السلام عليكم جميعا:

# اسمحو لي اولا الترحيب بعودة شاعر الهلال على طريقتي:

يامرحبا بك جعل ربي يحييك *** يامسهلا ياجعل دايم نشوفك
في غيبتك كم واحد كان راجيك *** عسى الموانع خير وزالت ظروفك
شفت المشاعر شفت وشلون نغليك *** نبغى القصيد وماتسطر كفوفك

# الأخ الشويعر، لم يردني ردك بعد أن قمت بالرد عل موضوعك بعنوان " يمكن.. بس مايمكن"، يمكنك العوده اليه للتأكد...

لاصار عقب اللي قريته شويعر *** انا رضيتك شاعري لاعدمناك

# سيف الزعيم - الشويعر - شاعرالهلال:

فرسان شعر وشرفوا منتدانا *** لا ما روانا شعركم ماكفانا
على خجل وصف المشاعر ببيتين *** بس بالصدرأخذتواأكبر مكانا

وان شاءالله نرى ابداعات شعريه جديده واللي عنده الموهبه حياه الله...

# مازلت عند وعدي وقصيدة نواف قريبا...

# وهذي هي قصيدة الحزن على الثنيان:

هانت على قلبي جميع المصايب *** الامصيبة فقد يوسف يالأخوان
الله واكبر يازمان العجايب *** وش باقي تسوي بنا يافلمبان
حاربت الازرق ثم عودت خايب *** الله جعل في نحرك الكيد يافلان
بعده حقدت أكثر وزدت الطلايب *** وشلون ياقف مد الازرق يارفقان
على اللعيبه شب نار الحرايب *** ونلفق الغلطات زيف وبطلان
على الهلال نبغى نزيد النوايب *** نبغى نشوفه دايم الدوم خسران
طلع قرار تشيب منه الذوايب *** قرار كله ظلم زور وبهتان
بالاتحاد الاسيوي الكل خايب *** واعضائه العربان تطنيش ونسيان
حزين كني فاقد أغلى الحبايب *** عام من الحرمان لابداع فنان
ببكيك دمع وشعر مادمت غايب *** ياحيف والله من تناسى الثنيان

شاعر المنتدى