نادي الهلال السعودي - شبكة الزعيم - الموقع الرسمي - <<< = مـــأســـأتـي يـوم قعـدت مع مــدرجـات فــريــق النصر (قصة لاانساها) = >>>

- منتدى الجمهور الهلالي (http://vb.alhilal.com/forumdisplay.php?f=28)

<<< = مـــأســـأتـي يـوم قعـدت مع مــدرجـات فــريــق النصر (قصة لاانساها) = >>>

سلام من الله عليكم ..

هذا عبدالله مبارك الحربي يحييكم ..

هع هع ..

<<< من كثير مايشوف مباريات ..

طوط ..

مسا الخير

مسا الورد ..

مساء الحطب

مساء السمر والارطة

والله ياناس برد ..

صدقوني احس اني بردان

<< احلف..

خلاص ندخل بالجد ..

( جد والا عم )

خخخخخخخخ

ــــــــــــــــــــــــــــــــ

قبل 7 سنوات...

عام 1420 في البطولة العربية ..

كنت بالرياض..

وكنت عند خوالي .

والمصيبة ..

كلهم نصراويين ..

الا واحد ..

ولا كان فيه ..

ووهقني..

التشجيع كان على اصوله ..

لين جت المباراة النهائية ..

طبعا لكم ان تتخيلوا كيف اعيش الاجواء بوجود 12 نصرواي في البيت وانا لحالي هلالي..

الشاهد ..

يوم المباراة النهائية ..

بعد الغدا ..

سمعت بعضهم يسولفون ويقولون نروح الملعب ومدري ايش..

كانو 3 اللي بيروحون..

قلت وانا بخاويكم..

قالوا لأ؟؟

قلت ليش ..

قالوا انت هلالي ..

تبي تجي معنا تروح جماهير النصر..

بيني وبينكم..

قلبتها بمخي..

قلت ياولد اروح واسوي نفسي ضعت بالزحمة وازبن مع الزعماء..

قلت طيب نجي معكم..

المهم رحنا قبل المباراة بساعتين ..

والدنيا زحمممممممة..

قلت يلله مابدهاش..

واجي بدخل مع الهلاليين ..

لكن الدنيا فلللللللللل

مافيه ..

والافكار الشيطانية تنطنط براسي..

قلت لو هجيت منهم..

وزبنت مع الجمهور الهلالي والزعيم بإذن الله بيفوز ..

يعني الرجوع بيكون كعابي ..

ومستحيل القى ليموزين مع الزحمة ..

( المشكلة اول مرة اروح لاستاذ الملك فهد عشان كذا متوهق )

والله واستغفر ربي وادخل مع النصراويين ..

بصراحة ؟؟

جمهور عجيب..

فاهمين الدنيا غلط ..

ماادري وش سالفتهم..

الرابطة من جنبها..

ماغير تتطنز بالهلاليين ..

وعيارات ..

يعني مافيه هتافات ولا شي..

اقطع ام الشغلة والجمهور اللي كذا ..

واانا عيني على جمهور فريقي والامواج والشغل العدل..

مالت علي بس وش جابني مع هالسلنتح ..

المهم بدت المباراة ..

وانا على اعصابي..

واحاول امسك نفسي مااتحمس واجيب العيد واتوهق..

المهم وطاخ وطيخ وطوخ ( طبعا هذي غير عن اللي بالموضوع اللي راح هذي طاخ طيخ ثانية )

وقووووووول الشلهوب..

والله ماحسيت بنفسي وانط ..

واصارخ

والعب بالشماغ ..

بس حسيت اني مسوي شي غلط ..

وابرمجها بمخي بأقل من جزء من مليون جزء من الثانية ..

واصارخ ..

واقول ياحلوي يافاشل..

وش هاللعب هذا ..

العن ام الحظ ..

واشوا حسيت ان اللي جنبي صدقوني ..

وانثبر بمكاني ..

وجا هدف النصر .. الصدفة التعادل..

وانا ماتحركت من القهر ..

واناظر الجمهور..

بدال مايصفقون للي جاب الهدف..

كل واحد يرمي عليه العقال ..

والا موية ..

صدق جمهور مدري وش حاشر نفسه بالكورة ..

المهم جت الاشواط الاضافية ..

وجاك الغامدي ..

ويسحب داخل المنطقة ..

وانا عاض على شماغي من الربكة اخاف ازل والا شي والاجواء مضطربة جدا ..

وخفت اصير من صيد امس واكل هوا ..

وشو شي شووو ( يعني هذا صوت تسحيب عمر الغامدي )

وصووووووووووووووووووووووووووو ( صوت الصافرة حقت الحكم )

هيييييييييه بلنتي ( والله قلتها وانا ناط من الفرحة )

بس برمجت نفسي حسيت اني جبت العيد قبل يجي مرة ثانية ..

واقول هيييييييه حكم ياغشاش..

وانا بقلبي اقول ايه غشاش مفروض يطرد ماطر ..

هع..

المهم ..

بيم بااام بوووووووم ..

قوووووووووووول..

هالمرة مسكت نفسي وانا عاض شماغي وقطعته بعد ..

قول قول قول .. ( كان هذا صوت قلبي صراحة )

المهم الجمهور العريق بدا يتسحب ويطلع برا الملعب كعادته مطأطأ الرأس ( واتعب على اللغة العربية يامطأطأ )

والجمهور الهلال يخرج مختالا من ارض الملعب ..

بنشوة الفوز..

انا ماسك نفسي..

واسحب عمري ..

وساكت ابي اضمن اني اركب السيارة .. بس..

وركبنا السيارة واللي معي واحد يسوق والثاني يكلم جوال يحلل المباراة والثالث يبكي ..

انا ساكت اقول متى اوصل البيت بس..

احس الطريق طويل..

ابي انط ابي افرح ..

وتوبة اذا رحت مع جمهور غير الهلال..

ششششششخط ..

نقطة..

انتهى كلامه حفظه الله ..

كان معكم من عربة النقل هوجاس..

والمذيع الداخلي . هوجاس..

ومهندس الصوت .. ايضا هوجاس..

ومن الاخراج .. هوجاس ريري ..

هع هع ..

سلملم يازعمااااااااااء واسفين على الاطالة ..

هههههههههههههههههههههههههههههههههههههههههههههه :D

قصة مثيــره ,, اجل بديت تذب على الحلـوي ؟ :D

ههههههههههههههه

مـشـكوووووووووووووور ..

مشكور اخوي وقصتك ماساااويه صرااحه :D

بس حلوووه هيييييه ياحكم غشاااش:D :D

ههههههههههههههههههه أجل الحلوي النكبة ولا البلنتي خطأ هههههههههههههه الله يرجك ولاأجل(واانا عيني على جمهور فريقي والامواج والشغل العدل..

مالت علي بس وش جابني مع هالسلنتح ..)

هذا جمهورنا هذا الجمهور المحترم مو هم الفقراويين الله يفشلهم وأخيراً أشكرك على القصة أخوي والله ياهي معاناه

لاعااااد تتعودها مره ثاااانيه http://vb.alhilal.com/images/smilies/biggrin.gif

هههههههههههههههههههههههههههههه الله يرجك رجــا ً ما بعده رج ِ ..

برب :D

احمد ربك ما ذبحوك يوم قلت بلنتي عاد هالحثلات مايهمهم

وخل هذا درس لك عشان ماتحضر مع ناس في قمة التخلف

والله نفس السالفه بالضبط صارت لي في البطوله العربيه اللي قبلها

اللي كانت بين النصر والهلال دور الاربعه اللي فاز فيها الهلال ضربات ترجيح

كنت مع ابوي وثنين من اخواني كلهم نصراويين وانا هلالي وابوي قايل

لي وقتها تبي تروح للملعب تروح لجمهور النصر معنا والا اجلس عند امك:D

المهم <<< قلبها موضوع:D

المهم انا كنت صغير في ثاني متوسط وقتها ورحت وقلت امري لله

وجلست مع الفقراويين وجنبي ابوي المتعصب جدا وكان يحرق جنبي

دخااان خلص اربع ابكات مالبورو احمر وقت المباراة:confused:

بس المشكله اللي صارت اني انجلدت وقتها من الفقراويين :D

لاني اخوي ماقدرت اتمالك نفسي مثلك يمكن لاني ماكان علي شماغ

اعض عليه:D يوم ضيع محيسن الجمعان البلنتي طمرت خمسره وعشرين

متر فووووق من الفرحه لحااالي وتخيلوا العالم كلها طالعتني وانا طااامر فوووق

والله ياناس ان اول من صفقني ابوي:D على باله يقول لاتفضح نفسك وهو

صافقني عشان البلنتي ضاع:thumbup:

ومادريت الا موية الصحه فوق راسي وانواع الكلام والولاعات في راسي

واناظر جمهور الزعيم وهم مبسوطين واقول ااااه لو اني معكم:cry:

المهم انتهت المباراة ورحت للبيت وحلف ابوي انه ماعاد ياخذني لاي مباراة وقتها

وبس:D

ماتلاحظون لو اني حاطها موضوع احسن:D

يعطيك العافيه اخوي على الموضوع

اللي يشبه سالفتي :thumbup:

ههههههههههههههههههههههههههههه

ماني قايل الله يرجك مثلهم لانك مرجوج خلقه

هههههههههههههههههههههههههههههه

تحياتي لكم

قصه رائعه بس والله العظيم صار لي نفس قصتك مع خوالي يشجعون الاتحاد وحضرنا مباراه الهلال والاتحاد بجده بس الحمد لله اننا فزنا عليهم 2 /1 سجل هدف الفوز اللاعب ( سياسيا )

إقتباس:

الرسالة الأصلية كتبت بواسطة AC hilal (مشاركة 4446342)

هههههههههههههههههههههههههههههه الله يرجك رجــا ً ما بعده رج ِ ..

برب :D

والله وقعدت تهوجس ياهوجاس
عالعموم هم دائما مطأطين رؤوسهم
وعلتهم الحكم
بس بيني وبينك طلعت خطير وعرفت تصرف صح خخخ

صدقت

جو جمهور النصر مختلف تماما عن جو جمهور الهلال

دخلت العام الماضي لاحد مباريات المنتخب ( ودية ) وكان معظم الحضور نصراويية لأن الفلتة سعد الحارثي كان اساسي <<< ابوووووك يالتفكير

واقسم برب الكعبة أول ما دخلت المدرج حسيت ان الجو مختلف تمااااما

لعن - سب - صراخ - تصفيق فردي - الخ الخ

هذي الحقيقة

واللي مو مصدق يروح لاحد مباريات النصر ويدخل لمدرجهم

عندها بيبوس يديه ان جمهور الهلال بهذا الرقي

القصه

ههههههههههههههه

الله يرج صنيجك :D

لا تتعودها انننننننننننننننننننننتبه :D

بس أحسن شي توقيعك هههههههههههههه