23/03/2010, 12:07 AM
|
| زعيــم نشيــط | | تاريخ التسجيل: 06/11/2008
مشاركات: 773
| |
آسف لِـ بطولات أمريكا
ذميتهم قدر ماأقدر .. أسحب كل كلامي وماأكررها ^^
خذ وخل
المهم نجي للجدّ
صراحة صراحة .. أحلى بطولة لكل بطولات أمريكا اللي تابعتها
حمـاس غير طبيعي , يذكرك بِـ أستراليا 2005
اللي شاف ذيك البطولة وهالبطولة , يتفق معـي أكيد .. لأن هالمفاجآت أبداً محد حسب حسابها وفجأة تجي في وقت كان فيها 90% من المشجعين ينتظرون إما تعويض أو مضاعفة !
أكثر الأشياء تحمسني للتنس هي المفاجآت , رغـم إني ماأحبها ضد النول .. لكن فدوه إذا كانت عشان كرواتيا < يارب ديفيز
يالبّى قلبك
ماعليك من العذَال .. أنت البطـل اللي ماغيرك يستاهلها
أكثر لاعب صبور عرفته , مجتهد إلى أبعد الحدود , حريص على نفسه بشكل كبيـر
ماعنده بطولات , رغم كذا تشوف كل اللاعبيـن يخافون منه ويتعبون قدامه .. صحيح يخسر كثير لكن عن نفسي ماأذكر شفت مباراة له مقدم فيها مستوى يستحق أقول عنه " ضعيـف "
من بدأت أتابع التنس إلى الآن وأنا ماأشوف غير هالأقرع ثابت مستواه !! غير طبيـعي
صحيح اللاعب يحتاج تطور كبيـر وشطحات كبيرة , لكن هالمنطق مُلغى عند الكرواتي
البعض اللي ماشاف البطولة أو من بعيد إلى بعيد , يظن ان ليبو مقدم أداء مضاعف عن المعتاد .. لكن إذا تجي للصدز هذا هو أداءه ماتغير ومع ذلك فاز بأول ماستر في عمـر متقدم ويعد رقم قياسي بعد أجاسي .. خـرافي وربي
وكل هذا ينتقدونه ! ماأقول غيـر من الحسـد
واصـل والقلب مع كرواتيا ثم معـك
أكثر حاجة مفرحتني من فوزه غير ان يستاهل , ان هالفوز يبي يساعد المنتخب في ديفيز لأن إن شاء الله المدرب بعد ماشاف هالأداء يصحح الغلطة ويرجعه
يارب هالسنة لِـ كرواتيا مش فاموس إسبانيا //
مسكين
بطولة توب لِـ روديك , أفضل مستوى له من الموسم الماضي < لحدن يقول ويمبلدون
كان يستاهل البطولة , لكن ليبو كان بطـل وقدر يسيطر على الأوضاع ويفوز
روديك واضح عليه في المباراة ان متحمس , كان يأدي دوريـن بوقت واحد .. وهذا شيء غريب على روديك اللي تعودنا عليه ان دايم يبدأ بالدفاع
لكن مع ليبو , ثلاث أرباع الوقت مهاجم وأظن كانت حل بديهي من روديك بحكم ان ليبو دفاعـي مثله ويمكن أحسن بعد .. الفاينل أمس كان غير منصف أبداً , الإثنين كانوا أبطال وعملوا اللي عليـهم عموماً , ما أتمنى روديك يستمر على هالمستوى , أبيه يرجع لمستواه السابق اللي يخليه كالعادة يطلع من الربع النهائي
لكن إذا يبي يحمسني كذا , مو مشكلة خل يوصل للفاينل مثل مايبي //
ضيعت نفسك بنفسك
عذراً عشقها , لكن ماهقيت ان المدرب هو اللي يبي يقوله غيِّر اسلوبك اللي وصلك إلى الصدارة !
مو معقول يا نادال ! حـاله مزري جداً
أستغرب من البعض اللي يقول رجع نادال !
أي رجعة هذي اللي تبي تخليه يغير اسلوبه إلى اسلوب غونزالـيس !
يعني من جدك تغير من اسلوب سواك بطـل ! حرام عليك يالظـالم
الغريب ان نادال يتعب كثير مع الاسلوب الجديد ورغم كذا يستمر عليـه " اللي تغلبه إلعبه "
نادال لو يطبقها يرجع مثل أول وأزين
نادال تبي تمشي معه مع لاعبين من قد شوتلر , حتى إيسنر ماأقدر أضيفه ضمنهم لأني شفت كيف ان نادال تعب معه رغـم ان إيسنر في المباراة كان مبـدع في الأخطاء التافهة والمباشرة . عشقها , جيبي لي مباراة وحدة - قبل الإصابة - خسر فيها نادال رغـم ان جاته بريك بوينتس بالهبـل ؟!
أتحداك تحصلين , حتى أحيانا يكون سيء جداً لكن إذا جاته بريك بوينت وحدة فقط معظم الأحيان يفوز بها , بلعكس يكون غريب جداً إذا مافاز بها .. لكن - من بعد الإصابة - حدث ولا حـرج
تضييع البريـك بوينتس يسوي هـوايل , وفيدرير والنول أكثر ناس عارفين هالشيء
هالفرص ماصارت تضيع منه إلا من بعد ماغيّر اسلوبه , ومع كذا مازال عاجبه الوضع ومستمر عليـه
المشكلة العظمى , ان ليته متحول إلى لاعب هجومـي فقط , لكن تحول إلى لاعب متهـور
اقطع إيدي يا نادال لو تتهور قدام أحد الشياب وتفـوز .. بهالتهور تبي تفوز على صاحب خبرة مثل " ليـبو " !
وغير كذا , الأسلوب الجديد إلى الآن نادال ماتأقلم عليـه , فإصابته محتملة في أي وقت ... من المحتمل جداً ان نادال إذا استمر على هذا الأسلوب يبي ينجـح , لكن الأكيد ان هالشيء يحتاج وقت
حـرام عليك يا نادال , بعد كل اللي بنيته تهدمه بهالسرعة !
أظن إني مصختها , لكن والله من الغبنة عليه
مازلت متأمل يراجع نفسه ويرجع نادال اللي نعـرفه //
مهند , مافي تتويج لِـ ليبو وإلا لأن مافي جمهور
عوافي شباب
اخر تعديل كان بواسطة » J.COLE في يوم » 23/03/2010 عند الساعة » 01:14 AM |