لقاء ممتع وكالعاده صرنا ننتظر هاللقاء على احر من الجمر نبي نضحك بس هالمره صدقوني الضحك غير ,,
ذكر الروج في البدايه انه لعب بشكل جيد اليوم وانه سعيد للغايه لادائه اليوم وتاهله للنهائي
كورير - سال عن ضعف اللياقه لدى تسونغا بعض الشي ؟
روجر - وضعت في الحسبان ان المجموعه الاولى سوف تكون صعبه ولقد لعب في الربع نهائي خمس مجموعات
وفي نهايه المباراه بداء عليه التاثر الجسدي والنفسي
كورير- لقد تكلمنا عن ضرباتك في لقائات سابقه خاصه ضربتك الاماميه وايضا الخلفيه حدثنا
قليلا عن لياقتك كيف تراها
وكيف عملت على ارتفاعها
روجر- لم افعل شي سوى الجلوس على الكنب وتربيه الاطفال يقولها وهو يضحك
كورير- ماهي اروع لحظاك في عام 2009
روجر - انها كثير لكن لنقل انها بطوله الرولاند جاروس لانني ارحت ذهني منها ولن اواجه سؤال الغير لي لماذا لم
تفز هنا او هل سوف تفوز بالبطوله او طريقه لعبك تؤهلك للفوز باللقب .. ببساطه لم اعد في حاجتها .. يضحك المايسترو
كورير- ماهي الاساليب التي سوف تنتهجها عند لقائك بموراي ؟
روجر- سوف العب بشكل هجومي كاليوم فان كان موراي يسمعني قاقول له اني سوف اهاجم كثيرا يقولها وهو يضحك
ويكمل نعم انه راح يدخل وهو متحفز للغايه لاحراز لقب لبريطانيا بعد150 الف سنه
نوفاك مباراته هذي تعتبر الاختبار الاول وهذا ما اوقعه بمشكله كل خصومه اللي قبل كانوا سهلين !!
فيتوقع ان هالمباراه بتكون سهله بعد .. اضافه الى انه كاني يعاني من مشكله في البطن !!
ع العموم هارد لك محمد ومشجعين نوفاك ماكنت اتمنى خروجه كان ودي نعيد ذكريات نصف نهائي امريكا 09 ,,
لكن لعلها خيره ومنها نرد الهزيمه الاخيره لتسونغا اتوقع هالبطوله تصفيه حسابات لفيدرر ,,
شفت المباراة وإلا لا
حرام عليك سامي .. أجل طلع لأن هذا أول اختبـار له فما كان مستعد
صحيح المباراة هجومية بحتة لكن تسونجا واضح عليه ان مهوب عارف يتعامل مع النول .. النول في هالبطولة أداءه الأفضل حتى الآن من عرفته , توازن خطيـر + تمركز خلف الخط + تغطية متميزة على الشبك
وغيره وغيره من الأشيـاء اللي متألق فيها بالوقت الحالي .. أنا ماأقولك الأشيا المتميز فيها معناها ان مافي لاعب يقارعه أو يهزمه , لكن مع احترامي الشديد للأسطورة الا ان هالبطولة داخلها بأداء أقل من المعروف مقارب جداً لأداءه في باريـس اللي أظهر فيه غبـاء من طراز عالي قدام نادال , ولكن هالبطولة كان فيها غباء أقل , وأقرب مثال المجموعة الثالثة في المباراة .
شوف يمكن تقول إني أنا أقول هالكلام لأني أكره الأسطورة وكثير ماأتحامل عليه , لكن صدقنـي إذا عمل حاجة كويسه أنا أول من يبي يدمحه ... لكن تخيـل هذا والنول تعبان ويفوز عليه 3 / 2 !!!
ياربي على هالتعب المصطنع يالنول .. وياربي على الأسطورة !! أسطورة من قلب
قد يكون التعب ماظهر على النول إلا مابعد المجموعة الثالثة .. لكن هل يعقل ان رغم التعب اللي جاه في المجموعة الرابعة وينافسه بهالشكل ومايخليه يفوز عليه إلا 6/3 !!
واللي يضحك زود ان في المجموعة الرابعة الاسطورة متقدم 5/0 بعد كسرين للإرسال , وبعدها النول قلص الفارق إلى 5/1 بعد فوزه بشوط إرساله .. وهنا يقدر يرد النتيجة اللي سحق فيها النول فيها في المجموعة الثالثة .... لكن رغم كل هالتألق اللي بالاسم من الأسطورة , إلا انه النول على تعبه قدر يكسر إرساله بسهولة مكّن النول من ان يقلص الفارق إلى الحدّ المعقول !!
أما المجموعة الحاسمة فأكيد ان التعب يبي يتضاعف عند النول ومهيب كل مرة النول راح يقدر يستغل غباء خصمه ويرجع للمباراة .
تهقى لو النول استمر على أداءه اللي بدأ فيه المباراة إلى النهاية , من تظن المتأهل ؟ النول وإلا الأسطورة ؟!
أكيد النول إلا في احتمال واحد بس ... إذا الحظ عانده , وبهالحالة لا حرج على الإثنين
بشكل عام , الأسطورة كثيـر ما كان محظوظ وأنا ماأقصد في هالمباراة لأن هالمباراة الظروف هي اللي غيرت مجراها
لكن أقصد الحظ بشكل عام , وماأظنك نسيت ربع نهائي مونتريال مع المايسترو أو حتى فاينل باريس مع نالبي 08 و و إلخ ... وأظن فوز فيدرير عليه أمس دليـــل واضح على كلامي ان داخل البطولة وهو ماعنده شيء .. جدّ شيء يضحك أجل لاعب يتأهل إلى هالدور ويقدم هالأداء , ولاحظ بعد ان قدم أداء في الحظيظ قدام فيدرير " العـادي " لأن فيدرير أمس ما طلع كل قوته قدامه خصوصاً بعد مالاحظ عليه تردده وأخطاءه الكثيرة , ومثل هالأشياء ماتفوت على فيدرير , ففضّل يوفر أداءه إلى الفاينل أزين له
وعلى فكرة , فيدرير حتـى الآن ماطلع كل قوته .. والله يعين آندي اللي يبي يقابل فيدرير على حقيقته
لكن رغـم كل هذا , أقول الحمد لله ان النول طلع من قدام لاعب أكثر مايميزه حماسه ولا طلع من قدام لاعب حيا الله ينقال اسمه مثل فيليب في الرولان
//
إقتباس
روجر - انها كثير لكن لنقل انها بطوله الرولاند جاروس لانني ارحت ذهني منها ولن اواجه سؤال الغير لي لماذا لم
تفز هنا او هل سوف تفوز بالبطوله او طريقه لعبك تؤهلك للفوز باللقب .. ببساطه لم اعد في حاجتها .. يضحك المايسترو
تكفى خلها لنا دامك منتب محتاجها
سامي , تراك جبت شيء يجيب القلق ... اصبر على ماتجي الرولان ولمجرد مايطلع فيدرير على طول بتجون يالفيدريريين وبتزعجونا وانتوا تقولون " أصلاً مايبيها " أوووه بعد لو لا قدر الله طلع مبكر
هذا في أمريكا وهو يبيها , ماأذكر من اللي قال استغنى عنـها .. أجل شلون وهو قايل مو محتاجها ..
يازينك يافيدرير , تخلي الناس يرجعون للرابطة عشانك
//
آندي vs فيدرير
موعوديـن بِـ فاينل غير شكل .... النفسيات إلى الآن ما طابت بينهم
وبإذن الله هالفاينل يبي يكون الأفضـل على الإطلاق .
,,
,,
,,
,,
,,
الوضع المتطور
