|
&&&كل ما إنتقدت المدرب ...... قلتوا اني ماافهم كوره&&& السلام عليكم ورحمة الله وبركاته بأدخل بالموضوع على طول..... أنا من أول مشاركه لي بهذا المنتدى وأنا أنتقد المدرب وأقووووووول مدربنا فاشل ودهور الهلال.... وللأسف دائما تكون ردت فعل الاعضاء عنيفه اللي يقول لي انت ماتفهم كوره ووووو........الخ المهم الحين ابي اللي قالوا اني ماافهم كوره ....بما انهم فاهمين كوره أقول لهم هاااااااا وش رايكم في مدربكم الفاشل الجبان اللي ناوي يضيع الهلال ويكرهنا في نادينا للأسف؟؟؟ وعلى العموم انا ماألوم المدرب لأنه أهم شي عنده راتبه ماشي وبس وماعليه من الهلال لاكن الوم رئيس الهلال لأنه ساكت على ضياع ناديه بسبب المدرب... وألوم جمهور الهلال اللي بدال اللافتات اللي في الملاعب اللي تنادي بأسماء بعض اللاعبين كان من المفترض ان يحملون لافتات تشجع على إقالة المدرب... وألوم الإداريين والأعضاء اللي راضين بإسلوب المدرب الدفاعي اللي شجع أضعف الفرق إنها تطمح لمهاجمة الهلال المتراجع وتطمح للفوز علينا... وألوم ياسر القحطاني اللي راضي بالظلم الواقع عليه من المدرب بجعله مهاجم وحيد واللي كان السبب في ضياع ياسر وسهل مهمة الدفاع الخصم لمراقبته وتكتيفه... والله والله والله لو عندنا مدرب شجاع ويلعب بطريقه هجوميه من بداية المباراه وبأكثر من مهاجم كان كل مباراه نتيجتها مضمونه للهلال ونتيجه ثقيله مو أي نتيجه لأن الهلال يضم أفضل اللاعبين في المملكه وقادرين على هالشي واكثر لاكن حظهم النحس وجهل الاداره الهلاليه جعلهم مع هالمدرب الجبان الفاشل الله لايسامحه ولايسامح اللي بلانا فيه وختاما ...إذا استمر هالمدرب مع الهلال ماأقول غير عظم الله أجركم في ناديكم ومن هزيمه لهزيمه ومن إهانه لإهانه من أضعف الأنديه........ نسيت شي هذولي اللي ينزلون الملعب كل شوي مافيهم أحد فيه خير يروح للمدرب ويشوته في وجهه شوتا مبرحا ويخليه يحرم يدخل المملكه ككل.....:upset: |
يارجال مدرب فاشل بماتعنيه الكلمه |
لاتعليق |
مشكورين على المرور والتفاعل والله يفكنا من هالمدرب آآآآآآآآآآآآآآمين |
يا اخوان انا اقولها بكل صراحة المدرب مو فاشل لكن للاسف اللاعبين صايبهم احباط او تشبع او ما اعرف وش اسميه لا تنسون اننا متصدرين الدوري وفايزين على الشباب 4 وقلبنا خسارتنا قدام الاهلي بفوز 3 المدرب له تصورات واحنا كجمهور لازم نحترمها وجود ياسر لوحده في الهجوم انا اعتبره وهمي لان قوارو او الشلهوب او التمياط دائما يشكلون مهاجم ثاني مشكلة الهلال في نفسيات اللاعبين متى ما ظهر الشلهوب بمستواه وبقية اللاعبين يظهر اللاعبون المدرب ليس مشكله يمكن يتحمل بعض الاخطاء في الاختيار لكن التسجيل والادء من يتحمله ؟ اشكرك اخي |
إقتباس:
المدرب فاشل ونص واكبر دليل فريقك خاسر بهدف المفروض تلعب بهجوم مو يجيك هدف ثاني وتطلع الاظهرة وتدخل اظهرة مكانهم كنك يابو زيد ما غزيت ومدرب اي فريق حواري ما يسويها ولا تنسى في مباراة القادسية الهلال متقدم بهدف والقادسية مطرود منها لاعب وتلعب احسن من الهلال وبغت تفوز عليه بثلاثة اهداف لا والمدرب يلعب بثلاث محاور بعدين اول مره اشوف فريق متصدر الدوري وترتيبه الرابع بين اقوى هجوم من الفرق ولا تستبعد يجي يوم تشوفون فيه تفاريس والمرشدي محاااااااااااااااور والهليل وخليل سناتره خلاااااااااااااااااااااااااص ملينا من هالمدرب ابو الاختراعات والله ان الفريق ما يفوز الا باجتهادات اللاعبين اما المدرب طقها والحقها والمركز الاول خلاااااااااااااااااااااص طار من الهلال وتذكر كلامي وسلااااااامتكم |
إقتباس:
اوك طيب مو هذا مدربنا من بداية الدوري ؟؟ طيب مع اول هزيمة تبغونا نشيله ؟ يا عالم مثل ما انت تتعب مع فرقك وتبغاه يفوز كل الاندية تتعب مع فريقها وتسعى للفوز الهزيمة ليست نهاية المطاف الاخطاء تتعدل وبيسيرو مدرب كفء بس المشكلة في اللاعبين اللاعبين امس ولا شي غير اجتهادات فردية والمدرب حاول بكل الاوراق اللي يمتلكها الاصابات طغت على التشكيل لكن بمشيئة الله الوضع يتعدل المباريات القادمة تحياتي |
مع احترامي لك المدرب ليس كما تقول مدرب فاشل فامس اضاع ياسر انفراد فلماذا لم تتكلمون على ذلك المدرب هو حقق مع الزعيم 10 فوز اسالك سؤال اين الادارة من تسيب خالد عزيز واين الادارة من سامي الجابر الذي من بداية الموسم وهو في اجازة اتمني منك اجابة بصراحه وبدون تعصب والله دمي ازرق وكل شي ازرق بس لا نكذب على بعض الادارة يجب ان تقف بحزم مع اللاعبين |
إقتباس:
ومثل ما قلت المدرب يفوز بجهد اللاعبين وبعدين المدرب ما عنده ثقه في نفسه اول شي يسجل الهلال هدف خلاص يروح يقلب الفريق كله محاور وشفت انت مبارة امس ولا تنسى مبارة الطائي الهلال متقدم بهدفين وفي خلال عشر دقايق جاب الطائي هدفين صحيح ان الهلال متصدر الدوري لكن هل هذا التصدر بهذا المستوى مقنع ؟؟؟ الهلال قدامه مباريات كثير ولا تنسى ان اغلب الفرق راح تستيعد قواها خاصة الاتحاد والشباب والاتفاق بنشوة بطولة الخليج كم الفرق صار بين الهلال والوحدة الفرق ثلاث نقاط مع العلم ان الوحدة لها مباراة مؤجلة اذا لم يتدارك رجالات الهلال الوضع صدقني الوضع راح يكون من سيئ لأسوء والوعد بطولة آسيا وسلامتك |
فيه شي اسمه الادارة وهي اعلم منك بمصلحة الفريق وراى ما ترشح نفسك للإدارة ونزلي روابط مواضيعك الي تقول بس بشرط تكون كتبتها بعد مباراة النصر او الاهلي او الشباب علشان اتاكد من نضرتك الفنيه حتى والهلال فايز كنت تنتقد المدرب وتظهر لنا اخطائة.... |
لا تعليق |
الاداره ادرى مني ومنك بمصلحه فريقها وبتوفيق لزعيم تحياتي |
كلامكم يا شباب على العين والراس الادارة تتحمل جزء من المسئولية سامي الجابر كل ما بغى اجازه خذها زي السلام عليكم بعدين الادارة ليش ما تحقق مع المدرب في موضوع مشاركة احمد الصويلح ..!!! رئيس الهلال ما قصر السنتيين الماضية والله يعطيه العافية بس السنة هذي اشوف ان موضوع حضور برشلونه والمعاهدة مع رئيسه وحضوره للاتحاد خذت اكبر من حجمها شوي وبعدين جاء موضوع مشاركة سامي ونواف مع منتخب البحرين وكل الهلالين حتى هنا في المنتدى ما لهم شغل الا فيصل عبدالهادي وخرابيطه اما بالنسبة للمدرب وش المبارة اللي لعبها الهلال صح غيرمباراة الشباب والاعتراف بالحق فضيله مبارة الاتحاد متى سجل الهلال الهدف الثاني بعد ما طرد اثنين من الاتحاد مع العلم ان الاتحاد مطرود منه لاعب وسجل قبل الهلال مبارة النصر احمدو ربكم براية الكابلي مبارة الاهلي صحيح ان الحكم ظلم الهلال بس لو حسب ضربة الجزاء لتيسير الجاسم كان صار كلام ثاني القادسية الهلال متقدم بهدف ومطرود من القادسية لاعب وتلعب احسن من الهلال مبارة الفيصلي فريق الفيصلي مدافع بعشرين لاعب ومدرب الهلال يلعب بثلاث محااااااااور والله يخلي ياسر القحطاني بالفاول والشواهد كثيره وانتم الحكم لكن تذكروا كلامي ان الفرق المتبقية سوف تلعب في الدور الثاني غير ما كانت تلعب بالدور الاول وراح تشوفون المستويات الهزيلة للهلال في ظل وجود المدرب وقناعاته !!!!!!!!!!!!!!!!!!!!!!!!!!!!!!!! |
معليش أسمحلي أنا مو معاك المدرب ممتاز لكن العيب في اللعيبه نسيتوا الودر الأول وش سوى http://www.6rb4up.com/uploads/94ce45a51f.jpg |
نعم المدرب فــــــــــــــــــــــــــــــــــــــــــــــــــاشل |
| الوقت المعتمد في المنتدى بتوقيت جرينتش +3.
الوقت الان » 10:14 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd