أســـ الزعامة ـــاس:)

يا هلا ومسهلا..

الله مير يعافيك ويسلمك:) تشكراات


__________________________________




عزوز الأزرق:)

:D البرد شين والواحد اذا تزوج يبدا مايكثر روحات وجيّات;)


اررركد ياعزوز:mad: وش اللي داخل جو مع ساره وبعلها يشم الهوا:mad: حق الناس مهوب حقك:D

آآآمين ، لكن الظاهر ان المهر كان قيم بوي وكرتون شبّاصات:D

أكيد مايصلح تاخذ وحده أكبر منك ، احسن شي تكون أصغر منك بـ 2 سنه:yes: وأطلق شي يصير عمرك 27 وهي 25 s60s


يعطيك العافيه:) وتشكراات لمشاركتك

__________________________________




تغريد:)

أشوى الحمد لله:yes: أحسبك تبي تقولين اشرح لي العنوان:D

لأ :mad: نبي نتزوج غصب عليتس ، الى متى نقعد كذا من دون نصفنا الآخر:mad:

:D أي مواصفات وأي بطيخ والله ان أغلب الشباب يقول أبي وأبي واذا جاء الصدق أخذ أقرب وحده بعباتها:yes:

وبعدين مواصفات ساره ليست صعبه أو خياليه بالعكس بسيطه جداً:yes: والميزه فيه طريقة تعاملها الودوده والا فهي ليست ملكة جمال وشعرها الى خصرها وخدودها حمر :D

:D الا فيه ، بس تكون أم 25 سنه بمواصفات 30 سنه:yes:

يعطيك العافيه:) وتشكرااتي لتواصلك

__________________________________


القاضي:)

ياهلا ومسهلا..

صدقت ياغالي، واعتقد ان مجرد اهتمام الزوج بزوجته والعكس بشكل يوحي حرص كل واحد منهم على راحة الآخر هو مفتاح للسعادة والتفاهم بينهم:yes:

الى حد كبير نعم ، لكن أعتقد ان المرأه اذا وصلت الـ25 سنه راح تكون مهيأه تماماً لرجل عمره 30 سنه وفي هالحاله ما أشوف انه مافيه اشكاليه لو تعدى الفرق بينهم سنتين:yes: ، لكن يجي واحد عمره 24 وياخذ وحده عمرها 19 هنا من وجهة نظري أنه غلط..

الله يسلمك ياغالي:) سررت بمشاركتك

__________________________________


البارق:)

هلا والله وغلا..

أجل جازت لك المفضال ، طيب ليش ما تعطين وحده من هالنمومه أفرح بها شوي:D

انتبه لوتعترض ينكشف المستور ترى الموضوع كله من مصلحتك:D

يا بعدي أنت كبرت كثير:D وصرت ما تتعمق بهالكلمات الدافئه ، أنت تبي وحده تقول لك "انتسب لك مرقوق يابومحمد":D

هي اذا قالت لي " يا حشاشة جوفي" يعني اني قطعة منها وهذه أقصى درجات العشق
وانا اذا قلت " يا حلوة اللبن " يعني اني أتغذى وارتوي منها وهذه أقصى درجات الهيلمان:yes:

يعني تعبير مجازي ، ولا أنا خابر أصل استخدامها..

صدقت، وليت هالعالم يقيسونها بالعقل ، مهوب بالسن والقدرة الماليه..

يامال العافيه يابعدي:) تسلم على المداخله

__________________________________


أبوقف عند صديقي وحبيبي الكلاسيكي اللي عيا يستر علي وفضحنا عند الله وخلقه بهالشنب ، يبي لنا شغل وااجد:D

آآآي ول كوم باك للغالين:yes:

الكلاسيكي:)

هلا وغلا باخو قلبي ..

كفايه حرااام ما فيه أحد الا ودرى الشنب:mad: والله يالعيال صار هرجتهم شنبي وكل ما أجيهم قبل كل شي يشيّـكون على الشنب هو فيه ولا ما هوب فيه:D وأهي غلطه ومش حتعود:yes:

و الوالد صدق:yes: ، يقول واحد من العيال : يوم جيت أتزوج ما كان عندي الا 40 ألف ريال جمعتها من رواتب 3 سنين ، وكنت غاسل يدي من أنه فيه أحد راح يساعدني وكان كل تفكيري وشلون آخذ أعلى قرض من البنك، لكن يوم قرب الزواج صارت الفلوس والمساعدات تجيني من كل مكان لدرجة اني تحسفت على القرض اللي أخذته، حتى ان لي خاله مدرسه ومن زمان ماشفتها أرسلت لي 5000 آلاف ريالs60s

اي والله انك صادز:D أنت عجزت تهضمها وأنا عجزت أكتبها لكن لعل الحلم يصبح حقيقه:yes:

أفا عليك يابعدي ، صدقني اذا أخذت وحده أم 30 سنه تبي تدعي لي:yes: وبعدين وش تبي بالعيال الوااجد:eek:
10 سنوات كل سنتين يجيك ولد ،وباذن الله لا صارت زوجتك عمرها 40 يصير عندك أربع عيال :yes: نعمه

طيب ياعادل ، اذا خطبت وتملكت ان شاء الله وبديت تخربط مع المدام تبي تقول الله يذكر الهاوي بالخير:yes:

اي والله تكفى:yes: وأبشر باللي يتكفل بمصاريف زواجك من أختها وفوقها بانوراما غمارتين :yes: بس أنت جب لنا ساره:rolleyes:

تعجني الديموقراطيه في مجلسكم، أجل الاب يقول تزوج والولد يقول اصبر أبدشر:D

واذا تبي الجد المفروض ان الوالدين ما يلزمون على عيالهم ويخلونها تجي من عندهم أحسن:yes:

رجعنا على طيري اللي:mad: :D ياعمي سبيك منـّه

اتفق معك، الزواج المبكر زين ، لكن الواقع يقول ان الشباب والبنات من تالي ما عندك أحد الا ماندر ، وحرام نستعجل ونزوجهم اليوم وبكرا يفترقون ، نصبر شوي الى ان تنضج عقولهم وبعده ييسر الله..

صحيح لكن هذولا شواذ ، والغالب في زمنا هذا ان الركاده والعقل عند الشباب تبدأ في سن متأخره..

:D
الله يسمع منك، ومن ناحية ماراح تشوفون رقعة وجهي فهذي تعتمد على المدام ، اذا الله وفق وكانت زوجتي تملأ علي الدنيا فالظاهر اني ابدا امر عليكم أسلم وأمشي:yes: مشغوووول قوووه:D


تسلم يابعدي على مشاركتك وتواصلك،،
________________________________


مجنون @ الزعيم:)

ياهلا وسهلا..

وش قصدك؟؟ القصة حقت شعري ولا قصة ساره؟؟ لازم تحدد لأن كلهن زينات:D

ما نبي زوجة كاملة ، نبي وحده لو ربع تنده:D أهم شي تكون حرمه متفهمه وعاقله:yes:

تشكراات لمشاركتك:)

________________________________

الهنوووف:)

ياهلا ومسهلا فيك،، وياحبك للواوات:D

الله يستر بكرا تمشك معك وتسمينني الواوي:D

وان اخوتس الراتب مابه بركه:cry: حتى لو كان كبير يطير بسرعه ، وان حاول الواحد انه يجمع ماراح يوفر الا مبلغ بسيط

مثلاً أبو 5000 ريال بالشهر لو صرف 2000 ووفر 3000 راح يكون بآخر السنه معه 36000 ريال:cry: هذا ماتجيب حق القصر والخرفان:D

وشوله أسألها !!:eek: والله لو ما سألتها كان تروح وترغي عند أمها " شفتي هالنذل راح وقرر اننا نروح للقصيم بدون لايشاور:cry: " ثم تجي الام وتقول ما عليتس منه اتصلي عليه وقولي تبي توديني لأسبانيا ولا مالي طلعه معك:mad:

ويكبر الموضوع ويصير فيه ذبح ومذابح:bash:

:D
يعني لو أحط خيارات :
القصيم
الدمام
باريس
وش تبي تختار؟؟:D :D

ما فيه داعي للعب على النفس الموضوع واضح والمقصد الدرباة:yes: >>>>> عرفتي وشي الدرباة:D

اذا وقع الفأس على الرأس وش الفايده؟؟ لا غدينا ولا غدا الشر:cry:

بالنسبة لي نعم لكن مهوب شرط أساسي ، ابي زوجتي يكون عمرها 25 وطالع:yes: عشان أكون سويت اللي علي ، لأن من واقع مجتمعنا أغلب البنات اللي أقل من العمر ماراح يكونون ناضجات وصبورات وراعيات بيت الا ما ندر ..

وبالنسبة للشباب ، فلو كان عندي بنت ما أزوجها لواحد عمره أقل من 25 لو هو أحسن الناس ، وهذا رأيي من خلال اللي أشوفه والدنيا تغيرت عن منول:yes:

لو تكلمنا عن الاغلب فصدقيني أن الأعمار مقياس ومقياس مهم، أكيد فيه رجال وحريم كفو وقد المسؤوليه رغم أن أعمارهم صغيره لكنهم قله..


ولو فكر الاب وتأنى ، كان يقول تقعد عندي وأربيها وأحافظ عليها سنتين زيادة لين تكبر ويكبر عقلها ويكبر عقل وسن المتقدمين لها \، ولا تتزوج بسرعه وترجع لي مطلقه الله لايقوله..

آآآآمين الله يسمع منك،،


يامال العافيه:) وتشكرااات على مشاركتك وتواصلك

________________________________

عـز الهلال:)

ياهلا ومسهلا..

انا اشهد انك بهذي صدقتك ، الموضوع يبي له وقت كافي والعجله فيه شينه..

وراك خرّبت أبو الموضوع:D قبل شوي وأنت وش حليلك:D

اللبنانيات زينات وكلامهن عسل بس أغلبهن ما بهن صلاح، وانا رجال أدور مره فيها خير تربي عيالي صح مهوب بكرا ألقى ولدي ينابط مع ستار أكاديمي:eek: وبنتي تقدم برامج بالمستقبل:eek:

آآآمين ،، كمل وراك وقفت؟؟ الصراحه وناسه:D أحلى عيشه ببيشه:D

يعطيك العافيه:) وتشكرااتي على مشاركتك الوسيعة الصدر:yes:

________________________________

الدريبي الهلالي:)

هلا ومسهلا..

الله يهيدك بس يالدريبي:mad: أنا الحين أدوّر الركاده أبعرس وانت تدعي لي بالرجه !! على كذا تمددت فترة العزوبيه عندي لسنتين قادمتين وانت السبب ياظالم ياقاسي:D

تشكررااتي لك:)

________________________________

وش الدرباة:p ..؟؟؟

:rolleyes:

يعطيك العافيه

الهنوووف:)

هلا نبوتن ثانيه..

يقولون ضابطه الامور بالكشته:D

الدرباة = الزحلقه ، وهي أحد انواع الكذبه البيضاء:yes:

__________________________________

هــلالي المجمـعه:)

الله يعافيك ،، وتشكراات لمشاركتك:yes:

__________________________________

abu_riman:)

ياهلا والله ومسهلا ،، الحمد لله على سلامتك :) ..

حياك الله ياغالي:) وما يحتاج تحط لي تمهيد انا وانت نعرف بعضنا زين;)


يابوريمان ياصاحبي، الهاوي ليس جاهلاً أو سافلاً أو لئيماً أو ناكراً أو بخيلاً أو صغيراً قاصراً أو منحطاً أو حتى مغزلجي :D عشان يصل الامر لدرجة أن ولي أمر العروس يندب حظه على زواج وليّته من هذا الهاوي :yes:

تقول ياغالي اني أخذت من ساره ولم أعطها شيئاً ، وهذا غير صحيح ، و لا أعلم كيف اكتشفت هذا ؟! لأني ما سولفت عن الهاوي وزوجته وكيف يتعامل كل منهما مع الآخر !!

كل ما في الأمر أن الهاوي يتخيل فتاة بصفاة وطريقة تعامل رااائعه تضمن له راحته ، وان حصل له ذلك (كما تخيلت) فانه يحبها ويعشقها لدرجة انه صحى من الحلم وقال تكفوووون شوفوا لي أقرب سااااره..

ولو تسأل أي فتاة بالعالم عن أهم شيئ تريده من زوجها ستقول وبدون تردد " أريده محباً عاشقاً " :yes: لأنها ان تأكدت من حبه وعشقه ستكون على ثقه بانه سيسعى لكل أمر يجلب لها سعادتها:yes: وهذا هو حال الحالم الهاوي

:D اذا كنت تقصد بالكذب سالفة نبي نروح لباريس :D فأنت تبالغ كثيرا يا أباريمان ودخلت في الجو أكثر من اللازم..

الكذاب على سبيل المثال هو من يقول لخطيبته أنا صحتي وبدني سليم ، بينما هو يعاني من مرض ووراثي( عافانا الله واياك)..

أما غيرها من سواليف تالي الليل فهذي اسأل عنها اللي تملكوا وسولفوا مع زوجاتهم حينها ستسمع ما طب ولذ من الاكاذيب الشفافه المكفوشه من أول وهله:D


عساك تسلم يابوريمان:) وسعيد بتواصلك ومشاركتك:yes:

تقبل تحيتي،،

اهلين اخوي الهاوي

فعلا موضوعك رائع

لكن ودي اعلق على موضوعك

في حال منع الشاب عن الزواج قد يرتكب الشاب المعاصي وقد يتجه للزنى لاسمح الله

فنحن هنا قد نعالج الخطأ لكن يحل محلة خطأ اعظم وهو امكانية اتجاه الشاب للزنى

ولا يخفى عليكم انتشار المعاصي والذنوب في وقتنا الحالي

فإذا كان الشاب مقتدر فالمانع من الزواج

ونتذكر قول رسولنا عليه الصلاة والسلام(يامعشر الشباب من استطاع منكم البائة فليتزوج)

اتمنى اخوي تكون مقصدي واضح لك

لك خالص تحياتي,,,

تصدق احسبك معرس صدز وتحتسي لنا قصة حياتك
اثره احلام اليقظه مدري زهرةالخليج .. :)
اما العنوان توووحفه صكه يالقفل بعد اليييين يصير رجال بمعنى الكلمه
وتصيير بنت بمعنى الكلمه ...
بس اللي اشوووفه حاليا الزواج منتشر بين الشباب اللي اعمارهم 18 و20
مدري احسها بربسه ولعب بزرااان ... مهب كل من قال زوجوني يزوجووونه
الزواج مهووب لعبه .... الزواج حياة ثانيه .....
المفروض مايتخطاها الانسان الا بعد تفكير عمييق وغووووويط وبعد عقل ورشد وتكانه ..
ومثل ماقلت بعد الزواج انواع المشاكل ويكثر الطلااااق ...
لأن كل واحد ووحده يحلموون بشئ والواقع يصير شئ ثاني .......

ما اقوول الا الله يرزق كل واحد ووحده باللي يتمنوونه بشريك حياتهم والله يوفقهم ...
اخووي الهاووووي .. صاحب الإبداع .. صاحب التألق .. صاحب الطرفه .. صاحب الواقعيه ..
شكــــراً لك ولمووووضوعك الممتع ..’’
دمت بخيــر ..’’

كلــــه بــالاول والاخيـــر توفيــق من اللــــه ...


بكـــــــره صــــم وادع ربـــك يرزقك مثــل سارة اذا افطـــرت ..؟
وادع ربــي يزوجنــي مثــلك بالقصــة بس يودينـــي بــاريس مو يتسذب علــي ؟؟

عاشق مدريد:)

ياهلا والله ومسهلا بالعاشق المدريدي..


صدقت اخوي ولا أشكك في صحة كلامك:yes: ،، لكن يابعدي عموما نظرية اني أزوج الشاب وهو صغير في السن لغرض انه ما يدشر باعتقادي انها خطأ خصوصا في زمنا هذا..

كثير من الشباب كان الدافع لزواجهم هو الحاح والديهم عليهم ولم يكن لديهم الوقت الكافي لاتخاذ القرار وكانت النتيجة أما حياة تعيسة أو طلاق في كثير من الاحيان..

ممكن اني أعطي الشاب فرصه ووقت كافي الى أن يكبر وينضج عقله وفي نفس الوقت يجب ان اذكره بوجوب مراقبة الله عز وجل وتذكيره بالمخاطر والامراض التي قد ينقلها له طريق الحرام..

وهل يكفي ياغالي ان يكون الشاب مقتدراً حتى أزوجه ابنتي أو أختي؟؟

قضايا الطلاق وللاسف الشديد تملئ المحاكم والسبب الاول في نظري الاستعجااال في الزواج والاختيار ، وانا هنا لاأدعو الى الاعراض عن الزواج أو تأخيره لوقت كبير وانما على الاقل حتى نتأكد من أن تصرفات الشاب تدل على أنه رجل:yes:

الله يجزاك خير ياغالي على التذكير:yes:
وكلامه عليه الصلاة والسلام أكبر من أن يعلق عليه شخص مثلي..


تسلم يابعدي على مشاركتك الراقيه بمحتواها واسلوبها:)

_____________________________

هلاليه سنعه:)

ياهلا بالسنعه اللي ما تبينا نحج أكثر من مره:mad: :D ..

يعني لو انا معرس تبي تلقين خشتي ناطه بالمنتدى كل شوي:confused: أشك في صحة ذلك:D

وهذا اللي فاقع مرارتي:upset: ولو رجع الامر لي كان أي واحد يزوج اللي أعمارهم 18 و19يسجن و يحول للتحقيق:mad: الا اذا جاب خمسة يشهدون انه رجل وعشره يشهدون انها حرمه:yes:

s60s واشك ان اللي تحت العشرين يعرفون وش معنى تفكير وعدم استعجال أو حتى يعرفون وش معنى عقل تكانه؟

اللهم آآمين ،، والصلاح وحسن الخلق قبل كل شي:yes:



الله يعطيك العافيه وعساك دوم سالمه:) وشكراُ عد ما أمطرت على اطرائك الذي بسبته أصبحت فاغر الخشه:D

_____________________________


الفيروسه الزرقاء:)

ياهلا والله ومرحبا،، وشلون النسبا:D

الشبط ذي راعية مهايط ولجه على غير سنع:dead: العلم كله عند المربعانيه الله يكفينا شرها

:D :D ياحبي للشياب والعجز يبالغون بوسائل التدفئه الله لايخلينا منهم:yes:

وبعدين أنتي الحين تعطين توجيهات لجدتك!! صدز الدنيا ذي مالها أماااان ، تلقين جدك تقول ما بقى الا ذي عشان تعلمني عن الوجيه:dead: :D


:D
زين ما سوت:mad: والله انها كبرت بعيني، الله يعطيها الصحه والعافيه، والسبب ذكرته آنفاُ

:D :D هذي أم صالح مهيب الشبط:D اللي تبي تطرد من الدار

اخس يالاوروبيه!! أجل معتدل:laugh:

أقول سلمي لي علي الدفايه اللي تدور:yes: ولا يكثر:mad: والله انه برد عظيـــــــــــم

اختي ، اذا سافرت يضيق صدرها وتنغث:cry: وش لو أروح أبشرها اني أبتزوج!!
ما أقول الا الله لا يخلينا:yes:

وانتي وش اللي محرق رزتس:mad: أخق ما أخق هذا شي راااجع لي أنا ومرتي ياحبي لها:yes:

اي والله ياست الكل:mad: يعني لازم يصير مهبول لابس سروال سنّه ومعه ميرندا وفش فاش وشطه عشان نقول ما يصلح للعرس:mad: :D

الله مير يسد نفس عدوك:mad: هذا بدال ماتقولين لي سر الى الامام وتبي تلقى مثل ساره واحسن:mad:

لكن تبين الصدق:yes: في داخلي مقتنع ان كلامك صح

يقولون الخطابات زادت اسهمهم وارتفع سوقهم عقب ما كانوا منّول حيلة لمن ليس له حيله:confused:


يعني أمهات العشرين مهابيل!!:naughty:

اي والله صدقتي:yes: وما فيها شي اذا قلت ياحبي لمرتي بهالعمر:yes:

ملمّات ياراعية الملقاط ما أدري وشلون قبلوك بالجامعه؟!!:D

s60s أم العشرين أحياناً شيطانيه وفي أحيان أخرى ابليسيه ولا غدينا ولا غدا الشر:cry: هذي وش يبغى بها؟؟!!

والله يا أنتِ ما تصلحين لا أم ولا خطّابه :dead:

مليّت من الحياة العشوائيه( وش رايك بالعشوائيه:D ) وابي وحده تمحو غبار الماضي وترتب أدراج الحاضري :yes: وأويلاه لو تصير مزيونه:yes:

والله انا مضطر أقول لك مبروك:thumbup:

لكن الله يخلف على البيت اللي انتِ صرتي ربته:cry: عز الله انه الكبير يبي ينهبل ويموت جوع والصغير يبي يدشر:cry: وزين انها وافقت اجازه ولا كان موضوع المدارس منتهي أمره:D

يامال العافيه يالفيروسه:) وتشكراات واااجد على تواصلك الظريف الوسيع الصدر:yes: وان كان تبين نصيحتي لاتسألين عن عقبين:yes: وانتبهي للبزارين رحم الله والديك

_____________________________

ماجد مقبل:)

ياهلا والله وغلا باخو قلبي:yes:

ياليته يبتل الحالمs51s

وترى وائل بيني وبينك لا أحد يدري:D

سلمت يمينك يا أبا مقبل:yes: لكن لماذا خربتها في الاخير:mad:

والله شف اذا لقيت وحده من السارات :D وعمرها عشرين ابسوي عليها حجز عوده مؤكد الين تكبر شوي وما يمنع احط لهم قرشين على الحساب:yes:

ماااش يابعدي عيوني ترفض ان يكون عمر ساره أقل من 25 :rolleyes:


يامال العافيه ياغالي:) وتسلم على المشاركه والله يعيده علينا وعليك بالصحة والعافيه:)

_____________________________

مهووسة الزعيم:)

يا هلا ..

أكيد والله يكتب اللي فيه الخير للجميع:yes:

أبشرك صمت:yes:

لكن راحت علي أدعي:cry: ليش ما قلتي لي من بدري:mad: شكلي أبصوم بكرا:D

تشكرااات لمشاركتك:yes: والله يرزقني ويرزقك الصالح من عباده

___________________________


تحيتي للجميع:)

هههههههههههههههههههههههه
مشكووووووووووووووووور على القصه اللي ما اتوقع تصير مع اي احد سعوودي
كل ذاا الحب

كيف نعيش بلا ياسر،،

سعودي ولاّ لبناني الحريم سيم سيم:yes: بس لابد ما تلقى وحده من بين ألف وخمس تطلع شقرديه

تشكراات على المشاركة،،

واعتذر عن التأخير فقد كنت كاشتاً:yes:

ههههههههههههههههههههههههههههههههههههههههههههههههاي

حلم مامنو هههههههه

أقول طايح سب بالورعات وانت يالورع ماتناظر حالك

وماشاءالله سن الزواج 30 سنه لوووووووووول كخخخخخخ<<<<تصيح عشان صار عمرها 17 وماتزوجت خخخخخخخخخ

عنست ببيت ابوي اجل<<<<<< اللهم الفكه عاجلا غير اجل

مشكور اخوي على الموضوع الحلو يسلمو