|
مشكلتي مع ... الي عنده دي اس ال يدخل نصيييحه شي احب اقوله حنا في بلد الحمدلله يعيش الواحد بحريته يقدر يقول أي شي بشرط عدم التجريح والي يشوف غلط يحاول يقوله كثر الغلط عندنا والغش عند بعض ضعاف القلوب وقليلي الذمم احب احكي لكم قصتي بس بكل سرعه واختصار انا مستخدم انترنت من 98 ايام مقهى رنديفو كنا نروح ونصور بطاقات الاحوال آآآه يا ذيك الايام وندخل المسن شات والـ واشتراكات الدايل اب سعرها 200 وصوت الاتصال حق الدايل اب شششششش طن طيييييييييييييييييييط صوته ولا عطاك سرعتك احلى شي في العالم طبعا الدنيا تطورت وجانا الدي اس ال والانترنت الفضائي والخطوط المستأجره المهم موضوعي اني اشتركت في الدي اس ال من تقريبا ثلاث سنين والحمدلله مبسوط شركة الاتصالات والحق ينقال ماقصروا صدق فيه ناس ماوصلهم إلى الآن الخط لكن فيه توسعه وقالوا أي احد يتصل الآن راح يجيه اشتراكه وجربها واحد من الشباب وثلاث ايام وجاه الخط المهم كل المشكله ان فيه شركات عندهم زحمه وبعضهم السرعه مدري وش تبي انا قبل ثلاث ايام رحت اشترك وسمعت ان شركه اول نت مخفضه الاسعار المهم ياطويلين العمر رحت اشترك اول يوم السرعه زينه وكل شي تمام شبكت ومع ثاني يوم الداون لوود صار يدحدر والسرعه اقل واليوم الي بعده السرعه وصلت بعد ماقست السرعه 25 J تخيلوا والله ما ازل عليكم بحرف المهم اتصلت انا من امس بسألهم وش المشكله كان الخط مشغول (الخط الثابت والمجاني) قلنا مو مشكله يمكن فيه مشكله اتصلت يوم الاربعا (اليوم الي انا اكتب فيه هالرساله) طبعا اتصلت على فرع الشرقيه هو الوحيد الي رد قالوا لي اتصل على فرع الرياض مانعرف له والتقني مهب موجود ..بلعناها وصبرنا اتصلت على فرع الرياض رد هندي انا"الو السلام عليكم هو:عليكم السلام انا:صديق سرعه مال انا مافيه كويس هو:سوري مستر سستم داون انا:كيف سستم داون انا فيه اون لاين الحين هو:لالا صديق سستم داون كلم بكره اوكي سستم انا: ((من زود الاندهاش)) اوكي شكرا قلت ولا اسكت مايلعبون علي واروح للمركز حقهم يقابلني مصري هناك انا :السلام عليكم المصري: عليكم السلام حضرتك اتفضل انا:شكرا بس عندي سؤال المصري:اتفضل حضرتك انا:ياخي اتصالي مب سريع وحاولت بكل شي ولا ظبط حاولت اشبك بالبروكسي وبدونه ونفس المشكله المصري:عطيني رقم اشتراكك يافندم بعد ماطقطق على الكمبيوتر وشاف اشتراكي المصري:هاهاهاها ..انتا زعلان كده ليه انا:مو زعلان واقدر اجيب مليون اشتراك بس ياخي ما احد يرد على الاقل اعتذروا لنا المصري:ياعم اشتراكك شهر واحد خليه يعدي وغير الشركه وريح نفسك انا : ((انصدمت من الرد وطلعت وانا منب مستوعب لمن وصلت البيت)) اتوقع نصكم ماراح يصدقون الرد بس تخيلوا هذا الي حاصل انا ما احب افضح احد ولا هب من طبعي بس تخيلوا ناس بهالأسلوب انا موضوعي انتهى ولكم الحكم مع ان الاشاره قويه عندي والاسلاك ميه ميه اسلاك مسلحه حقت الاتصالات نفسها بس الشكوى لغير الله مذله بس حبيت اقولكم هالقصه وبس وودي اضيف كم نصيحه لمستخدمي الدي اس ال 1-حاول دائما تبعد سلك التلفون الي في الجهاز عن أي مصدر كهرب لأن الموجات (ديجيتال)وتتأثر بأي شي فيه كهرب يعني اقل شي ابعدها 10 سم 2-حاول تجرب دايما سرعة اتصالك او تسوي داون لوود وتشوف الداون لوود كم يوصل بالبروكسي او بدون بروكسي 3-حاول تاخذ اشتراك شهري يمكن أغلى بس تضمن حقك 4-حاول تغير الشركه حقتك شهريا لمن ترتاح لشركه 5-فيه شركات كويسه في العليا وسيئه في مكان ثاني بس اول نت انا في العليا وصاحبي في الشفا وكلنا نشكي منها 6-حاول تتصل بالدعم الفني قبل لاتشتري البطاقه وتشوف شلون اسلوب المعامله ================= انا ما راح انصح احد بأي شركه لأني قلت ما ابي اسوي دعايه بس ابي احد يعرف هالشركه والي مهب مصدق يقولي وارسله اشتراكي ويجربه K الموضوع عادي ينتقل لأي منتدى عادي جدا جدا جدا بس حقوق الطبع محفوظه طبعا وانا ماسويت هالشي إلا عشانافتح عيونكم الي ياكلكم فيه انترنت وقروبات وفيه كل شي تقدر تقول الي بخاطرك ================= اتمنى اني ماطولت عليكم وافدتكم وشكرا لرحابة صدركم ابوعبدالله |
الســلام عليكم اخوي بــصــراااحه انا مثلك عانيت مثل هذي المشكله وكلمت الين ما طفشت وكل ما اتصلت يقولون تأكد من الأسلاك او اتصل على الاتصالات وفي اخر شي طفشت منهم وتركتهم ..... وانا حاس فيك اخوي وفي معاناتك معهم بس بصـراحه احب اقولك سـعـودي نت يمدحونها اشترك فيها تراها ميه ميه وانا بعد اعاني من السرعه بس وش نسوي نصبر الين ما يخلص الاشتراك ونشترك في سعودي نت ... ومشــكــور اخووي ... مع اجمـل تحــيــ ةةة |
ما عليك مادامك على الحق افضح الي تبي انا مشترك بسرعة 521 واذا قست السرعة تطلعلي 300 وشوي بس تراني مهب في السعودية.. تحياتي.. |
هلا اخوووي والله ما ألومك أسوء شركه شركة أول نت وانا الان استخدم نسمه وماشين تماااااااااام مافي أي مشكله مع الاتصال نهائيا وبالتوفيق لك |
والله رحمتك اشبك الدايل اب احسن تدري وش يبيلهم ذولا يبيلهم دبج لين يقولن يمه ارحميني اجل المصري يقوله ده اشتراك شهر ريح بالك وفلوسي انا لاقيها بالشارع والله احتيال ونصب وعش وكل شيء(تنرفزت ) تشــــــــاو |
مافي شركة متميزة الصراحه جربت ثلاث شركات تفصل احيانا ...او يتوقف الاتصال ساعه ساعتين حتى يرجع مانقول الا الله يرحم الحال :) والدعم الفني :mad: مدري ليه سموه دعم فني محد يرد واربع وعشرين ساعه مشغول :D |
ليتني مااا دخلت اناااا اول شهر لي في الد سي ال وماخذ اول نت واقول ايه هاااذااا الاتصال سريع لا كن يوم قريت الموضوع قلت اكيد الشركااات الثانيه اسرع لالالالالالالالااااكن مشكوووووووور على الموضوع |
قصة مثيرة ولكن في نفس الوقت محزنة يا ليت نفتك من الشركات المزودة للخدمة وتكون شركة الاتصالات المسئولة الوحيد لذللك مثل الدول المجاورة |
حرام عليك اشتراكي اول نت 512 وسرعه الداونلود عندي 80 كيلو في الثانيه توصل الى 120 كيلو ولي حاليا فوق السنه مع اول نت وتمام والله وبالعكس يردون ما يدري عنك انت اذا صار لك كذا بس انا والله تمام الاتصال معي تحياتي |
اول نت ممتازة جداً تعاني من بعض مشاكل الضغط بعض التخفيضات لكن تمام التمام مشكلتهم الدعم الفني التعبان طول الوقت مشغول .. غير كذا سلم لي عليهم :D |
اول نت ما اقتنعت فيها ابد,,, |
| الوقت المعتمد في المنتدى بتوقيت جرينتش +3.
الوقت الان » 04:05 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd