|
" صك المزلاج على من أراد الزواج " السلام عليكم ورحمة الله وبركاته،، الله مير يحييكم جمعيا ً..:yes: كالعادة من تالي سواليف وبتمشي حياتي حقيقة ًٌ يجب أن تقال وهي أن البرد هاليومين يجخر العظم كما يجخر المسمار الجدار.. ارحل أيها البرد غير مأسوف عليك فوالله انك قد ذبحتنا وعن الروحات والجيات قطعتنا ..:mad: لا علينا من البرد وسواليفه ، وخلونا في الزواج ومطاريسه:yes: أبتي ،أمي أبشركم فقد نويت أن أتزوج:) عجل يا أبي ودبر لي مبلغاً تساعدني فيه على أكل هذا المطب ، وبسرعه يا أمي شوفي لي أقرب بنت بعباتها.. لقت لي أمي بنت الناس الأجاويد ، وبدأت تمدحها وتسرد علي بعضاً من صفاتها ، فقلت : خلاص يا أمي أبروح أشوفها والله يكتب اللي فيه الخير.. ذهبت وشفتها وشافتني ، وشاف بعضنا البعض ، وأحسست بأنها هبة ٌ من الله ، وأحسّت بأمي مـَلك منزل من السماء، المهم اننا صلحنا لبعض وقلت لوالدها متى نعرس:D عدت إلى المنزل وبغيت أصدم مرتين لأني مازلت أرى صورتها أمامي ولا أرى غيرها في الطريق .. قلت لأبي خلاص ترى الامور تمام بس قلي كم هو المبلغ الذي تقدر تساعدني فيه؟؟ قال: والله ياوليدي عندي 30 ألف ريال قلت: الله يجزاك خير ويطوّل عمرك أخذت الورقة والقلم وبدأت أحسب التكاليف الاوليه لزواجي من مهر وحفلة للزواج وسكن وأثاث ولبس وهدايا ، فوجدتها بحدود الـ 100 ألف ريال وتزيد قليلاً ( من واقع المحيط اللي أعيش فيه ولاّ فيه ناس يكلفهم أكثر بكثير وفيع ناس يكلفهم أقل بقليل).. 30 ألف من الوالد + 10 آلآف قد تأتي من هنا وهناك + 60 ألف قرض من البنك ،، حلوين حلوين كملنا 100 ألف..s13s أبشركم تملكت وراح جزء من قريشاتي للمهر، وصارت ساره( تدرون ليش ساره؟؟) زوجتي على سنة الله ورسوله ، وصرت أغازلها بالتلفون عااادي مرتي ما فيها شي ، وأنواع النصب على بعض والبرستيج الكاذب يلعب لعبته.. تسألني زوجتي وش يعني لك البحر ؟؟ :rolleyes: فأقول: يعني لي الأمل في اللقاء وأسألها وش تعني لك السماء ؟؟:rolleyes: فتقول: تعني لي الصفاء والنقاء وسواليف مالها سنع من هالخرابيط اللي تحوّم التسبد لكن وش نسوي مجبورين.. ثم ندخل بسواليف تنظيم العرس، ونطلع منها لسواليف شهر العسل أسألها: وين تبين نقضي شهر العسل يابعد عمري ؟؟ هي : ياحبيبي أنا راح أكون سعيده معك بأي مكان أنا : داري ، لكن لازم تتحددين مكان هي : لأ أنت حدد أنا : لأ أنتِ قولي هي : لا لا لا ، أنت اختر أي مكان أنا : لا يكثر وقولي وين تبين هي : خلاص أحرجتني، خلنا نروح لباريس أنا: وشو؟؟ باريس باريس!!:eek: هي : أو لندن كان تحب:yes: أنا : شوفي ياحياتي لندن حلوه وباريس أحلى لكن الله يرحم والديك خلينا نروح للشرقيه أول وبعدين انشاء الله نروح لجزر الكناري هي : لأ الله يخليك حبيبي ودي لو مره بحياتي أروح للخارج أنا : نبي نروح ان شاء الله لكن اذا طلع البرد هي (مخفه): أجل خلاص نروح للخبر وبعدين اذا جاء الصيف نروح لباريس ، بس توعدني أنا : أوعدك ياقلبي ( وفي نفسي ايه هيّن تبطين مارحتي باريس ):sleep: وجاءت ليلة الفرح ، والرجال جالسين بالقصر كنهم بعزا والحريم يرقصن ويستانسن ، وقضى العرس وكلن راح لبيته ، وطرت أنا و ساره إلى عش الزوجيه..s51s وبعد مرور شهر زوجتني تصحيني للدوام وتقول بصوتها المهبول: قم يا بعد عمري لا تتأخر على عملك .. ثم تذهب للمغسلة وتفتح الماء الساخن(عشان من أجل إذا جيت ولا الماء حار) وتأخذ فرشة الأسنان وتحط فيها شوي معجون وتقول : تعال وغسل خشتك وفرّش أسنانك ياحشاشة جوفي .. ثم تذهب مسرعة إلى المطبخ لتضبط لي القهوة وتصف لي القدوع ، وتحشي لي بيدها الناعمة صامولية حبنا.. وبعد أن أفطر معها، تأخذ يدي لتوصليني إلى باب المنزل قائلة ً " اذهب في حفظ الله ورعايته وانتبه لنفسك" وما أن أصل إلى عملي ، يرن هاتفي الجوال وانظر الشاشة لأجد زوجتي في الموعد وكأنها قد علمت بأني وصلت سالماً غانماً.. وعندما تكون الساعة الحادية عشر ، تأخذ زوجتي المملوحه ورقة وقلم وتتصل علي وتقول " طلباتك بالغداء وهل تريد اللحم well أو well done ؟؟ .. وعندما أعود إلى المنزل أجد رائحة العطر تتطاير في أرجائه ، وتهب زوجتي مسرعة إلي لتستقبلني كأحسن ما أنا مـُستـَقبل ، ثم أذهب للغرفة لأرتاح قليلاً وبينما أنا هناك إذا بها تنادي " تعال أيها الوسيم النائم ترى الغداء ولام " وبينما نحن جالسون نتمالح الغداء ، قالت : تذكر يوم توعدني اننا نروح لباريس؟! أنا غصيت وقلت: هــاه ؟! متى قلت هالكلام؟؟ ضحكت و قالت : بسم الله عليك أمزح، بس حبيبي أريد أن أذهب إلى السوق اليوم كان ما عندك شغل قلت: أبشري يابعدهم ، وكم يكفيك من الدنانير؟؟ قالت: مايهم اللي تقدر عليه قلت: ياحلوة اللبن ، يكفيك ألف قالت: لا الالف كثيره ، يكفيني نصفها وبعد صلاة العصر ذهبنا سوياً الى السوق وأخذت زوجتي حاجتها وقالت: خلاص خلنا نطلع من السوق ملـَيت فقلت: لا ، خلينا نتمشى شوي ولكنها أصرت على الخروج ، فخرجنا وعدنا إلى البيت ، وبعد صلاة المغرب ضبطت لي قهوة تعدل المزاج ، وبينما نحن نحتسي القهوة ونضرب في السكري ، قالت: ودي أروح لأهلي أقعد عندهم شوي فقلت: ok ، وأنا سأذهب لأحضر بعض الحاجيات للمنزل فذهبنا إلى بيت أهلها وعندما وصلنا قلت لها: ترى أبجي آخذك الساعة 11.30 ، لأن عندي دوام بكرا ولا ودي أتأخر فقالت : وليش تجيني 11.30 ؟!! تعال الساعة 11 قلت: وهو كذلك،، وعندما صارت الساعه العاشره و خمس وخمسين دقيقه لبست زوجتي عباتها وأنهت جميع السواليف مع أهلها كي تكون مستعده للخروج من المنزل حالما أصلها.. وما ان وصلت بيت أهلها ، اتصلت عليها لتخرج ، وفي غمضة عين لقيتها بجانبي.. ياسلاااااااااااااام على التفاهم أنا وزوجتي حياتنا هادئة جميله.. مرت سنه وكأنها لحظه عشنا فيها أجمل الاوقات، ومرت بعدها السنه الـ 2 والـ 3 والـ 4 وكان لابد من المشاكل والمنغصات ولكن إجمالا مازلنا نعيش أجمل اللحظات... تدرون ليش أنا وساره مبسوطين؟؟ لأن أنا رجل بعمري وعقلي وهي حرمه بعمرها وعقلها:yes: ههههههههه و هههههههه بعد ثانيه ، يا حبي لي جالس أتخيل مرتي:D ، اللي يلقى لي زوجه تتعامل معي بنفس تعامل ساره سأكون له من الشاكرين اللافزين دراهم بمخباته ;) عااادي شغل خطاّبات الصراحة إن هالوقت لا الرجال رجال ولا الحريم حريم ، يعني اليوم نبارك لهم بالعرس وبكرا نتوسط بينهم ونحاول نحل مشاكلهم.. ياجماعة المشاكل كثرت ونص اللي يتزوجون اليوم ينفصلون بعد شهر أو شهرين ، وكثير من الناس يسولفون بموضوع الطلاق وأسبابه خصوصا للأزواج الجدد وكيف نعالجها ، ودائما ما ينسون أو يتناسون السسب الأهم من وجهة نظري وهو بكل بساطة وعفوية أن المعاريس بزرااان ما يعرفون يتعاملون مع أبسط المشاكل... 22 سنه و23 و 24 هذولا أغلبهم اذا نظرنا إلى أعمارهم وأجسامهم نقول إنهم رجال ، لكن عقولهم بزرانيه رائحة إلى وطي ونفس الشي البنات (ولن أقول حريم).. مشكلتنا الولد والبنت إذا قضوا من الجامعه قالوا اللي حولهم زوجوهم على طول بغض النظر عن عقولهم وتفكيرهم، ياجماعه منوّل الطالب اللي بالمتوسطه تلقى شنبه يوقف عليه الصقر والحين تلقى الذباب يسبح بالسعابيل تحت شفّته، وهذولا الى هالحين يقولون لأبو 22 سنه تزوج!! بكل أسف أجدني مضطراً مجرجراً مسحوباً إلى أن أقول أن تأخير الزواج إلى أن تكبر عقلية الزوجين هو حل وطريق لحياة زوجية أكثر هدوءاً وسعادة ، وهذي وجهة نظري من خلال اللي أشوفه. ولقياس عقلية الرجل والمرأه شوفوا تصرفاتهم واهتماماتهم وستعرفون أن أغلب من يسبحون في بداية العشرينات ما عندك أحد.. ولهذا فاني انصح كبار المسؤلين في الاسرة( ولست بأكبر منهم علماً وخبرة ً) بصك المزلاج على من أراد الزواج من البزران . . . . . وتقبلوا تحياتي واشواقي،، ولا تواخذون أحياناً تمسك معي أكتب وأدخل اربعطعش سالفه مع بعض، بس ان شاء الله ما تطول هالحاله.. لحظه شوي ،، تذكرت واحد من العيال تزوج وحده أكبر منه بـ2 سنه ، يوم سألته وشلون ماشاء الله عليك قررت هالقرار؟؟ قال يارجال ودي أتزوج ولا ودي آخذ بزر:yes: ياحبي لك يابو خالد الفكره صح لكن التنفيذ غلط:D ..فماااااااااااااان الله..s13s (ياجماعة عليك بأمهات الـثلاثين) |
هلا alhawey هههههههههههههههههههههههههههههههههههههههههههه ياشين اللي يحلم حلم نصه واقع ونصه حلم :D بتقولي وشلون تجي بقولك ما ادري بس انت مشها ولا تدقق :D .. اجل تبي مثل ساره ؟؟!! تبطي عظم :D .. شف اذا لقيت وحده عندها نص عقل ساره بالله دق على البارق وعلمه وخله يتزوج :D تسودها تعقله شوي :D الوقت الحالي لا الرجال رجال والحريم حريم .. الحين الواحد عمره 24 والا 25 وهو توه بزر اكبر همه يشتري سيارة ويكشخ فيها .. اكبر همه يكون آخر جوال نزل عنده اكبر همه انه يتعرف على كم بنت ويرقمها .. اكبر همه ان يمشي مع الموضه .. وقس على هالشي البنات بعد .. << اما قس متعوب عليها حسيت اني مثقف :D اكبر همها واحد يشحن لها سوا .. واكبر همها وش تلبس ومن وين تشتريه ومن اي ماركه .. وخلافه من هالحركات .. طبعاً ما اعمم على الكل .. لكن هالشي نشوفه بشكل كبير وكبير وكبير وكبير خلاص يكفي كبير جداً .. البعض من الاهل يستعجل يبي يزوج ولده والا بنته وهو بينه وبين نفسه مهوب متأكد انه كفو للزواج .. وعقبها بفترة بسيطة نشوف هالمشاكل وآخرتها طلاق .. طيب انت ليش من الاساس زوجته وانت تحس انه مهوب كفو للزواج .. !! إقتباس:
إقتباس:
على الاقل استغل هالفرصة سوقك ماشي هالفترة الحق على عمرك قبل لا يخفس بك السوق لتحت :D اما خويك ابو خالد :D اجل يبي يتزوج ولا وده يأخذ له بزر هههههههههههههههههههههههههههه بس ولو بيتوهق عقبين ;) :D وقل ما قاله صدى :D |
هلا alhawey .. ليت كل البنات سارهـ ، كان بتشوف حياة العالم في راحه بعيداً عن المشاكل ..! بس بناتنا وعيالنا هـ الوقت الله يخلف بس ويصلح الحال .. مشكلتنا ان بعضنا للاسف لازالت عقولهم تسبح في مجاري الطفولة :D .. من جد تشوف همه الاول موتر كشخه ، ولوحة مميزة .. ولـبس ماركة ! وكون الحل تاخير الزواج ، اعتقد انه من افضل الامور ، ولكن ان يكون التاخير لـحد معين قبل الوصول الى الثلاثين .. يعني على 26 - 28 .. الله يصلح بس الحال ، ويهدي الجميع :) تسلم يالغالي على الموضوع الرائع :) جداً اعجبـني اختيارك ، وموضوع حساس في وقتنا هذا .. ! تحيتي |
ههههههههههههههههه شكلك جالس امس معي انا وخويي بالسياره وربي كنا نسولف عن الزواج اقول له ابي وحده تدلعني <--هذا أهم شي :p لان الحين نادر تلقى وحده تدلعك :d موضوع حلو زي خشتك :d |
يعطيكـ العافية على الموضوع الحلو اللي زي مواصفات في توقيعكـ:D إقتباس:
مشكووور:thumbup: |
هههههههههههههههههههههههههههههههههه الله يكون في عوووووووون الجميع .. وش صاير هالأيام .. وين مااطس القى الخلق فاكين سيرة الزواج ؟؟! نت .. ماسنجر ... فالبيت .... حتى فالملعب ... ... لايكون تبوني اتزوج ؟؟! تبون الحق .. البرد لاعب دوووووووووووره ..... ماعاد فيكم تفاحطون فالشوارع .... الافكار بدت تفاحط فعقولكم <<< تراه منكم ..ههههههه الهااااااااااااااوي /: والله ياخوك انك سحبت علي سحبة قوووووووووية .. داخل جووووو مع سارتك ... ونهايتها كذا ؟؟! دريت انها من الخياااااااااااااال .. بس ياخي مايخالف كمممممممممممممل .. عادي علوم زي ذي نصدقها لو صار ماصار.. اما خويك اخذ له اكبر منه .. نقوله الله يوفقه .... اعرف واحد عمره حول 27 واخذ له وحده 18 ومااقول الا الله يوووووووووووووووووفقه .. اما انا .. فانشدني عن فارق السنه فما فوق ... طبعا لصالحي ... اما اني اخذ وحده اكبر مني .. هع .. وين صارت ذي ؟؟! اذا مررررررررره ملزم يمكن وحده اصغر مني بنص شهر شهر ... ياخي بحس اني الكبييييييييير والا كيف؟؟! انتهى , , , |
" صك المزلاج على من أراد الزواج " :D اول شي احييك على العنوان الرهيب صراحه عجبني والله:thumbup: :laugh: نرجع لساره:rolleyes: اصلا تستاهلون :mad: مو لازم تتزوجون >>>>>>>خخخخخخخ عصبت :p مشكلتكم تحلمون واجد :rolleyes: بعدين تنصدمووون :p :D يجي الواحد يحط فبالو مواصفات هوا ماتجي فيه نصها حتى يعني ممكن هيا ماتكون سيئه لهدرجه لكن لانك انت كنت حاط فبالك شي محدد فـ مارح تعجبك:yes: وبعدين محد كامل والواحد يشوف نفسو هل هوا كامل؟؟ معناها غيرو كمان مو كاملين إقتباس:
لكن انا مع انو الواحد يتزوج بدري :yes: واكيد على حسب الشخص في ناس لين يوصلون ال30 وتفكيرهم لسه تفكير بزارين وفيه في بداية العشرينات لكن مشاء الله عقلهم يوزن بلد :p اكبر همه انه يتعرف على كم بنت ويرقمها >>>لو تزوج اكيد مابيفكر بهالشي :) اكبر همها واحد يشحن لها سوا >> لو تزوجت برضو مابتفكر بهالشي :) إقتباس:
مافي وسط طيب:D امممممممم وبس:D |
الزواج متعب و يتطلب روحاً تبحث عن استقرار و اهتمام بالآخر. و يصبح حملاً ثقيلاً جداً جداً عندما يكبر و يتعاظم فرق السن بين الزوجين. ولو سألني أحد عن فرق السن المناسب لما زدت عن ما قرره صديقك أبو خالد إلا ، ربما ، بسنة واحدة. أقابل بعض الناس و أدعو سراً في قلبي أن لا يتزوج فيتعب بنت الناس بعد أن كانت معززة مكرمة عند أهلها. و البعض الآخر أود لو أن أسبق السنون حتى أزوجه إحدى ابنتيّ. الكريم المفضال الهاوي ... دمت سعيداً. |
أحلى يالكريم المفضال ..:D:D وربي إنها جازت لي كلمة القاضي ..:D أنا ما أعترض على الموضوع يا ابو سارة ..:d لكن أوردت كلمتين وهما ( حشاشة جوفي ) و ( حلوة اللبن ) هذي الله يصلحك خاصة بتعامل الأم وولدها فواحدة خاصة بالأم تجاه الابن والثانية خاصة بالابن تجاه الأم ..ولا يدرى وين الصحيح ..:D:D خلاصة كلامي إن هالأمور ما تقاس بالعمر الزمني بل بالعمر العقلي .. والله أعلم ..:) يارب تطول حالتك كانها من هالمواضيع وجاي ..:) مع السلامة يالمفضال ..:D |
هــلا وغــلا بأبــو شنب يوقف عليه الفيل :D حياك الله .. انا من شفت الموضوع وانا اقول اكيد سالفه مالها نهايه بس اشوى انتهت :laugh: .. دقيقه موضوعك يبي له تفصيل .. إقتباس:
يقول كل شي صعب إلا الزواج يهونه الله .. إقتباس:
إقتباس:
إقتباس:
إقتباس:
بس كم تعطيني .. ولا تدري مهري كله عليك .. :D المهم جينا للجد .. تصدق ان احنا امس في مجلس كنا نتكلم عن الزواج لان ولد عمي ابوه ناشب له يقول تزوج وهو يقول يبه خلني اكمل الدشره اول . في راسي حب(ن) ماطحن .. وابوه مصرّ .. عاد انا قلت ياواااد تزوج وفك نفسك من هرج عمي ..بس عمره 19 بس رجال وشنبه يوقف عليه الفيل مثل شنبك .. ومراجل بمعنى الكلمه .. تبغى تروح البر لا تروح الا معه <<وارتاح :yes: .. اما الزواج اذا تبغى الصراحه انا مع الزواج المبكر اذا كان الشخص قادر على تحمل المسؤليه مو من النوعيه اللي قلت انت .. بكره ولا بعد بكره راح او رايحه تتشكى لاهلها .. لان الزواج راحه نفسيه واستقرار وانت اخبر .. اما الزواج متأخر والله انا احس انه بهذله يعني يصير الفارق بينك وبين عيالك ثلاثسن سنه والله قويه .. حتى يمكن ماتقدر تربيهم التربيه الصحيحه لوجود فوارق زمنيه بينك وبينهم .. وياما ويماما رجال اعمارهم فوق الثلاثين وحركاتهم وتصرفاتهم صبيانيه .. اذن .. الزواج مو بالسن .. بالفكر .. بالعقل .. بالنضج الفكري مو السني .. وفي الختام .. زواج هنيئاً لك ايها الهاوي .. ولو اني ادري انك اذا تزوجت معاد حنا شايفين رقعة وجهك :p .. بس بالتوفيق لك .. هذي سنة الحياة .. واشكرك على طرح الموضوع الاجتماعي كما عودتنا .. ودمت بخير .. ولك ارق التحايا ,, |
والله لا حنا اللي بنلقى مثل سارة ولا البنات بيلقون مثلك ( بالقصة طبعا ):D بس اذا لقيت نص سارة يعتبر شي ممتاز عموما ما فيه امل تلقى زوجة كاملة بس اذا كان الزوج والزوجة يبون يحافظون على حياتهم الزوجية اعتقد صعبة تفسد العلاقة |
هلا بالهاووي ابو الهوايل >>مشكت معاي كذا لاتشره ياخوو جورج:p وعليكم السلام ورحمة اللة وبركاتة البرد ومادراك مالبرد فماودي اتكلم كثير لاني بغتابه غيبتن تسبيرتن :cry: بما ان الموضوع خيالي بس بتكلم كما ان لو كنا حقيقة إقتباس:
طيب ورا ماتوفرون شي من الراتب :eek: لتكاليف الزواج كل شي قرووض إقتباس:
إقتباس:
هنا مشكلة الي يجي ويتفلسف وين تبين وهو مطفر يعني حفاظا للذوق العام وشوله تسالهااا يعني لو قلت مثلا للشرقيه بيقووول بنت فقر :D يابنت اختاري ديرتن بعيده وكما لو قلت ابي فرنسا بيقووول وين دخلتن على بنك :p يعني لايسالني او يحط خيارات علشان تكون البنت في الصورة ومنعا للاحراج إقتباس:
اتوقع عندنا يقووولووون قم كلذا من السهـر ماجيبت الا تالي الليوول :p إقتباس:
إقتباس:
هنا يقولووون وش الف وش شايفني دراهمك تصرفها على االكو والماكوو :p إقتباس:
ممكن تلقى ياخووي بس هالصفات ماتعرفها الا بعد الزواج اذا وقع الفاس بالراس :) إقتباس:
وانا اشهد s13s إقتباس:
ايه والله لو تلتفت للمشكله تلاقيها بسيطه بس الجهل بالحياه الزوجيه يخليها تكــبر ايه والله الطلاق كثـر للاسف الله يوفقنـا يارب إقتباس:
إقتباس:
هذا السن مناسب للبنت اتوقع يعني عذرا ياخوي كم تبي البنت تتزوج اذا تعدت ال25 هو سن للبنت حلو اما الشاب فاتوقع اقل شي مناسب 25 لـة حتى لو كان قادر قبل بس يتعلم من الحياه شووي ولو فكرنا ان الاعمار ليست مقيااس يعني تجيك بنت عمرها 18 بس عقليتها اعقل من وحده 24 وهذا واقع ونعيشه وكذلك الشاب إقتباس:
إقتباس:
للاسف الحين الرجال مايهتمون بس يبي يزوج البنت ويفتك منها على اي واحد الحممد هالنظرية تنطبق على ابوي الله يحفظة فهو صاحب نظرة بعيده وكل زواجات العايله الي كان رافضها ابوي (الي كانت البنت اقل من 20 سنة ) للاسف الحين غالبيتها مشاكل :) إقتباس:
فارق السن يختلف من بنت وشاب يعني ممكن بنت عمرها 20 بس تتوافق مع شاب عمره 27 وممكن سنه \ او سنتين بس فيه اختلاف في العقليات هذا شي راجع لطبيعه الشخص الله يرزقك البنت الصالح ويرزقا الشاب الصالح :) اخي الهاوي طرح مميز باسلوب مشووق حفظكـ الله ولاعدمنـا قلمكـ s60s الهنووف كانت هنا ورحلت |
وعليـكم السلام ورحمه اللهـ ,, _ _ _ _ _ _ _ _ واللـه صعبه تحصل مثل " سـارة " ذي الأيـ ـ ـام :yes: مثل مـا قلت لكن الخير كثير والحمدلله s60s بس يبيله وقت , أجل السماء تبيها تمطر ذهب :rolleyes: . يعني دورلك من هنـا ولا هناك , وتحصل ان شاء اللـه ;) , أو لبنـانيه s60s تحصلها مثل " سارة " وأحسن بعد :thumbup: تقهويك الصبح , وتصحيك بوجه مبتسم مهوب بـ كشة أعوذ بالله :p ؛ بس الله يعينك على مصاريفها . _ _ _ _ _ _ _ _ وفي الأخير .. الله يرزقنـا بالزوجه الصالحه الي نعيش معها احلى عشيه :yes: ومـا تطلب أكثر من السفر الى بيشه :D ولا تقزز من الدريشه :D ولا تحب الدخان ولا الشيشه :D . وش رايكم .. بالقصيدة :p .؟ سلاميشو :) |
هههههههههه الله يرجك (ولا تواخذون أحياناً تمسك معي أكتب وأدخل اربعطعش سالفه مع بعض، بس ان شاء الله ما تطول هالحاله) ولا (عليك بأمهات الثلاثين)ههههههه والله أنك مرجوج |
هلا صباح الخيراات،، __________________ صدى الامس:) ياهلا والله وغلا بالصدى ،، نصه هلا ونصه مرحبا:D إقتباس:
إقتباس:
إقتباس:
إقتباس:
إقتباس:
إقتباس:
يارجال تراي أحياناً أفكر هالتفكير لكن في عميمقات قلبي أحس انه خطأ وغلط وخطأ ، العرس لازم:yes: إقتباس:
إقتباس:
تسلم يابعدي،،:) ومستانس بوجودك __________________ معذبهم:) يا هلا والله وغلا .. إقتباس:
إقتباس:
بس حلوه مجاري الطفوله:D إقتباس:
الله يسلمك ياغالي:) أسعدني حضورك __________________ ღكلي هلاليღ:) إقتباس:
إقتباس:
تشكراات،،:) ___________________________ رااااجع ان الله أراد:yes: |
| الوقت المعتمد في المنتدى بتوقيت جرينتش +3.
الوقت الان » 10:50 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd