للأسف جميع جماهير العالم والخليجيه تطور الى جمهورنا السعودي راح يضل على جهله!!
ياخوان ترى التشجيع موب حكر على فئه معينه وخصوصا اذا كانت بلده مستضيفه غير السعودية تستضيف بملاعبها كل الفئات والجنس مدري يعني وش تبون بصراحه!!
شياب ورجال يدخلون يشجعون فقط ولا يالبنات يدخلون بعباياتهم ومتحجبات وببراقعهم ويجلسون بالزاويه ويشجعون لاصوت ولاصراخ!!
تراهم داخلين ملعب للتسليه والترفيه عن النفس موب داخلين مسجد علشان يتسترون كامل والي طلعوا هذول موب ضروري انهم سعوديات ولو حتى كانوا سعوديات هي وقفت عليهم حتى يهجم عليهم هذا الهجوم!!!
ياما سعوديات يمشون بدون عبايات ان كانوا بدبي ولا بالخليج عامه ان كانوا بالشوارع العامه ولا المراكز يعني هي وقفت على البنات الي يشجعون!!وبعدين ياما ناس جالسين مع الجمهور السعودي وهم موب سعودين او سعوديات يشجعون وهذا اذا دل يدل على ان المنتخب السعودي عنده شعبيه والكل يتمنى له الفوز ولاكن احنا للأسف احنا تفكيرنا دائما متأخر ولاعمره راح يتقدم بسبب هالتفكير ياما مشجعات كويتيات تواجدوا مع منتخبهم بالملاعب وياما بحرينيات تواجدوا مع منتخباتهم وياما عراقيات تواجدوا مع منتخباتهم وياما عمانيات تواجدوا مع منتخباتهم وماشفنا سخط وسب عليهم وانتم لما تواجدوا فئه من البنات بالملعب ولقوها فرصه انهم يشجعون المنتخب اقمتوا الدنيا واقعدتوموها وماخليتوا وصف غير لائق الا وحطيتوها فيهم على كذا كل بنت ماهي متحجبه وحتى ولو كانت مسلمه بالعالم هي فيها ولا مايخطيها!!! ياعالم ترى مو المهم الاشياء الخارجيه الاهم الاشياء الداخليه ولاكن وين الناس المتطوره والي تفهم معنى التشجيع
وصدقوني انا اعتراضي على الهجوم الي شفته على المشجعات والقذف والكلام الي مايطلعه الا جهله وكأنه يعلم مافي قلوب او نيه هالمشجعات بل لمجرد شاف بنات يشجعون المنتخب لااكثر!!!
لاوالادهى لما شخص يرد ويقول هذي لاتمثل السعوديه ليش هو كل واحد جاء يشجع منتخب ولانادي يمثل المنتخب الي يشجعه ويطلع هو عماني ولا كويتي غصب!!
جميع الي حضروا وشجعوا المنتخب لم يمثلون المنتخب بشي بل ناس اتوا وشجعوا الفريق الي عجبهم لااكثر والدليل ماخبرت احد كتب على التذاكر التشجع للسعوديين فقط؟!!!اذا كتبوا هذا الكلام على التذاكر ذيك الساعه تعال وسب البنات الي حضروا المباراه ولاغير كذا مالك حق تسبهم وتقذف فيهم وكأنهم داخلين اماكن مشبوهه مو داخلين يشجعون الفريق الي يعجبهم لمده ساعتين ونص وتروح بل ارتكبت جرم عظيم يحتاج الى القتل وسفك الدماء والتعدي الى شرفهم!! ولاكن للأسف متى راح نفهم!!!!

السفيه الي يرد او يتكلم بشي عن شي وهو مافهم المقصد كامل والمقصد انتي ولاغيرك
انا مقصدي من الموضوع القذف الي يتعرضوله البنات الي حضروا وهذا بحد ذاته حرام لان الواحد يحكم على الاشياء الداخليه مو الخارجيه واذا على الحجاب موضوعي يتحدث عن اعتراض الكثير ليش البنات يشجعون السعودية بالملعب مو قصة الحجاب وهذا سبب موضوعي لان الي شفته الاعتراض ليش البنات شجعون السعوديه مو قصه هي قصه حجاب

الرسالة الأصلية كتبت بواسطة abooOoodi (مشاركة 4598844) يا اخي الكريم انت تدعو الى الانحلال الاخلاقي وهذا لا نرضاه ابدا ولن نرضاه مادمنا متمسكين بالدين وانت وامثالك ممن يدعون الى سفور المرأه يحاولون ان يخرجوها لكي تصبح فريسه سهلة لك ولأمثالك من التماسيح الذين يسيرون خلف شهواتهم كالبهائم وانا اكاد اجزم لو ان احد قال لك هل ستذهب اختك للملعب لتشاهد مبراة لفريق معين ؟؟ انك سوف تقتله وتمزقه . ناهيك عن ان هذا الامر مخالف للشريعه الاسلامية