«®•°•ღ•......كشتــة أعضــاء الزعيــم......... «®•°•ღ•° - صفحة رقم 4 - نادي الهلال السعودي - شبكة الزعيم

رعبوبة الزعيم · #46 26/12/2006, 03:12 PM

اما انا

فقمت الصبااح من النوم فكنت ابغسل وجهي
الا وتفااجئت

مافي موويه وتوهقت
يااربي وش اسوي :p
وادور ولا لقيت

رحت خيمة العياال الا لقيت عندهم مويه بس ثقيل ماقدرت
اشيله

الا لقيت ولد وايل

قالي افاا عليك انا اشيله عنك

الله يعطيك العافيه ياولد وايل;)
عاد انا قلت له هالشعر تقديرا له

أولاد وايل كاســبين النفيلـه

والهرج ما يثبت من غير برهان

هل الفعول و الطيبه والجزيله

وايل لهم بالعز منزل ومســـكان

خفايا الهلال · #47 26/12/2006, 04:20 PM

هههههههههههههههه

الله مير يرجتس يا هنيف

رحله لا تخلو من المتاعب والمصائب والوناسه والضياع والصياح والتجمد و..و..الخ

والله روووعه قليله على القصه

ابداع يالهنوف كما توعدنا منكِ

منتظرين الحلقه القادمه << تحمس بقوووه :p

دمتم بود

خفايا افندم

الهنوووف · #48 26/12/2006, 04:35 PM

وقفنا نستريح شوي الا ونشوف من بعيد لمبة سياره ونفررح ونطامر ووقفت

قربت السيارة منا ... كان شعورنا مابين خووف وفرح

انفتح الباب حق السياره
وردة زرقاء ::: بنات اخاف قطاع طرق
هلالية سنعه :: مية هم يجون بسيارات جيب

الهنوووف :: خلونا ننحاش

سندريلا :: اصبرووو احنا اكثر منهم لو صار شي هجمنا:p

الرجال الي بالسياره :: وشفيكم ضايعين
البنات :::نعلمة اخاف يخطفنا

الي بالسيارة اجل انتم هلاليات

لان كان معانا شالات الهلال وشكلنا مسالمات وبريئات اكيد هلاليات:p
البنات خافو يقولون هلاليات ويصير نصراوي ويتوطى بطنهم:p

الرجال :: لاتخافووون انا هلالي

محبوبة لفيروسه :: رايق ذا احنا خايفين وهو يحدد ميوله

طيب اركبوو والا بتجلسون بالبرد
البناااااااات خيرر نركب من انت

الرجال :: انا مرجان:p
من مرجان
الهنوووف :: هذا الي بالهلال

الا يطلع صوت من داخل السياره

من صار

البنات

بنات تعرفون رقم اهلكم والا نوديكم مخيم الهلال تراني تاخرت عليهم

النات يعرفون بعض الارقام بس يبون يروحون المخيم الهلالي:p

البنات::لا يابوسلطان مانعرف:p
ابو سلطان ::من وين جاايين انتم تراانا ذبحنا البرد

التميمية :::شبكة الزعيم

انتم مع المــوووج

ايه
الهنووف ورعبوبة :: قهرر كان بيودينا معه

اتصل ابوسلطان على المووج ووصف له المكان

وصل الكلاسيكي و عزوز

الكلاسيكي :انتوا وينكم ليش تطلعون ولا تقولون لنا انكم بتطلعون حنا وش جالسين هنا ماتستأذنون منا
ولا شي بس يااويلكم من حبي تيماوي
كلنا كنا منزلين راسنا بالأرض من الفشله وكنا خايفين من حبي تيماوي
عزوز :جزاء لكم تركبون ورى بالددسن
كلنا:لا تكفى عزوز آخر مره بررررد
الكلاسيكي :لا مافي آخر مره بتركبون ورى يعني بتركبون
حنا استسلمنا للأمر الواقع وركبنا

شوي شوي

الكلاسيكي

شوي إلا الذئب الازرق يكلم الكلاسيكي بالجوال وش سويت لقيتهم
الكلاسيكي :ايه لقيتهم وهذاني جاي بالطريق وكنا مانبي نوصل خايفين من الزفه المرتقبه
وصلنا وكانوا بستقبالنا

وكان حبي تيماوي وابو ريمان معصبيين

المهم اخذنا نصيبنا من الزفه وهددنا انه
يرجعنا

والشباب عاد لازم

يضحكون علينا

حنا تأسفنا منه ووعدناه مانعيدها مره ثانيه ونمنا ذيك الليله الجميله بمغامراتها والتعيسه بزفتها

@@@@@@@@@@@@@@@@@@@@@@@@@

خيمة البنات
الساعه ...11 قبل الظهر

صحوا البنات من النوم على صوت سوسو وهي تكلم أخــوها
سوسو:::هلا عباادي شخبارك ؟والله مبسوطيين وفالينها ياليتك معانا

عبادي :اهم شي تنبسطي ياسوسو

ورده زرقاء :قصري صوتك ياسوسو نبي ننام ماشبعنا نووم

عسيرية مصرقعه :اييه والله صادقه ياورده سوسو مزعجه

سوسو:مو شغلكم شوي واسكر

برى برد مااقدر اخرج برى<<بلهجه حجازيه ;)
...
فيووو:وش فيكم على البنت خلوها تكلم اهلها

<<حضرتها صاحيه من اول الصباااح
سندريلا:هدوو يابنات وقوموا صلحوا معي الفطور

هلاليه من الرياض :اليزابيث وين حطيتي البيض

اليزابيث:حطيته على الموويه هناك شوفيه
هلاليه من الرياض :طيب
سندريلا:أسيرة الله لايهينك قومي سوي الحليب وانتي سحرالشرق سوي الزنجبيل

هلاليه وافتخر :يوووووووووه
البنات:وش صار
هلاليه وافتخر :طااحوا خمس بيضات وتكسروا من هلاليه من الرياض

سندريلا:عاادي خذي غيررهم واذا خلص البيض العيال يجيبون بيض ثاني

سهـــل::::يااابنات وين الفطور جوعاااان مره

البارق:وانا بعد يالله عجلووووو

نجمه:لحظه شوي ويجهز الفطور

iq1399:نجمة الله لايهيينك سوو شكشوكه مشتهي شكشوكه من امس الليل

بنت الزعيم :اييه هذاني بسوي شكشوكه حتى انا ودي فيها
اميرة الاحساس:وين الخبز علشان اخليه يحمي

هلاليه حرة:مدري الظاهر اني حطيته فووق الاغراض هناك شووفيه

بنت الزعيم:اييه خلاص لقيته
ورده زرقاء :اقوم البنات الباقيات ولا اخليهم نايمات

معشوقه:اييه قوميهم خلاص الحين نحط الفطوور

وقاموا البنات وجهزوا الفطور وراحو عند خيمة الشباب

@@@@@@@@@@@@@@@@@@@@

(بالقرب من خيمه الشباب )

هلالي الظهران:كثريين الملح بالبيض مره.. مره ثانيه سنعوا اكلكم خخخخ

البالون:والحليب اشدعوة مافيه سكر ليش حاطين سكر قليل

البنات:اففففففف

عاشق فيريال :: وش هالخبز محترق:p
هلالية سنعة:احمدوا ربكم ان حنا سوينا لكم فطووور حتى شكرا مايقولوون

العنا:وليش ننقول

شكرا تعبتوا بشي انتوا هع هع
الهنوووف :لا والله اشوووفك دخلت وسويت الفطور معنا

وجلسوا يتناقرووون على الفطور لما نااظرهم حبي تيماوي وكبار المجلس نظره خلووهم يسكتووون

<<مايجون الا بالعين الجمره

د.هدف ::الا صدق الي لقاكم امس ابوسلطان

هاموور البورصة ::: ياحظكـم

البنات :: كله منكم والا كان ودونا معهم لمخيم الاعبين

الهنوووف :: كان حلم اااااااه يالقهر ماصدق شفت ابو سلطان حقيقه:p
رعبوبة :: ايه والله تخيلي بغينا نشوف الاعبين هناك ووواوو

هلالية سنعه :: نضيع ثانيه:p
هلالية وراسي مرفوووع ::ياليت:p
اسيرة الزعيم :: بسم الله علينا

بريماكس :: يووووووووة اجل اشووى علشان ماتقهرونا:p
عاشق تشيلسي :: ايه والله كان انجن

واضيع :p

@@@@@@@@@@@@@@@@@@@@@@

ولما خلصوا فطور شالوا الصحوون وغسلوهم ودهم يلعبووون كره
كل الفريقين تهاوشوا يبون يصيروون الهلال خوفا من اتهامهم بانهم مندسات
فقرروا يصيرون الفريقين كلهم الهلال

الهلال (1)والهلال (2)
بالفريق الأول
عاشقة الزعيم 15 صارت الحارس
..ورعبوبه والهنووف هجوم.
.الماسه وورده زرقا وسوسو دفااااع
..فيرووسه على خط الوسط
محبوبة الزعيم
ظهير ايمن
رائدة الزعيم ظهير ايسر
صانعه لعب الماسة زرقاء

وسط ..القمر الهلالية

مدربنا سافر ..فرصة ضايعه

والفريق الثاني

الحارس كانت معشوقه الزعيم
والهجوم هلاليه من الرياض وهلاليه سنعه .
.والدفااع بنت فهد
وهلاليه حره وهلاليه وافتخر
وعلى خط الوسط سحر الشرق
ظهير ايمن سندريلا
ظهير ايسر التميمة
صانعه كورة ..هلاليه وراسي مرفووع

مدربهم تغريد .. راحت بعد لبيتهم

والبااقيات جمهوور

في بداية المباراه انفردت سوسو

بمعشووقه
وتراوغ وجت جنبها رعبوبة
رعبوبة:سوسو ناولي
وناولتها سوسو الكره
الهنوووف :: هنا هنا

عند المرمى عطتها رعبوبة الكره وسجلت هدف قوووول

1__ صفر

وبعدين صارت هجمة مرتده من الفريق الثاني من هلاليه من الرياض ولما جت عند خط المرمى الا تطييح طيحتها الماسه
وجا الحكم اللي هي نجمة الابداع وقاالت فاول وجت عاشقة الزعيم 15 وقالت
عاشقة : مايصير طاحت لحالها محد طيحها
هلاليه من الرياض :اااخ يارجلي تعورني

نجمه:كل هذا وطاحت لحالها

فيوو:ماعليك منها تمثل:p
نجمه :هاااه اطلع الكرت

عاشقة +فيوو :لا لا كل شي ولا الكرت فاول فاول
ولعبت الفاول هلاليه سنعه
والله كانت كره قووويه بس تصدت لها عاشقة الزعيم15

وارتدت جتها هلاليه من الريااض وتدخلها بالمرمى وقووول هدف التعادل

الهنوووف:اففف ياربي جابوا التعادل شدوا الهمه يابنات فاايزين فايزيين اليوم
عاشقة الزعيم 15 :احس يدي تعورني صديت هجمات كثيره

رعبوبة :اصبري ان شالله بالنهايه نفووز

شوي الا يجي هلالي الظهران والعنا وولد وايل <<ياحبهم للتحرش

العنا:الحين انتوا مصدقيين ان انتوا تلعبووون كره :p
هلاليه وافتخر:اييه نلعب يعني وش شايف

هلالي الظهران:أنا اشهد ان الكره مبسوطه لأنكم تدلكوونها برجلكم ولا انتوا وينكم ووين المباريااات

فيوو:ماعليك منا اهم شي ننبسط

نجمه:

ليييش تضيعون الوقت يالله كملوا ولا بكرت احمر الحيين لتضييع الوقت
رائدة:كرت اصفر مو احمر خخخخ:p
نجمه الابداع :اييه صح عااد اللي هو

وكملوو المباراه واللي طاح واللي انصااب واللي جاه شد عضلي وانتهت

المباراه بالتعادل

رائده:كان الفووز بيدنا بس ضيعناااه

الماسه:لا ياحبيبتي حنا اللي كنا بنفووز بس لانكم كسرتونا ماصار فينا حيييل

هلاليه حرة:والله انتوا بعد ماقصرتوا فيـنا ..

التميمه:خلاص الحيين انتهت المباراه انسوا الماضي وفكروا بالجااي <<متأثره بالمبارياات

الفارس الحائر .......تصوير تصوير

هامور البورصــة ::: بنات بات ممكن نقابل معكم معاكم قناةالزعيم :p
هامور البورصة::القمر الهلالية ماسباب التعادل من وجهة نظرك :p
القمر الهلالية :: بسم الله الرحمن الرحيم تعرف ضغط مباريات تونا الاحد الماضي لاعبين ديربي كبير

هامور البورصة ::: الهنوووف الهننوووووف مقابله على الهواء
الهنووووف ....نو نو نو فكنا من التصاريح انت شفت المباره بعينك كان فيها ظلم تحكيمي لاتعليق

مارد البطولات:::: بالطرف الاخر يقابل مع وردة زرقاء

مارد :: اسباب التعادل ياورة زرقاء
وردة زرقا :: الفوز كان بيدنا بس باخطا فادحة قدروو يحققون التعادل ماقول الا الحمد لله على كل حال

@@@@@@@@@@@@@@@@@@@@@@@@@

(الجو كان بارد نوعا ما والشمس بدت تغرب الكل مجتمع ويتقهوى :p )

شبوا ناار برى وطلعوا وجو الشباب وجلسوا يسولفون واللي يقول عن نفسه
المواقف اللي تضحك اللي صارت له واللي يتريق
بعدين قااموا الشباب يتريقوون على البنات يمزحوون طبعا
نمــر :اقوولكم اشياء مستحيل البنت تستغني عنها اذا طلعت من البيت
وشووو
الكلاسيكي :الشنطه خخخ
خفايا الهلال :وأزيدك من الشعر فله رووج ومرايه عاد تعرفوون ان البنات شيوون ويبون يسنعون نفسهم هع هع
التميمه:عااد من زيينكم انتوا
محبوبة:اييه والله لاجيتوا تطلعوون تترسمون كن اليوم زواجكم بس علشان اذا شافتكم بنت تقول لكم يااحلوو خخخ
هلالي القرعاء:على الأقل مو مثلكم اذا طلعتوا يالنعوومه اللي تجيكم وبالبيت انوااع الدفااشه
فرصة:والله كل النعوومه فينا
ماجد مقبل :وانا اشهد خخخ
عز الهلال:لا بصراحه الحق حق مو كل البنات دفشااات اكثر البنات نعوومات وياحليلهم
البنات:عز الهلال عز الهلال
عز الهلال:شكرا شكرا
الكناري الازرق :كله بجهه والكعب اللي تلبسه بجهه غصب غصب تبي تخلي نفسها طويله وهي قصيره
الهنوووف:اقووول ترى تعديتوا حدودكم على البنات اللي يسمعكم الحين يقول مافي مثلكم
سحر:ايه يالعجازين قبل لايامركم احد
اللي يقوول تعبان والي يااربي وين ارووح
رائده:اييه والله من العجز
ماجد: بس بس خلاص ياااعليكم لسااان خخخ
وقااموا الكل يضحكووون وبعدين البنات راحو خيمتهم والشباب بيلعبوون

$$$$$$$$

االطرف الاخر : تعال نشوف بالخيمة احد الكل
الطرف االاول :ماتوقع الكل لاهي هناك فيه واحد من الشباب هناك انتظر خلية يروح
الطرف الاخر :زين خلينا نسرق المفاتيح

وقروو الطرفين انهم ينفذون الخطه اذا الشباب قاموا يلعبون كوره
المهم يوم تغدوا وريحوا شوي وبعدين أذن صلوا العصر وبدئوو يلعبون كوره بالبلاستيشن

هذا التلفزيون جايبينه علشان البلاستشن
وكانت فكرة النـادر وتنفيذ كلي هلالي والهلالي النايم

والطرفين الاخرين يناظرون بعض

وسرقوا مفاتيح السيارات الطرف الاول ركبت سيارت نمر والاخر سيارة ماجد
وشوي مايحسون الشباب الا هاللي جالسين يفحطون بالبدايه توقعوا انهم قطاع يعدين تسللوا خيمة العيال الطرق سرقوا السيارات

وقاموا البنات طلعوا من خيمتهم مرتااعين

وراحوا الشباب
ركبوا سيارات ابو ريمان ومطيع الهميمي يبون يلحقون السيارتين وركب بسيارة ابو ريمان
أبو ريمان وهلالي الظهران وهلالي المااسي والعنا وولد وايل وsome one وركب بسيارة مطيع
مطيع الهميمي وياسر الجابر وماجد ونمر وعزوز الازرق والكناري

ماجد:ياااربي اسرقوا سيارتي الحين مالي شغل انتوا تشتروون لي ثانيه هذي حقت الوالد متسلفها منه علشان البر

نمر:آآخ

بس لو أصيد هاللي بسيارتي كان أجلده جلد
ولأن السيارات مظلله ماقدروا يشوفون اللي فيها
شوي الا يتلكلم ياسر الجابر:يؤيؤيؤيؤ
كلي هلالي :وشفيك ياسر
ياسر:تدروووون مين الي بالسيارات

من صار

بالسيارتين
ووش ردة فعل نمـر وماجد من سرقة السيارات ...؟؟

حلقة غدا بما انها احتمال كبير تكوون الاخيرة :p فهي مليئة بالاحداث والتطعيس:p
ودكم احطها في حلقتين

....؟؟؟ ترااها اتوقع طويله

جراح الهلالي · #49 26/12/2006, 04:50 PM

هنووووووف ليش ماخذتيني معكم بس من جد كشتتكم انووووووووووووواع الفله هنوف ابدعتي هالمره بقووووووووه

الهنوووف · #50 26/12/2006, 04:56 PM

جراح الهلالي عذرا عذرا نسيتكـ

لاتشره ياخوي ماعرفت اجمع بينكم

بالحلقه الجايه بتشوف نفسكـ

ترى الحلقة الثانية عدلتها الي قراها يقراها ثانيه:p

هامور البورصه · #51 26/12/2006, 05:14 PM

الهنوووف الله يرجك الحين انا مذيع يهووووووووووه

ولا قااعد الحق البناات مقابله مقاابله وانتي تقوولين نو نو

ليه تقوولين نو نو وكسرتي بخااطري

واشوا انك قلتي كل الي عندك طبعن حركاات نصرااوين الحكم ومالحكم هههههههههههههههههههههههههههههه

وبعدين انتي عليك اثااره نبي نعرف وش بيسوون بهالي جرهم يووم خطف السيااره حلووه خطف

بعدين الحلقه الجاايه نبيها كااامله من قالك انا مانقراء بالعكس قسم بالله الكشته فللله طبعن انا الي محلييها

هههههههههههههههههههههههههههههههههههههههههههههههه امحق

الله يعطييك العاافيه الهنووف وبانتظاار الحلقه الجاايه مدري القاادمه

ودمتم سالمين

hilalemooot · #52 26/12/2006, 05:28 PM

السلام عليكم

فكرة روعة .. وسرد رائع .. الله يعطيكم العافية

بس ما رحمت بهالطلعة الا حبي تيماوي وابو حاتم

<<<<------- متضامن مع المشرفين :p

من جد احسهم بيعانون معاناة خصوصاً مع البنات

موضوع رووعة .. وبإنتظار تكملة الكشتة

يعطيكم العافية ..

فـ مان الله ,.,.,

سوسوالهلاليه · #53 26/12/2006, 06:31 PM

الهنووووف الله يهديك والله دموعي نزلت من الفرحه..
واختي الصغيرة تقولي ليش خدودك حمره!!

إقتباس


	سوسو:::هلا عباادي شخبارك ؟والله مبسوطيين وفالينها ياليتك معانا

هههههههههههههههههههههه
اجل اكلم عبااااادي
ههههههههههههههههههههه
بس ماينفع يكون معنا تروه نصراوي ....

إقتباس


	عبادي :اهم شي تنبسطي ياسوسو

ياقلبي عليه

إقتباس


	سوسو:مو شغلكم شوي واسكر برى برد مااقدر اخرج برى<<بلهجه حجازيه

يووووووه نسيت اسألكم انتم ايش تقولون عشان اقول زيكم..
وبعدين انا صرت اقول اطلع مثلكم مو اخرج
خخخخخخخخخخخخخخخخخخخ
ترى الخلق بدت تشك اني نجديه من كثر مااتكلم مثلكم
ياحبي لكم....

إقتباس


	في بداية المباراه انفردت سوسو بمعشووقه وتراوغ وجت جنبها رعبوبة رعبوبة:سوسو ناولي وناولتها سوسو الكره الهنوووف :: هنا هنا عند المرمى عطتها رعبوبة الكره وسجلت هدف قوووول 1__ صفر

ههههههههههههههههه

الهنووووف ننتظر الجزء الثالث بفارغ الصبر

عاشقة الزعيم15 · #54 26/12/2006, 07:46 PM

موضوووووع ولا أحلا فللللللللللللله
أنتظر الجزء الاخير بفارغ الصبر
صرت حارس يالهنوف ههههه<<< لو يشوفني الدعيع بس
ابدعتي

♫ ROMAntico · #55 26/12/2006, 07:55 PM

إقتباس


	البنات

شويييييه

حرام عليك عشت الموقف

وهـ بس

إقتباس


	وصلنا وكانوا بستقبالنا

يممممممممه

وش هالإستقبال متأكده إني مارجعت يوم شفتهم

إقتباس


	وسط ..القمر الهلالية

حلووووو وش عرفك يالهنووووووف إني أحب هالمركز

إقتباس


	هامور البورصة::القمر الهلالية ماسباب التعادل من وجهة نظرك :p القمر الهلالية :: بسم الله الرحمن الرحيم تعرف ضغط مباريات تونا الاحد الماضي لاعبين ديربي كبير

خخخخخخخخخخخخخخخخخخخخخخخخخخخخخخخخخخخخخخخخ

ياحبيلي ياناس شوفوا التصريحات الرزينه

وين النصراويين يجون يتعلمون << صدقت عمرهـ :p

إقتباس


	الهنووووف ....نو نو نو فكنا من التصاريح انت شفت المباره بعينك كان فيها ظلم تحكيمي لاتعليق