|
إخراج متقصدنا + الغباء والتخبط الباكيتي يتجدد السلام عليكم ورحمة الله وبركاته ،، بصراحة انا استغرب من هالاخراج !!!!!! كل ما جت لقطة على جمهور السعودية بتكون بنات ابدا ابد ابدا ما شفت اي صورة او اي لقطة للجمهور السعودي وتكون خالية من البنات .. وبالمقابل يجيب لقطة على جمهور قطر كلهم رجال كأن جمهور السعودية ما فيه رجال وجمهور قطر ما فيه بنات .. على فكرة هذا السيناريو نفسه كان في مباراة البحرين !!!!! هذا شيء والشيء الثاني البنات اللي طلعوا باين انهم ماهن سعوديات حتى لو كانوا سعوديات ليه التسليط المتكرر عليهم وباقي الجمهور ما يجيب اي لقطة عليهم !!!!!!! نجي للأهم وهو مستر باكيتا .. آآه يا باكيتا .. بصراحه بيني وبينكم انا ما ادري يوم اقول احسن مدرب ويوم اقول فااااشل يعني انا بنفسي متعاااارض .. ما ادري بس اليوم بصراحه اكيد انه رفع ضغطكم مثل ما رفع ضغطي ،، كلنا شفنا الشلهوب الشوط الاول ما شاء الله عليه باسات حلوه واوفر راااائع وبينيات حلوه مررررره يعني افضل من المباراة الاولى بمراااحل ومع ذلك يطلعه ويدخل القحطاني اللي بصراحه من دخل والفريق تعبان خصوصا الوسط ،، تغيير امين كان ممتاز وتوقعت بنضغط اكثر بس ما ادري ايش صااار .. بالنسبة لخوجه بصراحه المباراة الاولى والثانية ما اٌختبر وباين عليه انه فاااشل واي كورة تجيه احط يدي على قلبي خصوصا بالرفعات .... على العموم هارد لك ( لنا ) التعادل اللي بمثابة الهزيمة لأن بصراحه اللعب كان كله على مرمى واحد ولو عرف ياسر ومالك يستغلون الهجمات يمدينا الحين 4 او 3 على الاقل لكن ما نقول غير الحمد لله على كل حال وقدر الله وما شاء فعل :) |
والله الشلهووب كان تايه شوي ....... قدم مستوى لابأس فيه ولكن مهمته الاساسيه ماانفذها نبي لاعب وسط يحذف الكوور على المهاجمين ولاشفنا ولاكوره من الشلهوب بالطريقه هذي بس يالله خيرها بغيرها ياشلهوب والجاي افضل |
اشكرك على تعليقك ومرورك اخي ولو اني اخالفك في هالنقطه اللي تخص الشلهوب .. شوف هو يمكن الشلهوب اربكه التبادل اللي يصير بينه وبين عطيف |
باكيتا ما قصر ولعب بهجوم متوازن والفرق الخليجية مش جديده علينا باللعب بالطرق الدفاعية العقيمة اللاعبين ما قصروا والمنتخب جديد بتشكيلته الحالية , وجالس يقدم صوره جميلة بالنسبة لحداثة سن تشكيل المنتخب هذا هو الموجود من اللاعبين فرجائي لا تقسوا لا على اللاعبين ولا على باكيتا جالسين نقدم مستويات ممتازة وقلب للنتائج , امام فرق ما زالت متخلفة في لعبها قدامنا , ما زال البحرين وقطر بعقلية الثمانينات بالطرق الدفاعية والتكتل , هذا مهب كرة قدم , والشباب يبينون انهم يلعبون بعقلية هادئة واحترافية , ومن خلفهم مدرب قدير ارجو ان لا يزيد الغباء الاعلامي على باكيتا , لن نجد افضل منه حاليا , هو افضل مدرب في العصر الحالي على المنتخب , ونحن محظوظين انه معنا سترون المنتخب والمستوى الحقيقي امام المنتخب العراقي ليس فقط لان الانسجام سيتطور بل لان المنتخب العراقي يلعب بعقلية مفتوحة وسيحرص على اللعب الهجومي وهو ما سيساعدنا على تقديم الطريقة الامتع لا تجنوا على المنتخب وباكيتا لا تضغطوا على الاتحاد السعودي لاقالة باكيتا باكيتا ممتاز ممتاز ممتاز من صنع الهلال الحالي ومن اتعب من بعده في الهلال , باكيتا واقعي ويهتم بالنتيجة وذكي وسنخسر كثيرا بخسارتنا باكيتا يجب ان يستمر باكيتا وحتى نهاية اسيا 2010 فرجاء اتركوا باكيتا لوحده , ولننتظر حتى الاربعاء |
باكيتا كان ممتاز وهو مدرب ذكي وخروج الشلهوب لانه ارهق في الشوط الاول ونص الشوط الثاني فيغيره افضل وبتوفيق للمنتخب |
عبده عطيف صراحة مبدع وهو أفضل لاعب ظهر حتى الآن في المنتخب. |
لو ترك الشلهوب يلعب عشر دقايق كمان كان شفتوا الشلهوب طايح من الأجهاد لا احد يقول لي عنده لياقة الاعب مهما كان له حد معين والشلهوب كان طول الوقت يركض يعني ماريح شوية او وقف ماشاء الله علية لو فية احصائية للمباراة كان شفتو الشلهوب اكثر واحد ركض من قولهم للقول الثاني انسان متفاني ولله انه ماقصر ولاتاه في الملعب لاعب يعطيك في الملعب ماشاء الله |
والله باكيتا منزمان غـبـي!! |
طيب مافيه بنات من جمهور قطر .. واكيد صور بيشوف بنات اكيد بيطلعهم وهذا يعكس على السعوديه .. ويقولون هذول بناتكم اللي مزعجينا فيهم بنات السعوديه افهم افهم المقصود .. وبالنسبه لباكيتا مااشوف فيه الشئ البلا في لاعبينكم .. اللي مدري الارتباك هذا على ايش وياقلب لاتحزن بس .. ومباراة العراق انا ارشح العراق اللي بتفوز .. لانه افضل مستوى مع احترامي للمنتخب |
الدفاع كان مرتبك من بداية المباراة والهدف المبكر سبب عدم توازن في المنتخب وعطيف والشلهوب لم يقوموا بادوارهم لكن نسبيا عطيف افضل لان الشلهوب يمشي بالكورة ويطالع وراءه يخاف من الاعاقة وتمريراته اغلبها خاطئه او للحارس الشوط الثاني تحسن الاداء نسبيا ولكن المباراة كوم والصقري كوم رغم انمستواه متوسط الا انه كان يعاب عليه ارجاع الكرة للخلف بكثرة اتمنى المباراة القادمة قلبي دفاع ماجد العمري واسامه هوساوي وكامل الموسى ظهيرايسر وحسن معاذ يمين خالد عزيز وكريري محاور تيسير الجاسم محمد امين الشلهوب مالك معاذ في الهجوم |
و عليكم السلام و رحمة الله و بركاتة ,, نحمد ربنا على تعادل العراق و بالتوفيق بالمباراة القادمة و كان ودنا نرتاح من الان لكن ما الله اراد .. مالك مــُــعاذ ,, ابفهم وش سوا عشان كل شوي يجي واحد و يمدح فيه ؟! بالعكس كان مستواه سيء .. ضيع اهداف و سجل هدف ! الكور ما يعرف يثبتها ما يعرف يتخلص من الرقابة ما يعرف ينـاول .. صراحه مدري وش فيه مالك اليومـ ,, و نفس الكلام بالمباراة اللي قبل ,, ياسر كنا ننتظر منك اكثر من كـذا ,, و يا ليت انه ما يناول على طول ,, حنا ما نصدق يمسك الكورة الا على طول ينــاول ,, يا ليت يعدي و يستخدم مهاراته الفردية ,, الامبراطورة الهلالية ,, وش تقصدين لاني ما فهمت شي من كلامك ؟! السلام عليكمـ ,, التسسناري |
الله يرحم أيام كالديرون |
| الوقت المعتمد في المنتدى بتوقيت جرينتش +3.
الوقت الان » 10:03 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd