((( معاناة ضحية تشجيع نادي ..... مهم جدا جدا
 

بسم الله الرحمن الرحيم
((*معاناة *))
((( ضحية تشجيع نادي الشحاذين نادي الفقر ))) ثلاثون عاما من .. الوهم والأحلام وأنا صغير مثل (كل المراهقين ) كان يجذبني
( اللون البراق ) ونسي والدي أن يخبرني أن ( ليس كل ما يلمع ذهباً ) انشغال والدي بتجارته ووالدتي بتربية أخواني ...
جعلني فريسه سهله لكل من ..
( في نفسه مرض ) هكذا عرفت .. (((* النصر*)))
أصدقاء السوء لم يتركوا لي مجالاً للتفكير ...
ماجد .. محيسن .. الهريفي شوف الكوبري ياروحي يأبو عبدالله ايييه ...
اعتقدت أن هذه هي الكوره وهذا منتهى الفن ...
ثلاثين عام من .. ( الضياع والتعب النفسي )
الناس تاخذ بطولات .. !! وأنا أمدح ماجد ومحيسن !!
يقولون لي : فريقك ما جاب الدوري ..
أقول : إيه بس ماجد جاب كوبري...
يقولون : فريقك مهدد بالهبوط أقول : إيه بس ماجد لاعب القرن .. أشوف النصر ينهزم وأردد مايقوله الرئيس عن التحكيم
ثلاثين عام وأنا إذا دخلت مجلس أتحاشا أقول : إني نصراوي ..
تعبت نفسيا ًوأصدقاء السوء راحوا مع اللي راح بعد ما زرعوا في نفسي كوره غلط في غلط .. وكالعادة بعد ما غادرت مدرجات
( ملعب الملز ) منكس الرأس وفريقي مهزوم ..
خليت السيارة ورحت أمشي حول الملعب أخفف من الوجع وأفكر في نفسي .. وصدفه قابلت زميل كان معانا في الحاره ماشفته من 20 سنه .. كنت أكرهه لسبب واحد لأنه كان ((( هلالي )))
شافني وسلم علي والسعادة كانت واضحة في ملامحه عرف قصتي يوم شافني ( ماسك العلم النصراوي ) كان ( مؤدب ) ولا حارشني
قال بأدب ((( الله يعينك إلى هالحين نصراوي )))
بغيت أبكي وخفت يعلم العيال عني ما قدرت أطالع عينه ... عرف جوابي مشى جنبي ساكت يوم وصلنا السيارة عطاني شريطين للهلال وقال: إذا شفت نفسك فاضي طالع هالشريطين و عطاني رقم جواله .. وصلت البيت .. رميت الاشرطه .. وقلت:
ما ناقص إلا أطالع مباريات الهلال .. .
حاولت أ نام ..وكل ما تذكرت ترتيب النصر في الدوري طار النوم
رحت أمشي في الحوش وأنا أقول : الدخان والنصر واحد منهم راح يقضي علي .. رجعت الملحق اقلب في الدش ملل .. وشفت الاشرطه اللي عطانياهم صديقي الهلالي .. قلت : وش أنا خسران بدال هالطفش خلني أشوف الهلال وأضحك عليهم ..
بديت أطالع الاشرطه .. شي من الهدوء والسكينة بدا يتسلل إلى نفسي.. شفت شي عكس اللي كانوا أصدقائي يقولونه
شفت ( فن ) شفت ( كوره حقيقية ) شفت ( بطولات من كل شكل ونوع ) ألحين عرفت ليش جمهور الهلال أكثر سكينه وهدوء مني
ثلاثين سنه من ( التخبط والضياع ) توني أشوف الكوره الصح...
كل ما خلص الشريط رجعته من الأول ألين نمت .. صحيت الصبح وكلمت صديقي الهلالي طلبت منه أشرطه ثانيه وثالثه ورابعة ...
ما هو ب عيب اني عشت ضايع العيب أستمر ضايع عرفت .. الفن
عرفت .. الكوره عمري اللي راح في القهر والتعب والمجادله الكاذبه إنضميت لشباب هلاليين علمتهم بقصتي .. أخذوا بيدي ساعدوني .. خفت أضعف وارجع لأصدقاء السوء..كل ما ضعفت
رجعت شغلت واحد من الاشرطه وهدأت نفسي واطمأنيت ..
لي سنتين من يوم اهتديت أهلي فرحانين بالتغير اللي طرأ على شخصيتي صرت أكثر هدوء وأكثر روقان تحسنت إنتاجيتي في عملي وهذا شي طبيعي .. صرت إذا جلست في مجلس وقلت : إني هلالي ما عاد أحد يتجرأ يتحرش فيني .. الأرقام تتكلم والمنصات تشهد هذي قصتي .. أهديها لكل نصراوي في غفلة الأيام تمضي والسنين تركض .. العمر واحد حرام نقضيه في :
((( ذل و تعب و قهر ))) سعادتي أكبر من اني أحطها رهينة إقدام حارثي وبيشي .. إلى كل نصراوي .. أهدي قصتي لتكن عبره وعضه لعل الله ينفع بها أحد التائهين ...


مع تحيات : مـــــيـــــشـــــو العرب ... Meshoo alarab
احمد(هلالي)
[email protected]

اتمنى ى قراءة الموضوع كامل

ههههههههههههههههههههه


لايشجعون الزعيم اصرف لنا خاف يجيبون نحسهم

اللة لا يبتلينا والحمدللة الذي اكرمنا بزعيمنا .

حمدلله الله هداك ورجعت لطريق الصح ... انتبه لا تصير من المرتدين عن حب الهلال النفس اماره بسؤء

هلا فيك لكن اخووووي هالموووضوع مكرر

؟؟؟؟؟؟؟؟؟؟؟؟؟؟؟؟؟؟؟؟؟

مشكورين على الردود

اسمح لي يا احمد هلالي

كاتب الموضوع ((مكرر)) وبعنوانين مختلفة
ما يضر لو تبحث عن موضوع او طرح اكثر فائده بعيد عن الاسفاف ومقارنة الدين بالرياضة

واعتذر لاني كنت صريحة شوي