طيب ليش منتب راضي تصدق؟ عشانهن كاشفات يعني؟
طيب عندك رانيا الباز سعودية وهي مذيعة بالمستقبل.سعودية والا لا؟
عندك الدكتورة هند الخثيلة كاشفة،وأبوها من مشايخ عتيبة وحارب مع الملك عبدالعزيز بعد.
عندك الدكتورة سلوى الهزاع كاشفة وصورها بأمريكا بدون غطاء راس حتى.
وعندك المغنية سارا الغامدي وهي معروفة.
وعندك نادين البدير مذيعة الحرة ما تتغطى.
وعندك مرام مكاوي الكاتبة بجريدة الوطن محجبة بدون غطاء وجه.
وعندك مذيعة mbc3 دانيا الشافعي كاشفة بدون غطاء رأس وحضرت لمباراة البحرين وشجعت بالملعب.
يا أخي أنتم ما تفهمون؟
كل قبيلة بالسعودية فيها مغطيات وفيها محجبات وفيها سافرات.
هذا ما له علاقة بأصل الوحده.وأسأل الطلاب السعوديين اللي يدرسون برا وهم يعلمونك.
كل دولة لها مشجعات وصورهن موجودة والقنوات الفضائية سوت معهن مقابلات.
خاف ربك يا أخي تحلف بالله العظيم وأنت كاذب.
هي مشجعة وحده والا ثنتين اللي حنا نتكلم عنهن؟
شف هالصورة لجزء صغير من أحد المدرجات
عدهن.هذولا ثمان بنات.تتوقع ما فيه غيرهن بالملعب كله!!
كل شعب وكل قبيلة فيهم الطيب وفيهم العادي وفيهم السيء.
إذا أنت تحسب إن (كل السعوديات) يغطون فأنصحك تسافر برا على أول طيارة عشان تغير رأيك.
هذولا مواطنات منا وفينا.كونك تستعر منهن فهذي مشكلتك.أما إنك تشكك بوطنيتهم وتطعنهن
بشرفهن عشانهم حضروا مباراة كورة فاسمحلي أنت إنسان مريض ولازم تتعالج.
طيب هالبنات اللي يطلعون مع الشباب بالرياض وترقيم وتدييت هذولا موب سعوديات بعد!!
وإلا عشانهن يتغطن يالمسكين؟
قذف المحصنات من الكبائر وأنا أخوك.والحلف بالله العظيم ما تخليه علك بإثمك تقوله وأنت منتب على بينة.
ما يجوزلك ولا لأي أحد أنه يرميهم بالزنا لأنهم يكشفون وجيههم.خافوا ربكم يا أخي.
ترى قذف المحصنات أسوأ من الزنا ومن شرب الخمر.على بالكم رمي الناس بالباطل سهل!
الوضع العادي
