سامى الجابر والجحود . ابوسلطان لاتخسر مابنيته
 

سلاااااااااااااااااااااااااااااااااااااااااااام

مادرى من وين ابدى وكيف ابدى اليوم بدخل الموقع على اساس اتوقع اقرى خبر التعاقد مع اللاعب الفلانى والمدرب واتفاجأ كغيرى بخير اعتزال الاسطوره وان صح هالشى فهو اقدر اسميه كارثه بحقنا وبحق الاداره وبحق كل منتمى للكيان الازرق ايعقل ان تكون نهايه السام بهالشكل لا والف لا
سامى لو تبى عيوننا فدوه لك لو تبى عمرنا فدوه لك لو تبى جسدنا فدوه لك سامى اقسم بالله العضيم انى ماتعلمت معنى عشق النجوم الا عن طريقك انت اقسم بالله انى ماعرفت طعم النصر والبطولات الا معاك انت سامى يدى تعجز ولسانى ايضا سامى كل الى اقدر اقوله انت امر واحنا نطامر سامى مذا يرضيك سامى ماذا يكفيك سامى لو الامر بيدى اعطيتك ماستطعت سامى اتعلم اننا منك وانت منا سامى اتعلم انا لاطعم للكوره من بعدك سامى اتعلم انه لافرح بعدك سامى اتعلم ان كاس اسيا تنتضرك لتلمس يداك فلاتخذلنا وتخذلها سامى اتعلم انه لاابالغ انه اسوء خبر قريته قرار اعتزالك سامى مادرى شقول سامى كل الى ابى اقوله تكفى لا تعتزل اقسم بالله وجود اسمك بحد ذاته راحه لنا وجود اسمك يعنى الفرح يعنى مزيد من الانتصارات مزيد من البطولات سامى ان اعتزلت الكوره الكوره ستصرخ وتقول لااااااااااااا الا تعلم انه مابقى من الاساطير الا انت ولن ياتى بعدك سامى راجع نفسك عشان خاطرنا احنا تكفى بس هالمره لاتردنا ياكبير لازال فى العمر بقيه يابوعبدالله ساامى وربى انى ببكى سامى لا انا مومصدق سامى انت فى كون والعالم كله فى كون ثانى .

ابو سلطان : كله الا ابو عبدالله سو الى تبيه الا سامى ابو سلطان احنا نعشقك ونحبك لكن عند سامى لا ابو سلطان مانبى مدرب مانبى لاعبين نبى سامى ابو سلطان مو انت الى طلبت من سامى الاستمرار اذاً خلك عند وعدك مثل ماهو احترم رايك ابوسلطان باختصار وبكل صراحه ان اعتزل سامى بهالطريقه انت هدمت كل الى بنيته ومابالغ ان قلت ستظل نقطه سودا فى تاريخ رئاستك ابو سلطان ان اعتزل سامى بهالطريقه ستقلب احوال النادى فوق تحت وصدقنى مو بصالحنا لان سامى عند عشاقه غير .

لحد الان انا مو مصدق !! انه بيعتزل..

والله كارثة حقيقية ..

لا....لا.....لا
سامي يعتزل
وفي هالوقت
والله كارثه..

بعد كبدي تكلم عن نفسك اذا كنت بتعطيه كل شي ياجماعه ماهو الى هالدرجه ياساتر1ماننكر وش قدم للازرق لكن ياما تعبنا والحين مادرى عنك بيروح يحلل كاس الخليج

وين التضحية يااااااااااااااااااااااساااااااااااااااامي

QUOTE=السبله;4569546]بعد كبدي تكلم عن نفسك اذا كنت بتعطيه كل شي ياجماعه ماهو الى هالدرجه ياساتر1ماننكر وش قدم للازرق لكن ياما تعبنا



السبله : شكلك تتكلم عن واحد غير سامى اذا سامى تعبك من الى فرحك قولى والله مابتعرف قيمته الا لافقدته وبتشوف كلامى

لا ان شاء الله الكلام اللي طلع عن سامي اشاااعه!!

ياناكر الجميل!! متى سامي تعبنا!! تعبنا عشان ضحى بوقته وصحته وأهله عشاننا وعشان زعيمنا !!

لو لا الله ثم سامي كان نص البطولات اللي حققها الهلال كانت ضاعت علينا !!

معليش .. موب لهذي الدرجة .. سامي غالي .. لكن لكل شي حدود ..

سامي ونعم الأسامي بسراحه ضاهره لن تتكرر

لكل بداية ونهاية وسامي الجابر محارب لن ننساه وقد حان وقت استراحتة

الله يعطيك العافية

اعتزل صالح والحبشي والبيشي والتيماوي وابوثنين والثنيان وغيرهم الكثير


لاتصيرون مثل بعض الأندية تمجد بلاعب انتهى من زمن


نتمنى ان يستمر الجابر موسم اخر لكن هو صاحب القرار

والله قهر سامي يروح فجأه كذا

وعشان يروح يحلل في قناة دبي الرياضيه

الله يقلعها من قناه تصطاد في المويه العكره يوم شافت سامي مبتعد شوي

ازعجوه عشان يجي يحلل دوريهم الي مال امه داعي

اتمنى ان ابو سلطان يفعلها مثل مافعلها اول ويقنعه بالجلوس

السلام عليكم اخواني مع احترمي الشديد لابو عبدالله انا اشجع الكيان ولا اشجع لاعب مهما كان حجمه وثقله في الفريق راح يجي يوم ويعتزل ويبقاء الكيان الهلالي وحبي للهلال قبل سامي وبعد سامي

الله يوفق سامي وين ماراح

سواء اعتزل والا مااعتزل


يكفي اللي قدمه للزعيم وللمنتخب

طلبناك يابو سلطان لايروح ساااامي

فقش في فقش على الكابتن سامي

بصراحه سامي المفروض يحترم تاريخه . هذي السنه الاخيره له وكل يوم اجازه وسفر !!! اتمنى من الاداره تشوف حل اما انها تجدد له عقده او تريحنا :(

السبلة ..ياسبلة وتعرف مكانها !!

والله مندس !!!!

لاتوقيع ..ولا صورة رمزية !!!

وياليت تنقطنا بسكاتك !!!!

لا لا لا لا لا لا لا لاعتزال ياساميو

يارب تكون اشااعااات !!!!

صدقت اخوي

يا أخوان والله اني احب سامي من يوم اني صغير...ولا اتعلمت حب الهلال الا من سامي..ولكن!!!! ان نضحي بأنفسنا وأرواحنا زي ما قال الأخ....هذا كثير والله....الثنيان اعتزل وما صار للهلال شي يبقى كيان...... وسامي خلال السنتين الماضيه حقق الهلال 5 بطولات ولم يلعب سامي الا بعض المباريات وبعض الدقائق......والله اني احب سامي ولكن لكل شي حدود.......وياسر القحطاني انشالله انه خير خلف لخير سلف.....

ليست نقطة سوداء في تاريخ ابو سلطان بل نقطة سوداء في تاريخ سامى هو ألان يساوم الهلال على لعب عدة مباريات مقابل عدة ملايين ؟؟؟؟؟ يعني كل مباراة بمليون ؟؟؟؟
وهوالي منقطع من الموسم الماضي من التمارين أنا ابي أفهم على ايش مقدم العقد

الله يوفق سامي ويييين ماراح

والله يخليه لعياله عبد الله وريما

سامي من عشاق الهلال فضلآ عن أنه أهم نجومه ,, فلا يمكن أن يعتزل في هذه الفتره ,,
فهي خسارة للهلال ,,

يا شباب هو مايبي يلعب الا بالغصب تبون تلعبونه؟؟؟

سامي زين لو انه مالعب ماشفنا امتاع ماشفنا فن
طيب يوسف يوم اعتزل ليش ماقلتو لا لا تعتزل
يوسف في نظري واكرر في نظري افضل من سامي
خلاص ياابو عبدالله كانك تبي الوداع اللع معك
بس حط في بالك اسم سامي راح يخلد في كتب الاساطير
مع السلامه سامي والله يوفقك دنيا واخره ويسوع في رزقك
ويسكنك جنات النعيم

وداعا الذئب

ان ذهب سامي

يا ابوسلطان ستكون انت السبب

اقسم بالله سامي قدم للهلال مالم يقدمه لاعب قبله او بعده

ياناس هذا سامي وش فيكم انتم

ابوسلطان الا سامي يابوسلطان

أتمنى من المشرفين أغلاق الموضوع
وبصراحه كل يوم اكشف شي جديد في منتدى الزعيم

تكفى يالذيب لالالا تعتزل نبيك لو تلعب دقيقتين تجيب لنل بلنتي وتطله

ياشباب خلوا سامي يعتزل .. اقسم بالله انكم انتم اللي خربتوا على سامي ..

الرجال خلاص كان بيعتزل بعد إنجازه في كأس العاالم وينهي مشواره بالمسك والعنبر وانتم اشغلتوه استمر استمر..

وهذا انتم تبون تقولون استمر الين يصير مثل ماصار لماجد عبدالله وينتهي مشواره بتلعين وشتم وطرد ..

خلوا سامي على راحته هو يعرف اذا كان قادر على االعطاء أو لا.

انا ماني مصدق....

بس ياشباب لازم نحترم رأي سامي والله يوفقه

لالالا الا ساامي لا يرووووووووح

سامي عبدالله الجابر

((من أجل قدميك عشقت الملاعب))

كل تبن ياورع ..

بعد كل الي سواه سامي جاي تقول وين التضحيات

مالت عليك بس :upset:

صح

ساامي مثل ماقدم للهلال الهلال قدم له واحنا لانكر ماقدمه الساامي لكن يجب على لاعبنا الكبير انه يضحي من اجل الوضع المالي السي في الهلال

لاتعتزل ياســـــــــــــــــــــــــــــــــامي

اخوي متى تعبنا سامي ؟

ناكر للجميل انت

منتب حاس بالشي إلا إذا فقدته

كم عانينا بعد ما اعتزل يوسف

و الآن جاء الدور على سامي

فأنا أقول لا و ألف لا لإعتزال ذيب الملاعب

9أرجوك لاتعتزل9

شكرا