااااوي · #7 23/01/2007, 01:16 AM

ياعالم ياناس باكيتا افضل مدرب يقرا المباريات واللي يثبت انظر مستوى المنتخب الشوط الثاني تلقهاه افضل من الشوط الأول يعرف يسوي تكتيك ومفجأة الخصم دائما لكن صدقوني الصحافه اللي تبي تقيل باكيتا هاذي صحافة اندية لاعبينهم مو اساسيين ويبون ويلحون على اقالته واحضار مدرب ثاني والمشكلة اذا جا مدرب ثاني بيسوي مثل باكيتا ومتاكد مو ملعب لاعبينهم بعد وبيرجع نفس السيناريوا وبترجع الصحافه مره ثانيه يعني بالاصح يازيد ليتك ماغزيت بس

التمياط 999 · #8 23/01/2007, 01:27 AM

مشكور اخوي

بالنسبه لباكيتا انا أعتقد انه من افضل المدربين للكره السعودية

وانا استغرب من المحللين والاعلام باكيتا فعل وباكيتا اخطاء في اخراج مالك ضد البحرين

انا ابسألكم من دخل بدال مالك ضد البحرين صالح بشير من افضل المهاجمين في

الأونه الاخيره وبعدين البحرين كانت مرشحه اولى للفوز على منتخبنا

ولكن باكيتا حتى قبل الطرد احرج البحرين ولم يفعلو شيء داخل الملعب واضطرو للخشونه للحد

من خطورة المنتخب

وضد قطر ماهو الا سوء حض والا فاز باكيتا باربعه

وشكرا..........

آحيــ هـ · #9 23/01/2007, 01:31 AM

اتمنى يبقا مع المنتخب ...

أبوالياس · #10 23/01/2007, 01:31 AM

أمنى إقالته لكن يبقى في كأس الخليج ثم يرحل ..

كفانا تخبطات ...

خاصة في التبديلات غير ناجح ابدا ..

حبي ازرق · #11 23/01/2007, 01:43 AM

والله باكيتا ماعليه بس احيانا يطلع بطلعاااات غريبة مو في صالح المباراة ابداااا 000بس البركة في اللاعبين
وتغيييره في هالوقت بالذات مارح يدعم المنتخب في شي 000
فلذالك الابقاء عليه افضل

بو نجم · #12 23/01/2007, 08:55 AM

اوايد بقاءه

كـلـك نـظـر ! · #13 23/01/2007, 09:13 AM

انا اتمنى ماشوف مثل هالمواضيع

باكيتا ان شاء الله يستمر مع المنتخب لكاس العالم 2010

المدرب مايقدر يسوي شي والناس كلها ضده وكل واحد يبيه يجامل لاعبين فريقه

الله يعينه عليكم وعلى الصحفيين

سور الهلال العظيم · #14 23/01/2007, 09:16 AM

مثل ماصبر عليه الهلال لابد ان يصبر عليه المنتخب

almo7y6 · #15 23/01/2007, 09:23 AM

أول شيء لازم تراعي أنه فيه ناس شوفهم شجر (مثلي) ياليت تخلي اخط أوضح
ثاني شيء باكيتا ممتاز وهو قاعد يرسم لكاس آسيا ياليت انه يستمر الى بعد كاس آسيا