(هذه القصة سمعتها وقراءتها وشدني اليها الحكاية المؤثرة.
دعونانترك صاحب القصة يسردها لنا:
((قبل نحو عامين عندما تخرجت انا وصاحبي من المدرسة الثانوية قام صديقي بالاستعداد لكي يستعد لاختبارات جامعة الملك فهد للبترول والمعادن وفعلا دخلت وهو ومعنا اربع من اصحابنا في المدرسة الثانوية وتقدمنا لخضوع الاختبار وبعدها باسبوع نجحت ونجح صاحبي وكنت انا حاصل على نسبة 86 اما صاحبي الذي نجح في الاختبار الاول كانت نسبته 72 اما اصحابنا الاربعة اللي دخلو معنا للاختبار الاول كانت نسبهم فوق التسعين ومع ذلك ما نجحوا جا الاختبار الثاني ودخلت انا وصاحبي وبعدها باسبوع جت الاخبار تقول ان صاحبي نجح في الاختبار الثاني وما عليه غير يروح للجامعة ويقدم اوراقه وهو يدخل اما انا ما نجحت على العموم
راح صاحبي مع ابوه وكان ابوه بصراحة اول مرة اشوف والد صاحبي طاير من الفرحة على العموم
راحوا للجامعة وثاني يوم وانا جالس في الخيمة مع الشباب دخل علينا خويي اللي راح للجامعة زي عوايده مبتسم
قمنا سلمنا عليه ونبارك له فلما قعدنا نسولف معه وكذا قال ياشباب اقولكم شي
قلنا له تفضل
قال الجامعة رفضوني
الكلمة هذي نزلت في قلوبنا مثل الصاعقة وعلى طول سالناه قال رفضوني لانكم مثل ما تعرفون انا انسان ماعندي اي جنسية ومافي عندي غير هذي البطاقة اللي تمنحني اقامة دائمة في السعودية
رحت اشوف ابوه واكلمه علشان يروح ويدبر لابنه واسطة من جاره اللي يشتغل عند الامير عبد العزيز بن فهد
لما وصلت لبيتهم شفت ابوه زعلان مرة قلت خلاص اجيه بكرة
لما جيتهم ثاني يوم سالته عن ابوه قال ابوي مرضان وظليت على هالحالة اسبوعين وانا رايح راد وابوه مرضان
لما قام ابوه من المرض قلت له وانا امازحه اللش يشوفك يا ابو فلان طايح مريض ويعرف السالفة يقول انك انت اللي مقدمة الاختبارات هذي
قال كان ودي اني اشوف واحد من عيالي معه شهادة دكتوراه والوحيد اللي كان يقدر يجيب الشهادة هذي ويرفع راسي مابين الناس هو صاحبك
ومرت الايام وانشغلت انا بدنيتي في النت والوظيفة اللي ابحث عنها ولا شفت صاحبي غير البارحة سالته عن احواله وايش هذي السيارة والكشخة
قالي الحمدلله دخلت دبلوم كمبيوتر واخذت فوقها شهادة هندسة من مايكروسفت والحين ولله الحمد صرت مهندس في اقل من سنتين وعندي وظيفة حلوة راتبها يعني فوق الخمسة
رجعت البيت وانا متندم اني ما دخلت مع صاحبي الدورات اللي دخلها والا الحين تلقوني على الاقل موظف))

القصة الحلوة والجميلة هذه روعة ... ... ... ... وان دلت على شي فتدل..

قمت اتفلسف......